تجربتى الكامله للأبنوس بالصور

[king516]

أشكرك على ردك الذي يدل على إنك رجل محترم، وفعلا الموضوع أزواق، وكويس إنك عدلت الديفوهات، وعلى فكرة سبير كار واخد توكيل من شركة تركية بيعمل الأبانوس لأي عربية معرفش هو ده اللي حضرتك كنت بتتكلم عنه ولا لأ، وتقبل مروري:b4_388:

ده حضرتك اللى محترم وردك بيدل على شخصيتك
اما عن سبير كار فالموضوع ده محصلش ابدا ابدا لأنى كل يوم والتانى بعدى من عندهم ( الفرع الرئيسى ) اللى قدام وزاره الداخليه وكل اللى عندهم بتاع اللانسر الأصلى ب250 ج ولزق بتاع التويوتا 2005 بس غير كده مفيييييييش

[Sehsss]

ده حضرتك اللى محترم وردك بيدل على شخصيتك
اما عن سبير كار فالموضوع ده محصلش ابدا ابدا لأنى كل يوم والتانى بعدى من عندهم ( الفرع الرئيسى ) اللى قدام وزاره الداخليه وكل اللى عندهم بتاع اللانسر الأصلى ب250 ج ولزق بتاع التويوتا 2005 بس غير كده مفيييييييش

ربنا يخليك يا باشا، بس والله سبير كار كان عامل الاعلان بتاع الأبانوس ده من فترة وعمل عليه قصة كبيرة ومحمد مصطفى رئيس مجلس إدارة الشركة اتكلم عليه في أخبار السيارات، غريبة دي

[Amr Axel]

الف مبروك و شكلها هتزقزق في نافوخي ههههههههه

[king516]

ربنا يخليك يا باشا، بس والله سبير كار كان عامل الاعلان بتاع الأبانوس ده من فترة وعمل عليه قصة كبيرة ومحمد مصطفى رئيس مجلس إدارة الشركة اتكلم عليه في أخبار السيارات، غريبة دي

على فكره الحاج محمد مصطفى انسان قمه فى الروعه وشخصيه جميله جدا جدا جدا وانا بتعمد اروح فرع وزاره الداخليه وهو موجود عشان اتكلم معاه بس لأنه انسان مهما الواحد يتكلم فى حقه مش هكفيه كلام وموضوع الأبنوس ده هو فعلا اتكلم عليه لكن للانسر والتويوتا بدون تخصيص وحضرتك ممكن تتصل وتسألهم

وعلى فكره يا sehsss اخويا معاه صنى سوبر صالون لكن بينى وبينك كده كل شويه اندمو عليها وانه اشتراها ههههههههههههه ربنا يباركلك فيها ويكفيك شر طريقها

[Sehsss]

على فكره الحاج محمد مصطفى انسان قمه فى الروعه وشخصيه جميله جدا جدا جدا وانا بتعمد اروح فرع وزاره الداخليه وهو موجود عشان اتكلم معاه بس لأنه انسان مهما الواحد يتكلم فى حقه مش هكفيه كلام وموضوع الأبنوس ده هو فعلا اتكلم عليه لكن للانسر والتويوتا بدون تخصيص وحضرتك ممكن تتصل وتسألهم

وعلى فكره يا sehsss اخويا معاه صنى سوبر صالون لكن بينى وبينك كده كل شويه اندمو عليها وانه اشتراها ههههههههههههه ربنا يباركلك فيها ويكفيك شر طريقها

هههههههههه.. وبتندموا ليه دا انت المفروض مش قده خالص، الصني بسم الله ما شاء الله وحش على الطريق وأخوك أحسن الاختيار ياباشا، وربنا يكفينا ويكفيك شر الطريق

[khaleddapino]

مش حلوه بفضل شكل التبلوه فبريكه احسن

[photoshop]

بسم الله الرحمن الرحيم

انا حبيت اعمل الموضوع ده عشان الكل يستفاد ويعرف اللى ممكن يطور بيه شكل صالون العربيه اللى الكل بيعتبرها بيته التانى
انا كنت بحلم فى عربيتى الأسبرانزا 516 ان الاقى فيها ابنوس زى السيارات فى الخليج وزى اسبرانزا 620 ونيسان صنى سوبر صالون ولانسر و حبيبتى تويوتا 2005 والجيب والأنفينتى لأنه بيدى للعربيه فخامه وراحه نفسيه على الأقل بالنسبه لى وطبعا حاولت اطبق الكلام ده فى السيراتو الشكل القديم او الفيرنا ( عربياتى القدام ) قبل مايتباعو لكن اتباعو بدرى بدرى قبل ماعمل فيهم اى حاجه
ال516 هى دى العربيه اللى حطيت فيها كل الكماليات اللى اقدر عليها ولسه لأن العربيه دى ميعرفش قيمتها غير اللى ركبها

