فرش عربية لوجان

[dr_mustafa_ali]

انا معايا عربية لوجان 2012 لونها ابيض ، تقريبا اللوجان الوحيدة البيضا في مصر :d

المهم كنت عاوز اجيبلها فرش ، شايف ناس كتير هنا بتشتكي من الفرش الجاهز وبيشتكوا من سبير كار والقبطان وغيره

تنصحوني اجيب فرش تفصيل؟ ولو كده ، اعمل عند جينز كار اللي في مدينة نصر ولا في حد قريب مني في المعادي؟

انا واحد صاحبي كان عامل عند واحد عندنا في المعادي من سنة ونص ب 800 جنيه والصراحة شغله كان تحفة

المهم

تنصحوني اعمل جاهز ولا تفصيل ، واعمل فين ، وايه اللون اللي يبقى حلو مع لوجان لونها ابيض ، والسعر لحاجة كويسة مش وحشة ومش سوبر يكون في حدود كام

ويا ريت لو حد عنده صور لاقتراحاته

معلش متقل عليكم

[Amr Axel]

بص وجهة نظري ان طالما مفيش شكل معين في دماغك او صورة جاهزة للفرش اللي انت عايزه يبقي خليك في الجاهز و ده فيه منه اشكال و الوان و عندك غير جينز كار و سبير كار فيه في التوفيقية و شارع دمشق جنب بنزينة التعاون كام واحد بتوع فرش جنب بعضه عندهم اشكال و الوان
و التفصيل بيعتمد ع الخامة و التفصيل يعني محدش يقدر يحدد سعر لازم تنزل تشوف بنفسك

بالتوفيق ان شاء الله

[ahmedaglan]

تتوكل علي الله وتعملو تفصيل عند جينز كار ومش هتندم
والحاج احمد مشعل صاحب المكان راجل في منتهى الزوق والاخلاق وهتنبسط جدا لما يخلص وتشوغة ف عربيتك

[dr_mustafa_ali]

شكرا على المشاركة :)

[aymankamalbasha]

تتوكل علي الله وتعملو تفصيل عند جينز كار ومش هتندم
والحاج احمد مشعل صاحب المكان راجل في منتهى الزوق والاخلاق وهتنبسط جدا لما يخلص وتشوغة ف عربيتك

طيب هو جينز كار ده مكانه فين بالظبط