الفرشه الفرو على التابلوه عمليه ولا مقرفه ؟

[XGoGoX]

السلام عليكم ورحمة الله وبركاته
عندي مشكله في لما باكون ماشي والشمس مباشره على التابلوه
بينعكس وباشوفه على الزجاج الأمامي
وده طبعا بيعيق الرؤيه شويه
فكرت في فرشه فرو على التابلوه وباشوفها ناس كتير حاطينها
ياريت حد يقولي هي كويسه ولا لأه
وأخبارها إيه مع التراب
هل بتلم تراب كتير وتنضيفها سهل ولا لأ ؟

[ahmedezzat78]

طبعا بتلم تراب و بتنزل شعر و لو غسلتها بتبوظ و مش بتبقى ناعمه

كنت حاططها زمان فى 128 عشان ادارى شكل التبلوه كان مكسر و مقشر و حالته صعبه

معلش انا رأى ان شكلها تاكسى شويه بس طبعا دى اذواق

[MOUSTAFA_SAAD]

بتلم تراب وبرده حاتنعكس على الزجاج زى التابلوه بالظبط
وبتخلى العربيه تاكسى او ميكروباص

[ehab98]

انا كمان عايز اداري التابلوة

لاني لما بركن العربية في الشمس بحس ان الطابلوة بيسخن اوي و ممكن الشمس تبوظة

[XGoGoX]

طيب ياجماعه جزاكم الله ألف خير على النصيحه
أنا فعلا باشوفها كتير في الميكروباص والتاكسي
أنا من ناحيه عايز أجدد شكل التابلوه
ومن ناحيه تانيه عايز أحل مشكلة الإنعكاس دي
ربنا يسهل مفيش مشكله لو الواحد جرب وهابقى أقولكم أول بأول عالنتيجه

[mazagngi2010]

ومن ناحيه تانيه عايز أحل مشكلة الإنعكاس دي
ربنا يسهل مفيش مشكله لو الواحد جرب وهابقى أقولكم أول بأول عالنتيجه

متابع لانها بصراحه مشكله غلسه جدا

[hosar]

هيا بالفعل مشكلة غلسة أوى ..............
بس أرحم من شغل التكاتك

[mido51eg]

فيه رول كاوتشوك مخرم بيتباع في كارفور وسبينيس بيتفرش على التابلوه . لونه اسود مطفي فامالوش انعكاس على التابلوه ولأنه كاوتش فمش بيتزحلق عن التابلوه وسهل انه يتشال ويتغسل. كنت واخده من واحد صاحبي كان مركبه في باسات وشاله علشان حس انه بيئة اوي مع الباسات ، بس انا شايفه كويس وعملي

[JAM]

مع إحترامى لكل وجهات النظر

لما الشمس تبهدل التبلوه بتاعى.. ساعتها مش هتفرق إذا كانت ملاكى ولا حتى كارو يمكن حتى ساعتها التاكسى شكل التبلوه بتاعه وهوا فارشها علشان يحمى التابلوه بتاعه هيكون أحلى من التبلوه بتاعى اللى اتبهدل... المفروض الواحد فينا يعمل اللى يقدر بيه يحافظ على عربيته بدون النظر للآخرين.... بمعنى إن ساعة لما عربيتى يحصلها حاجة... مفيش حد هيحط ايده فى جيبه ويقولى خد صلح عربيتك.

تحياتى
م/ أحمد نبيل

[ahmadmidop]

مع إحترامى لكل وجهات النظر

لما الشمس تبهدل التبلوه بتاعى.. ساعتها مش هتفرق إذا كانت ملاكى ولا حتى كارو يمكن حتى ساعتها التاكسى شكل التبلوه بتاعه وهوا فارشها علشان يحمى التابلوه بتاعه هيكون أحلى من التبلوه بتاعى اللى اتبهدل... المفروض الواحد فينا يعمل اللى يقدر بيه يحافظ على عربيته بدون النظر للآخرين.... بمعنى إن ساعة لما عربيتى يحصلها حاجة... مفيش حد هيحط ايده فى جيبه ويقولى خد صلح عربيتك.

تحياتى
م/ أحمد نبيل

استااااااذ
وانا من رأيي تجرب تحط شماسة وانتا راكن وخلاااص

[abokoko]

فيه رول كاوتشوك مخرم بيتباع في كارفور وسبينيس بيتفرش على التابلوه . لونه اسود مطفي فامالوش انعكاس على التابلوه ولأنه كاوتش فمش بيتزحلق عن التابلوه وسهل انه يتشال ويتغسل. كنت واخده من واحد صاحبي كان مركبه في باسات وشاله علشان حس انه بيئة اوي مع الباسات ، بس انا شايفه كويس وعملي

شكله ايه؟
وهو اساسا نازل لايه ؟ ارضيه حمامات مثلا
وهو عريض وبيتقص حسب التابلوه وسعره كام
وعلى فكرة لو الاخرام واسعه هيبقي مش عملى وفقد الغرض منه

بالنسبة لى انا جايب قطيفه لونها اسود مش بتتعكس على الزجاج وحاشرها مش لازقها
يعنى ممكن اشيلها وانفضها واركبها تانى
وفى منها انواع كتير جدا وبتفرق حسب القماشة


فى حاجة انا عملتها على الجزأ الخلفى لما عملت الفرش لارضية العربيه
قص قطعة جلد ارضية - من تحت زى الموكيت ومن فوق جلد - وشكلها كويس

وبفكر اعملها للتابلوه

[king516]

مع إحترامى لكل وجهات النظر

لما الشمس تبهدل التبلوه بتاعى.. ساعتها مش هتفرق إذا كانت ملاكى ولا حتى كارو يمكن حتى ساعتها التاكسى شكل التبلوه بتاعه وهوا فارشها علشان يحمى التابلوه بتاعه هيكون أحلى من التبلوه بتاعى اللى اتبهدل... المفروض الواحد فينا يعمل اللى يقدر بيه يحافظ على عربيته بدون النظر للآخرين.... بمعنى إن ساعة لما عربيتى يحصلها حاجة... مفيش حد هيحط ايده فى جيبه ويقولى خد صلح عربيتك.

تحياتى
م/ أحمد نبيل

+++++++++++++++++++++++++++++1
استاذ والله

[Ahmed Nasser]

مع إحترامى لكل وجهات النظر

لما الشمس تبهدل التبلوه بتاعى.. ساعتها مش هتفرق إذا كانت ملاكى ولا حتى كارو يمكن حتى ساعتها التاكسى شكل التبلوه بتاعه وهوا فارشها علشان يحمى التابلوه بتاعه هيكون أحلى من التبلوه بتاعى اللى اتبهدل... المفروض الواحد فينا يعمل اللى يقدر بيه يحافظ على عربيته بدون النظر للآخرين.... بمعنى إن ساعة لما عربيتى يحصلها حاجة... مفيش حد هيحط ايده فى جيبه ويقولى خد صلح عربيتك.

تحياتى
م/ أحمد نبيل

تماااااااام