محتار في شراء كراسي جديدة لعربيتي اللادا

[a7madramadan]

السلام عليكم ورحمة الله وبركاته

أنا زهقت من الكراسي بتاعة العربية وكنت عاوز اغير شوية فيها .

انا قولت الأصح اني أشتري كراسي ماركة نظيفة بس مش عارف الأسعار ايه نظامها

أنا مش عاوز حاجة سبورت بطريقة أوفر قوي ... ولا عاوز حاجة كلاسيك عالآخر

و عاوز افهم حاجة .. هوه الكراسي الي هأجيبها هأحتاج افك المزلاجات بتاعة الكراسي العادية بتاعتي و ألحم المزلاجات بتاعة الكرسي الجديد ولا في أساسا مكان Standard في كل العربيات لتركيب الكراسي أيا كان نوع المزلاجات ولا الموضوع ده مش ثابت ...

و عاوز اعرف المفروض اعمل حسابي في ميزانية قد ايه بشكل تقريبي كده ... وعاوز أعرف نصائحكم عموما فالموضوع ده

وكل سنة وحضراتكم جميعا بألف خير
واعذروني على الإطالة

[ahmedzizo131]

بسم الله الرحمن الرحيم

http://www.nilemotors.net/Nile/255360-2.html

[magyver]

يعني انت عايز مثلا ريكاورو وسباركو وكدة
ولا كرسي لاي عربية تاني ويكون شكلة حلو وقعدتة حلوة

[a7madramadan]

ما انا محتار يا مجايفر والله .. و مش فاهم خالص و مش عارف المفروض أساسا هأدور فين فالاسكندرية ...

فعاز أعرف نصايحكم ايه .. انا مش عاوز لا حاجة عاملة زي الكراسي الفابريكة بتاعتي ولا حاجة سبورت اوفر قوي الوان حمراء كثير و كلام كبير و حاجات غريبة او كراسي ظهرها شكله وحش (لاني شوفت كراسي ظهرها بيكون بلاستيك غريب كده شكله وحش قوي لما حد يقعد ورايا عالكنبة ) .... عاوز اعرف بس وجهات نظركم و نصايحكم

وشكرا يا أحمد بس الكرسي ده شكله Stock خالص و قديم قوي ... بادور على حاجة جديدة

متشكر للجميع على ردودكم الكريمة و أتمنى أني اسمع نصايحكم و نصايح باقي اعضاء المنتدى الكرام

[magyver]

انت بردة اللي هاتقرر
عمتا لو الكرسي بتاعك حلو روح لاي سروجي كويس
يقسمهوولك ويغيرلك شكلة
او الحل الابسط شوف اي كراسي عربية تعجبك واشتريهم وركبهم
ممكن مثلا بتوع الجين2 شكلهم حلو وريااضي
وممكن بتوع بي ام e36 هايبقوا حلوين
شوف انت بقي دمااغك فيها اية

[ahmedzizo131]

بسم الله الرحمن الرحيم
شوف سروجى كويس يغيرلك فى شكله شوية
انا شوفتها كتير فى التكسيات الادا 2107حنا فى الاسكندرية
لدرجة انى شوفت واحد حمله فتحة شبة الريكاروا و مدلعة
و فى الاخر اسمة كرسي العربية ( يعنى مش هتعدل حاجة فى القواعد )

[a7madramadan]

خلاص هأشوف كده موضوع التعديل ده و متشكر جدا لتفاعلكم معايا فالموضوع ده و هاحاول اشوف برضه موضوع كراسي الـــ Gen2 و الــ Bmw e36 انا بصيت عليهم في جوجل عالسريع شكلهم خرافة و مش أوفر قوي في الشكل يــــارب بس يطلعوا على مقاس عربيتي ومايطلعوش أعرض من العربية ولا أطول من السقف وياريت لو حد يعرف أسعار الاثنين تقريبا في حدود كام ؟ ...دا غير ان في واحد صاحبي احبطني قالي معظم الكراسي الي هلاقيها جاهزة هتقرفني في طولها او عرضها ..... الله المستعان وحقيقي شاكر ليكم جدا

[magyver]

ربنا يوفقك
بالنسبة للاسعاار والله مش عارف
بس خدلك لفة كدة واسال والله المستعاااااااااااان