الورق الكاربون

[H_A_T_Em]

يا رجاله الاستيكر الكاربون ده الاقيه في التوفيقيه لو عايز اشتري الرول كامل يعني ولا الاقيه فين لان انا سالت في كام محل كنت عايز اعمل كبوت فسمعت ارقام غريبه و فيه من الكاربون ده درجات ولا درجه واحده و الف شكر

[Kareem Fawzy]

انا مرة كنت سألت عليه قالى الرول ب 35 جنيه
وكانت حاجة نضيفة بس مهتمتش لانى خوفت ياكل البويا

[rostom5]

بص يا باشا انا نزلت جبتو من التوفيقيه فيه منو الخشن الى بتحس بالمربعات كده وفيه منو الناعم تحس ان عليه طبقه ازاز كده انا كبت ده عشان شكلو جديد وفيه منو الابيض والفضى وتقريبا نبيتى شوفتو وفيه منو الرول الصغير وفيه الكبير الكبير ده تقريبا متر ونص او متر و30 حاجه كده والمتر ب 40 جنيه وساعتها انا جبت متر ونص للكابوت ب 60 جنيه

[H_A_T_Em]

الف شكر ليك يا باشا و معلش ليا استفسارين يا تري الاقيه فين في التوفيقيه و هل ركبته بنفسك ولا عند حد و صحيح لازم بيبوظ البويه لو اتشال ولا ممكن يتشال بطريقه صح

[dobiues]

متاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا بع بإهتمام جدا

[mido51eg]

هو مش بيبوظ البوية ، هو بيشيل طبقة البوليش اللي فوق البوية وهو بيتشال يعني بيخلي دهان العربية يجرب . ده غير كمان ان دلوقتي المرور بيوقف عليه حتى لو كان بلون العربية.

[zocor742]

على فكرة ياجماعة انا اللى اعرفة من كدا واحد
انة مش بيقشر البوية لو فبريكة ولو راشش رشة مخدومة صح مش هيقشر
لو الرشة اى كلام ومش مخدومة صح هيقشر
ويفضل لما تشيلة تستخدم ميا سخنة عشان يطلع معاك بسهولة
الكلام دة من بق واحد بتاع مستلكات وبعديها سئلت 2بهيجية عشان اتأكد من المعلومة قالولى نفس الكلام
والله اعلم