لكل عشاق الفاميه فى المنتدى

[drlifewhy]

السلام عليكم
انا قرأت موضوع الفاميه الكهربائى الموجود بالمنتدى
صراحه مجهود جبار من الأعضاء وخساره انه فى الأخر الموضوع فشل فى التطبيق
حبيت اشارككم بفكره بسيطه ممكن نحل بيها موضوع الفاميه دا نوعا ما وهى عن تجربه


فى حاجه فى الدعايه والأعلان اسمها - اكريلك -
ودا بلاستيك شفاف تماما زى الزجاج بالظبط
هنجيب لوح سمك 1 مم غير قابل للكسر ودا بيكون رفيع جدا جدا جدا 1 مم بس ما بيتكسرش
واى حد من اللى شغال فى الدعايه والأعلان يقطعهولك على مقاس الزجاج من الخارج بالظبط
على مقاس الأربع ابواب والزجاج الخلفى

نجيب رول فاميه او اكتر حسب الحاجه و اى درجه زى ما انت عايز
dark, super, ultra
انت وراحتك
نفيم الألوح اللى قطعناها وبعدين نروح
عند اى حد بتاع فرش ابواب تفك الفرش وتخليه يوسع الجوان بتاع الباب اللى ضاغط على الأزاز برا شويه بحيث يبقى فى فراغ بينه وبين مجرى الأزاز 1 او 2 ملى كدا عشان لوح الأكريلك يطلع وينزل براحته ونركب فرش الباب تانى ونعمل كدا فى الأربع ابواب

نجيب لوح الأكريلك اللى قطعناه على مقاس الباب وفيمناه ونسقطه ورا الأزاز من ناحية الداخل
نجيب لزق شيكرتون اسمر ونلزق حرف لوح الأكريلك بطوله مع حرف الأزاز على طول الأزاز من فوق بالكامل

كدا بقى معانا زجاج فاميه كالعادى جدا تشوف منه ويمنع الشمس والناس وكل حاجه وبيطلع وينزل مع الأزاز عادى جدا بدون مشاكل
عايز تشيله فك شريط االزق وشيله يبقى الأزاز طبيعى
وممكن نسميه الفاميه المحمول :)
عيبه ان الأزاز من برا مش بيلمع زى الفاميه الملزوق بيكون باهت شويه
انما اداءة زى العادى بالظبط
ف اللى عايز اداء هيمشى معاه الموضوع دا تمام
اللى عايز منظر منصحوش بيه
وبس شيله بمزاجك وركبه بمزاجك
ودا اكتر حل عملى وصلتله
اتمنى يفيد الأعضاء الكرام

[Amr Axel]

فكرة حلوة بس يا ريت صورة ع التطبيق اللي حضرتك عملته عشان نشوفها و نحكم اكتر

و احب اضيف ان فيه فكرة اسهل من كل القصة ديه طالما مش هتعرف تركب فاميه فيه ستاير كبس نفس الفكرة اللي قولتها بس منش غير التعب ده كله او الستاير الرول :)

[sheko_2000eg]

فكرة رائعة بس يا ريت تقولنا نروح فين و نجيب منين و بكام
و يسلام لو في صور

[Ashraf_Ibrahim]

والله هي فكرة منطقية جدا وجميلة والله

[Donzi]

ياريت شرح بالصور لو امكن

و الفكرة فعلا حلوة

[ramyhekal]

فكره جميله ما شاء الله
انت استاذ

[FunnyMickey]

بس زجاج العربيه مش مستوي عشان اعمل الفكره دي
بيبقي فيه تقوس سنه
مش عدل
وده حيخلي لوح الاكلريك يخرج من مكانه

السؤال الثاني هل فعلا فيه لوح اكليرك 1 مم
لاني لما رحت اشتري الاكلريك بتاع الرينجات
لقيت عندهم فعلا الواح كبيره
بس مش 1 مم
طبعا مكنش في دماغي اني اسأل فمبصيتش عليه

الميزه في الفاميه الكهرباء علي ما كنا نتصوره انك داخل علي لجنه ومفيم
بضغطه زرار حيتشال الفاميه ولا كأنك مركب حاجه

انما طالما شيل وحط
يبقي هيا نفس فكره الستاير الكبس
ولا انتا ايه رأيك ؟

[osama.m]

كدا الستاير الكبس تكسب
نفس الفكرة بردو بس في الستاير مش محتاج تفك الباب او تلزق حاجة على الازاز

[A7MED_PHARMA]

قزاز العربية بومبيه .. مقعر من ناحية ومحدب من ناحية تانية
يعني الفكرة مش عملية
غير كده
الهدف منها إننا لما نحب نشيل الفيميه ..نبقا نشيل الطبقة التانية
يعني لازم نفك فرش الإبواب علشان نشيله
إلي يسمع الفكرة .. يفتكر إنها طبقة تانية جمب القزاز الأصلي ..تطلع وتنزل لوحدها من غير القزاز
الفكرة كويسة لو الطبقة التانية لها مكنة لوحدها غير مكنة القزاز..وكانت الطبقة دي بنفس حجم وتقعر القزاز بتاع العربية
بسسس