المهم كنت بحلم اشوف تابلوه العربيه زى الصور دى كده : ( وركزوا على الصوره الأخيره )










طبعا دورت ولفيت عند محلات كبيره ومحترمه فى مدينه نصر والمهندسين ووسط البلد والتجمع الخامس ومناطق كتيره كانت الأجابه مستحيل او مينفعش وانسى الشغل ده والكلام اللى يحبط ده طبعا يئست وزهقت لكن شويه الموضوع قلب تحدى معايا بطريقه غريبه جدا جدا

ولقيت لينك على الفيس بوك لتخشيب السيارات ( ابنوس ) للتابلوه اتصلت بالراجل وحجزت معاه ميعاد وروحتله بعد شغلى
طبعا فى مكان محترم وتعامل محترم وكل حاجه لكن تخيلو طلب كام فى الشغل اللى انا طالبه منه ؟؟؟؟؟؟؟؟؟؟؟؟؟؟؟؟

طلب بالظبط 2650جنيه بعد الخصم !!!!!!!!!!!!!!!!!!!!!!
ودخلى فى قصه الأصلى والبى ام الفئه السابعه والمرسيدس السى 500 والكلام اللى لايودى ولا يجيب معايا وهو شايفها اسبرانزا قصاده !!!!!!!
ولكوا ان تتخيلوا منظرى وانا ببص للراجل وعايز اقوله كلمه بايخه لكن استأذنت منه بشياكه وذوق وانا كلى تحدى انى لازم ابدأ رحله الأبنوس بأى طريقه غير الطريقه المستفذه دى
وروحت عامل الموضوع ده على المنتدى :

http://www.nilemotors.net/nile/248466-a.html
واخدت الفكره انى انزل الرويعى فى العتبه وفعلا دورت ولفيت والحمدلله لقيت اللى انا عايزه واكتر لكنه لزق استيكر وليس خشب ولكنه يشبه الأبنوس بالتمام ولفيت ونقيت اللون اللى عاجبنى من وسط اكتر من 70 لون واشتريت 5 متر المتر = 8 جنيه يعنى 40 ج ( والمتر هناك بيبدأ من 2ج حتى 20ج ) للأشكال والرسومات المختلفه وبيخيرك مابين ورق حائط او استيكر وانا اخترت التانى
ودى صور العربيه قبل ماتتعمل :













ونزلت على محل اكسسوارات فى منطقه عابدين كنت بتعامل معاه كتير واتفقنا على كل حاجه واخد مصنعيه لا تتعدى 70 ج على الشغل ده واسيبكم وانتو تحكموا بنفسكوا ويهمنى رأيكوا جدا جدا : ( 4 ابواب بالتابوه كامل )































.... شويه ملاحظات كده صغيره :
- متنزلش العتبه والرويعى بعربيتك لأحسن ممكن تطلع من غيرها لو ركنتها صف رابع ولا خامس لأن مفيش مكان ده غير الزحمه طبعا فى المشى البطىء جدا جدا
- للأسف كنت ناوى اصور لكوا المحل اللى اشتريت منه لكن فوجئت بهجوم كبير من اصحاب المحلات بمجرد انى ابتديت اصور لأنهم افتكرونى من الضرايب والتأمينات ههههههههه وسابونى لما اتأكدوا انا جاى ليه وعايز ايه وشغال ايه واعتذرولى عن شوء التفاهم ده ورغم كده منعونى من التصوير ايضا .
- لزق الورق ده وتفصيله على الحاجه اللى انت عايزها بياخد مجهود كبير جدا من اللى بيلزقه سواء فى محل الأكسسوارات او سروجى
- لازم يكون واحد محترف اللى بيلزقو غير كده انت بترمى فلوسك فى الأرض
- الشغل اللى انتو شفتوه ده مأخدتش اكتر من 3 متر او اقل والباقى احتفظت بيه لكن بأمانه الشغل عاجبنى جدا جدا وفعلا غير شكل العربيه وشكل العربيه على الطبيعه اشد من الصور بكتييييييييييييييييير واخد 3 ساعات كامله شغل وفك كامل للأجزاء اللى هيركب فيها
واى استفسار انا تحت امركم واسف على الأطاله

بسم الله ما شاء الله شكلها جميل قوى
بس انا كمان لقيت في الحرفيين في بلوك رقم 21 عند محل توسكانى رقم 21 صاحبه محمد و طارق سليم عندهم رش ابانوووس و اصلي جامد جدا انا عملت اللانسر عندي تابلوه و فتيس و زرايل القزاز كلها بـ 350 جنيه

[Kareem Fawzy]

شيك قوى بسم الله ما شاء الله عليها
مبروك عليك

[abo_lamar]

بجد تحفة ربنا يبارك فيها .

[graffittiii]

ألف مبروك يباشا ... شكلها حلو باستثناء بعض الحتت اللي فيها هوا ... لكن ف المجمل حلوة ..