Cruise control

[samehafez]

انا اسف عشان معلش بتقل عليكم
بس عندي استفسار عن ال cruise control
1- بيتباع في مصر ؟
2- حد ركبه في عربيته .....قصدي طبعا انها تكون مش نازله بيه

دا سايت الشركة اللي بتبيعه
www.thecruisecontrolstore.com

و ده لنك طريق تركيبة للافيو للي مش عاوز يوجع دماغه جوه السايت بتاع الشركة

http://rapidshare.com/files/115209482/06-07aveo.pdf

بس السايت فيه طريقة تركيبه لانواع كتيره من العربيات
و شكرا

يحول لاساتذة المنتدي لإبداء الرأي الفني

[eng_mkhalaf]

طب دة بينفع فى إية مش لاقى شرح وافى فى السيت

[samehafez]

ده زي مثبت السرعة ...يعني في الرحلات الطويلة ممكن تثبت السرعة علي 100 مثلا و مش هتفرق طالع مطلع او نازل من منحدر السرعة هتفضل ثابتة ... زي اللي موجود في الليبيرتي و بعض العربيات

[samehafez]

يا شباب لقد وصل و تم تركيبة علي نيسان صني بتاعة واحد قريبي و يعمل بكفاءة
بس مظنش ان في حد هيحتاجة الا لو مسافر مسافات طويلة تثبت السرعة و تريح رجلك و تريح دماغك من الرادار .....و كمان هو بيشتغل كويس بس مع الاوتوماتيك علي ما اظن

[mragh]

Can you send us some pictures after it was installed on the car

And where did you install it

Thanks

[HNaga]

ماعتقدش الكروز كونترول ممكن يركب غير فى التوكيل
بعد التركيب لازم يتم إضافته للكونترول يونيت
انا ركبته عندى فى الأسترا و خد تركيب يوم بحاله والمهندس إستخم Tech 2 عشان يعرفه للكمبيوتر العربية

[samehafez]

ما هو ده اللي حصل بس بعد عذاااااب انا بصراحة كنت فقدت الامل عشان كده كنت بسال لو حد هنا ركبه قبل كده عشان كنا ناويين نركبه بنفسنا ....بس قريبي كلمني و قاللي انه ركبه خلاص ....و بالنسبه للصور هحاول .

[ysalah]

where did u install it ya basha

[samehafez]

في التوكيل .... تقريبا الللي في العبور مش متاكد هو بعد ما ركبه اداني طناش و حلقلي

[eng_mkhalaf]

دة لو كدة هيبقى كويس قوى لأن أنا معظم طرقى سفر - لو حد ركبة يا جماعة يا ريت يقولنا بكام وفين - بالمناسبة هو سعرة كام هنا

[wael333]

ماعتقدش الكروز كونترول ممكن يركب غير فى التوكيل
بعد التركيب لازم يتم إضافته للكونترول يونيت
انا ركبته عندى فى الأسترا و خد تركيب يوم بحاله والمهندس إستخم Tech 2 عشان يعرفه للكمبيوتر العربية

باشا انت ركبته فى منصور وفى اى مركز, اصل انا عندى اوبترا
وياريت تقول لنا كلف كام وملش لو نتقل عليك وتوضح لنا بالصور هل اضاف لك زر جديد ام اسستبدل ذراع المساحات مثلا, سؤال اخير قصدق ايه بال Tech 2

وايه رايك هل قصرعلى اى حاجه فى العربيه

[X_MM_X]

ياريت الأسعار؟؟؟؟؟؟

[ramyso4]

ملوش لازمة بذات في مصر أنا عندي مستخدمتوش غير مرة ولا اتنين لمدة كام دقيقة وفكست وعلى فكرة هو ملوش علاقة العربية مانيول ولا أوتوماتيك

[HNaga]

باشا انت ركبته فى منصور وفى اى مركز, اصل انا عندى اوبترا
وياريت تقول لنا كلف كام وملش لو نتقل عليك وتوضح لنا بالصور هل اضاف لك زر جديد ام اسستبدل ذراع المساحات مثلا, سؤال اخير قصدق ايه بال Tech 2

وايه رايك هل قصرعلى اى حاجه فى العربيه

ركبته فى منصور الطيران
اتكلف حوالى 1000
غير ذراع الإشارة مش المساحات - دراع المساحات ده بتاع الكمبيوتر مش الكروز-
وركب جزء فى الضفيرة
وعمل التوصيلات و بعدين برمجه ب Tech 2

طريقة عمله
تمشى عادى لحد ماتوصل 40 تبتدى تزود بالكروز او بالبنزين لحد ماتوصل السرعة اللى انت عايزها
تضغط على Set وهى تمشى
اول ماتفرمل الكروز يفصل لازم تدوس Resume عشان ترجع على السرعة اللى كنت مثبت عليها

[HNaga]

Tech 2 ده جهاز البرمجة بتاع جنيرال موتورز لازم الجهاز يفعل الكروز فى الكونترول يونيت

لا ماأثرش على اى حاجة و شغال زى الفل

وعلى فكرة لاحظت حاجة غريبة جدا
لو بزود سرعة بالكروز العربية بتستهلك بنزين أقل غالبا رجلى ثقيلة
يعنى مثلا لو LHK وانا بزود برجلى 14 بلاقيه 12 وانا بزود بالكروز