كاركيت للبيع bluetooth mp3 fm transmitter

[BESO516]

كل سنه وحضراتكم طيبين وبصحه وسعاده وخير
الموضوع بأختصار انى اشتريت 2 كاركيت واحد ليا والتانى لأخويا لكنى استعملت واحد فقط لعربيتى القديمه والتانى اخويا قالى انه مش لازمه بعد مارجع من السفر فبالتالى مقدرتش ارجعه من مكان مااشتريته لأنه فات على شرائه اكتر من اسبوعين فقولت لو حد عايز يشتريه يتفضل واقسم بالله الجهاز لم يفتح الا للتجربه فقط والحمد لله شغال زى الفل مفيش مشاكل اطلاقا وعلى التجربه


وامكانيات الجهاز : جهاز يعمل على جميع أنواع الموبايل
الشاشة بتجيبلك رقم اللى طالبك

تشغيل الأغانى


الإيقاف التلقائى

ملحقات الجهاز :
-الجهاز الرئيسي اللى فيه الشاشة.
- الريموت اللى بيركب فى الطارة زى اللى فى الصورة.
- ريموت زيادة.
- وصلة الIPod و MP3 و MP4.

ودى صور للجهاز من على النت زى جهازى بالظبط :




وانا جايب الجهاز بأمانه ب 160ج من محل كماليات واكسسوارات بعابدين وعلى استعداد لبيعه ب150 ج والتجربه والمشاهده تحكم وانا على استعداد مقابله اى حد عايز الجهاز
وده رقمى للى عايز الجهاز
01113580102
وكل سنه وحضراتكم طيبين

[BESO516]

upup

[BESO516]

مازال العرض قائم

[mmharoun]

[OVERLINE]
اخى العزيز BESO516 ممكن اعرف هل الجهاز مثل الذى فى الصورة واريد ان اعرف مميزاتة اذا امكن وهل يعمل عن طريق البلوتوث ام لا
[/OVERLINE]

[BESO516]

حضرتك الجهاز يشبه اللى فى الصوره تماما
ويعمل عن طريق البلوتوث على جميع انواع الموبايل وجميع انواع كاسيت السياره من خلال موجات الراديو
ومميزاته :
- انك تقدر تتكلم فى التليفون وتسمع من خلال سماعات العربيه
- امكانيه تشغيل الأغانى سواء ب ipod او usp او sd
- اظهار رقم الطالب على الشاشه لحظه الأتصال
- نقاء ووضوح الصوت عن الصوت العادى بنسبه حوالى 10 %
- به اوكولايزور وضبط صوت
- معاه ريموتين واحد عادى والتانى يركب فى التاره بتحكم انفرا

ولو اى استفسار ان تحت امرك

[ahmedeg1]

السعر اخره كام يا باشا و انا هشترى ان شاء الله

[BESO516]

مش هنختلف يااستاذ احمد لأنى مش تاجر كل الحكايه ان حاجه جديده ملهاش استخدام عندى
فلو حضرتك عايزه مش هنختلف عادى يعنى الموضوع واحد كله لكن انا كاتب بكل امانه وضمير السعر اللى اشتريت بيه وببيع بأقل من تمنه الأصلى مش عشان 10 او 20ج اوحتى الكلام ده فعادى مش هنختلف واما تشوفه وتجربه وعجبك السعر بيكون اخر حاجه مش اول حاجه ( بالنسبه لى شخصيا )

وعلى فكره ياجماعه الجهاز لو حصل فيه حاجه لاقدر الله بعد مابيعه فهو بتاعى وفى ذمتى يعنى ضمان شخصى منى لأنى ضامن الجهاز ده ومشغل اخوه فى عربيتى التانيه

[A.Saad]

ممكن اعرف
1 - ادخال الارقام للجهاز ازاى
2- اللى يظهر رقم واسم المتصل ولا الرقم بس
3- ماركة او ضمان عليه من البائع مباشرة

[BESO516]

ممكن اعرف
1 - ادخال الارقام للجهاز ازاى
2- اللى يظهر رقم واسم المتصل ولا الرقم بس
3- ماركة او ضمان عليه من البائع مباشرة

1- هو بتعمل coniction او اتصال عن طريق البلوتوث
2- بيظهر رقم المتصل وليس الأسم ( حتى لو مسجل الرقم عندك على التليفون )
3- مفيش ضمان من المحل اللى انا شاريه منه لكن فى ضمان منى شخصيا لو حصل اى حاجه فى الجهاز تأكد ان فلوسك هترجعلك لو حصل فيه لاقدر الله اى حاجه

واى استفسار انا تحت امركم

[momo44]

ممكن اعرف نوعه ايه
الماركة يعنى
؟؟؟

[BESO516]

اكيد طبعا وانت مغمض صينى حتى لو مكتوب عليه يابانى او المانى خلاص اتعودنا على كده فى كل حاجه قطع غيار اكسسوارات كل شىء صينى بس انا مجرب اخوه ومتأكد انه فعلا حاجه نضيفه جدا جدا جدا وتقبل تحياتى

[momo44]

اكيد طبعا وانت مغمض صينى حتى لو مكتوب عليه يابانى او المانى خلاص اتعودنا على كده فى كل حاجه قطع غيار اكسسوارات كل شىء صينى بس انا مجرب اخوه ومتأكد انه فعلا حاجه نضيفه جدا جدا جدا وتقبل تحياتى

انا عارف انه اكيد صينى
بس فى الصينى اللى فى الشارع
وفى انفينيتى وبرده صينى بس نظيف
وفى انواع تانية كتير برده صينى
عشان كده كنت عايز اعرف هو براند عشان السعر

[BESO516]

لأ هوصينى نضيف جدا بس مش انفينتى ولا سيتى سوند

[kh_elshiemy]

ياريت لو تقولنا عنوان المحل بالضبط يبقي كتر خيرك ....وربنا يبارك للي اشتراة منك

[BESO516]

تم البيع الحمدلله والجهاز بيباع فى اى محل اكسسوارات وكماليات وكمان سيتى مول والبستان والأسعار متفاوته بتبدأ الكار كيت من 80 الى 250 ودول اللى شفتهم وبختلفوا فى الماركات والكوالتى لكن كلهم صينى