[beetleMOSH]

فكره حلوه
بس كده الواحد يفيم اسهل

انا عن نفسى مفيم من 3 سنين و مبعديش على الاماكن اللى بيبقى فيها لجان او كماين

[drlifewhy]

فكرة حلوة بس يا ريت صورة ع التطبيق اللي حضرتك عملته عشان نشوفها و نحكم اكتر

و احب اضيف ان فيه فكرة اسهل من كل القصة ديه طالما مش هتعرف تركب فاميه فيه ستاير كبس نفس الفكرة اللي قولتها بس منش غير التعب ده كله او الستاير الرول :)

ميزة دى عن الستاير انه دا بيطلع وينزل مع الأزاز عادى جدا لأنه بيكون متثبت بشريط لازق على حرف الأزاز من فوق ويطلع معاه وينزل وبتشوف منه عادى زى الفاميه بالظبط الستاير مش بتشوف منها كويس
وانا جربيته فى لانوس ولانسر وشغال تمام

[drlifewhy]

فكرة رائعة بس يا ريت تقولنا نروح فين و نجيب منين و بكام
و يسلام لو في صور

انا من منصوره ياباشا فلو من منصوره اقولك غير كدا يبقى هتلاقى عند بتوع الدعايا والأعلان

والله هي فكرة منطقية جدا وجميلة والله

مشكور على المرور

ياريت شرح بالصور لو امكن

و الفكرة فعلا حلوة

ادورلك على ألواح الفاميه لو لسه عندى اصورها لك

فكره جميله ما شاء الله
انت استاذ

مشكور على المرور

بس زجاج العربيه مش مستوي عشان اعمل الفكره دي
بيبقي فيه تقوس سنه
مش عدل
وده حيخلي لوح الاكلريك يخرج من مكانه

السؤال الثاني هل فعلا فيه لوح اكليرك 1 مم
لاني لما رحت اشتري الاكلريك بتاع الرينجات
لقيت عندهم فعلا الواح كبيره
بس مش 1 مم
طبعا مكنش في دماغي اني اسأل فمبصيتش عليه

الميزه في الفاميه الكهرباء علي ما كنا نتصوره انك داخل علي لجنه ومفيم
بضغطه زرار حيتشال الفاميه ولا كأنك مركب حاجه

انما طالما شيل وحط
يبقي هيا نفس فكره الستاير الكبس
ولا انتا ايه رأيك ؟

التقوس دا بيكون خفيف اوى مش بيأثر فى حاجه
فى ياباشا موجود 1 ملى عادى و 1 ملى غير قابل للكسر

كدا الستاير الكبس تكسب
نفس الفكرة بردو بس في الستاير مش محتاج تفك الباب او تلزق حاجة على الازاز

الستائر مش بتنزل وتطلع ثابته فى مكانها

قزاز العربية بومبيه .. مقعر من ناحية ومحدب من ناحية تانية
يعني الفكرة مش عملية
غير كده
الهدف منها إننا لما نحب نشيل الفيميه ..نبقا نشيل الطبقة التانية
يعني لازم نفك فرش الإبواب علشان نشيله
إلي يسمع الفكرة .. يفتكر إنها طبقة تانية جمب القزاز الأصلي ..تطلع وتنزل لوحدها من غير القزاز
الفكرة كويسة لو الطبقة التانية لها مكنة لوحدها غير مكنة القزاز..وكانت الطبقة دي بنفس حجم وتقعر القزاز بتاع العربية
بسسس

لأ ياباشا مش لازم تفك الفرش عشان تشيله او تركبه
انت بتفك الفرش مره واحده بس
عشان توسع مجرى الأزاز 1 ملى
بعد كدا خلاص
عايز تركبه
تنزل الأزاز لحد النص وتسقطه ورا الأزاز من جوه بعدين ترفع الأزاز وتلزقه عليه من فوق بشريط لزق على طول حرف الأزاز كدا هيفضل يطلع وينزل معاه طول الوقت
عايز تشيله تنزل الأزاز للنص تشيل شريط اللزق من على حرف الأزاز وتشده عادى تطلعه وكدا رجع الأزاز عادى
اكيد مش عمليه اوى زى الفاميه الكهربا
بس ميزتها انك هتفيم مره واحده بس وعلى كدا وتمشى بيه والله اتزنقت انك تشيله قشطا شيله وبعدين ركبه تانى مخسرتش حاجه لا وقت ولا فلوس ولا اى حاجه
او ممكن تخليه معاك وتستعمله لما تحتاجه وتشيله بعدها وطبعا احسن من الستاير كتييييييييييير لأنه بتشوف منه كويس جدا زى الفاميه وبيطلع وينزل عادى مع الأزاز

[FunnyMickey]

طب موجود فين الاكليرك ال1 مم ده

[LORD.ADeL]

متابع...

[shaddadfalcon1]

لو وسعت جوانات القزاز مش كده سهل ان يدخل تراب ومياه في الباب وده يجيب بارومه وقرف جوه الباب وياثر علي موتور القزاز والسنتر؟