الكاميرا الخلفية بازط بعد الغسيل

[IronHead]

انا كنت مركب كاميرا خلفية الى بتركب عند النمر من غير تخريم من شهر كدة, روحت اغسل العربية النهردة, بعد مخلص كانت الكاميرا شغالة وفجئة السورة نغمشت, اول اجيب n وبعدين r تانى, لما جبت r قطعت نفس

كدة الكاميرا بخ ولا فى حاجة ممكن اعملها
الكاميرا مكنش عليها ضمان للاسف

[Mohab.Nabil]

حصل معايا نفس الكلام و نفس الكاميرا اللى من غير خرم

بس من غير غسيل و لا حاجة

و باظت بعد اسبوع بالظبط و كنت مركبها مع الشاشة المرايا عند ادريان فى الهرم

و رجعتلهم قالى سيبهالى هبصلك عليها و سيبتهالوا فعلا و رجعت قالى لا فكناها و مش هنعرف نصلحها عشان ملهاش قطع غيار قلتله بس ديه بقالها اسبوع قالى دخل جواها مية قلتلوا محصلش وفعلا مدخلش جواها مية المهم كان نهاية الكلام ان مفيش عليها ضمان و مش هنعملك حاجة .. و لما روحت بصيت فيها لقيت الستيكر اللى عند المسامير دا لسه موجود يعنى الكاميرا متفتحتش اصلا بصراحة من وقتها و انا نفسى اتسدت و حلفت انى مروحش للمحل دا تانى و فكيت الكاميرا فى البيت و لقيت الكويل فاكك من مكانه و رحت بيه لمحل موبيلات معرفش يعمله و الكاميرا مرمية فى البيت بقالها 6 شهور و فكيت الشاشة اصلا

متهيألى الحاجات ديه بتبقى مصنوعة من اسوء الخامات و صعب جدا اعادة تصليحها لأنها اصلا جودتها زبالة من الاول

و ممكن حد من الاخوة يفيدك اكثر

[IronHead]

متشكر على مرورك ياريس, النهردة الصبح بجرب كدة لقتها بقدرة لااله الا الله اشتغلت, غالبا دخل جواها مياه من الغسيل ونشفت على الصبح

[Mohab.Nabil]

متشكر على مرورك ياريس, النهردة الصبح بجرب كدة لقتها بقدرة لااله الا الله اشتغلت, غالبا دخل جواها مياه من الغسيل ونشفت على الصبح

العفو يا باشا على ايه و الف مبروك انها رجعت تشتغل تانى ، خد بالك منها بقى و ابعد عنها اى حاجة ممكن تبوظها

[theking2690]

مبروك انا كنت داخل اقول لحضرتك برضه استنى عليها لما تنشف

[IronHead]

شكرا يارجاله, بعد كدة لما اجى اغسل تانى ان شاء الله هركبلها كيس بلاستك او حتى بامبرز :-)

[hosar]

شكرا يارجاله, بعد كدة لما اجى اغسل تانى ان شاء الله هركبلها كيس بلاستك او حتى بامبرز :-)

ههههههههههه

[ASKAFRAWY]

ممكن اعرف الكاميرا الخلفية البتركب عند النمر من غير خرم بكام ومنين

[IronHead]

ممكن اعرف الكاميرا الخلفية البتركب عند النمر من غير خرم بكام ومنين

انا كنت جايبها من شارع دمشق, الكاميرا باشاشو كانت عاملة 450,
بس خد بالك لازم تركب فى العربيات االلى النمر بتكون فى الاى كصدام من تحت, لو النمر عندك فى الشنطة مش هينفع

[ASKAFRAWY]

انا كنت جايبها من شارع دمشق, الكاميرا باشاشو كانت عاملة 450,
بس خد بالك لازم تركب فى العربيات االلى النمر بتكون فى الاى كصدام من تحت, لو النمر عندك فى الشنطة مش هينفع

العربية عندى النترا والنمر على الشنطة والبلاستك الفيه لمبات الارقام فى الشنطة
واعتقد ان فيه جزء بلاستيك جاهز مطبوخ قيه الكاميرا الخلفية بيركب كنت سألت عليه عند محل السجان فى ش.دمشق لكن مش عارف موجود دلواتى ولا لا لانى من الاسكندرية
ودى صورة للنمر للالنترا

http://bedounwaseet.net/files/items/66f6188a07e82b800fd750176d5840ea.jpg

[IronHead]

العربية عندى النترا والنمر على الشنطة والبلاستك الفيه لمبات الارقام فى الشنطة
واعتقد ان فيه جزء بلاستيك جاهز مطبوخ قيه الكاميرا الخلفية بيركب كنت سألت عليه عند محل السجان فى ش.دمشق لكن مش عارف موجود دلواتى ولا لا لانى من الاسكندرية
ودى صورة للنمر للالنترا
http://bedounwaseet.net/files/items/...176d5840ea.jpg

بس خد بالك لازم الكاميرا تركب على الاكصدام عشان تقدر تحسسك بالبعد الحقيقر مبين اخر نقطة فى عربيتك واول نقطة فى العربية الوراك
عشان كدة خليك احسن فى الكاميرا اللى بتتخرم فى الاكصدام

[baby2000]

طب يا جماعه ليه الكاميرا مش تتحط فى الخلف بين السماعات الخلفيه ورا الزجاج الخلفى و تكون فى الامان و الصوره اكيد هتكون اوضح لانها هتكون مشابها اوى للصوره اللى بنشوفها فى المرايه و احنا سايقين مش كده اصح برده و بعدين الكاميرات اللى فى الاكصدامات ديه هتتسرق بسهوله و بعدين برده سمعت ان فى كامرات بيتحفرلها فى الاكصدام و بتتحط فيه احن من اللى على الوش ديه