فرش الأرضيات والشنطة

[أبو عبدالرحمن]

يا جماعة كنت عايز أسأل عن فرش الأرضيات والشنطة ،،،أشكالهم وأسعارهم وبيتعملو عند مين؟؟؟؟
ويا ريت كمان أعرف لو فيه فرش للشنطة بيبقى بلاستيك hard يعني ياخد شكل الشنطة بالظبط ،،،،أنا شفته في كماليات السيفيك بره مصر ،،هل ممكن حد يعمله هنا؟

[medomada]

أنا شفت قطعة الشنطه دى عند الوكيل لكن كانت لتوبوتا و كانت غالبه , حوالى 350 جنيه فعملت فكره يمكن تعجبك:
روحت موكيت ماك و اشتريت قطعة موكيت أكبر من الشنطه شويه و فردتها فى الشنطه و ميت فل و عشره , و كمان جبت 4 قطع تحت الدواسات و لأنها أكبر أصبحت تلم كل التراب اللى بينزل من حوالين الدواسات.
و كمان سهل أوى أشيلهم أغسلهم و أرجعهم
بالمناسبه القصه دى كلها إتكلفت 64.00 جنيه

[أبو عبدالرحمن]

شكرا ليك يا ميدومادا ،،،بس أنا أقصد الجلد اللي بيبقى ثابت تحت الدواسات وفرش الشنطة ،،،وبالنسبة للبلاستيك بتاع الشنطة فده بيبقى جامد وبيستحمل المية والرمل وبيطلع كله حتة واحدة ماسك نفسه ،،،،وبيبقى فعلا ليه حواف عالية سنة وعلى قد الشنطة بالظبط،،،،
حد ممكن يفيدني يا جماعة

[goodwave]

السلام عليكم يا أبو عبد الرحمن

يا عم ما أنا موجود وبتسأل بره...... ده إحنا مدمنين زي بعض :) (صيد سمك علشان محدش يفهم غلط)

بالحق .... هي العروسة الجديدة شرفت ولا إية ؟ ربنا يبارك لك ويديك خيرها ويكفيك شرها يارب.

في واحد عندنا في إسكندرية في الأزاريطة اما كلية سان مارك .... أسمه هاني وصنايعي زي الفل ... عملت عنده الفرش الجلد للأرضية والشنطة ب 200 جنية وكان عامل معايا واجب علشان ناس حبايبنا في المنتدى...... الفرش جميل ونوع الجلد محترم والتقفيل كويس والموضوع بياخد بالكتير 4 ساعات .

تشرفنا يوم نطلع نصطاد وترجع تلاقية جاهز.

بس طبعا لو عايز تعمله عندك في القاهرة قولي وأنا أجيبلك عنوان أجدع واحد من كريم منير حبييبي وراجل جدع وعامل فرش جلد أرضية لعربيتة زي الفل.

[أبو عبدالرحمن]

جزاك الله خيرا يا عمنا،،،،فيك الخير والله ،،بس أنا ناعرفش إنك عامل الجلد ده في عربيتك ،،،طيب يا عم ابقى فرجني عليه ولما تيجي العربية (لسه قدامها شوية) نروح مع بعض بإذن الله ،،،،
أتاريك بتحط العدة والأيس بوكس في الشنطة بقلب جامد :)

[adawy]

tab belnesba lil ragel el gamed ely fe cairo dah feeen ba2a ???3alashane el wa7ed law 3ayez ye3mel farsh el 3arabya mn gowa yero7lo bel mara :)

[goodwave]

يا باشا هو إنت فاكر إية .... ماهو لو معملتش الفرش ده .... سامحني.... ماحدش كان حيشوف العربية في مشاوير صيد خااااالص! وكنت حقضيها مواصلات أحسن :)

مستنيك يا أخي في أي يوم تشرفني وتتفرج براحتك زي عربيتك بالظبط...... وعلشان بردة تبقى تديني لفة بالهوندا :) ولا لسة ما أستقرتش؟

[adawy]

ya basha enta maradetsh 3alia liih tayeb ...howa feen el ragel beta3 kareem dah beta3 farsh el 2ardeyat ??:D

[smsmbakr]

انا عملتها مشمع للعربية والشنطة بــ 160 ج بالتركيب

[د. علاء ابراهيم]

يا جماعة افيدونااااااا
فى حد فى القاهرة بيعمل الموضوع ده عشان انا عربيتى اتبهدلت

[adelkarim]

عند دوس فى مصر الجديده. هوه غالى بس شغله نضيف. يعمل حوالى 500 جنيه للعربيه كلها بالشنطه. موجود برضه عند سبير كار بس انا ماجربتهمش.

[the_slayer]

يا جماعة انا اختكم وعندى عربية سيات وبلاش تريقة والنبى بس عاوزة افرشها جلد يكون فى المعقول ويا ترى ممكن الشنطة الأمامية احطلها موكيت على الرغم من البطارية قدام بس بافكر احط موكيت وافتح فتحة للبطارية بس اصلى ها ها ارش العربية علشان الفحص وبصراحة انا لسة جيبها وفحصى فى 11 بس قلت يعنى كل شهر اوضب حاجة علشان تخف عليا شوية شوية فياريت حد يقولى فرش الجلد فى لاقاهرة كلفة كام وافضل لون اية انا عربيتى نبيتى بافكر اخلية اسود من جوة علشان يستحمل اصلى كمان ها افتح اللون ها اخلية احمر للعربية

[tayson54]

يا جماعه هو الموضوع ده بيتعمل علشان ايه بالظبط ...والمفروض العربيات الحديثه كمان يتعمل فيها الجلد ده ولا ايه ؟