بتاع فايبر في أليكس

[smsm_nabawy]

السلام عليكم ،،

أرجوكم ساعدوني يا أخواني

انا بدور على حد بتاع فايبر كويس و نظيف و يكون بيتقي الله و مش حرامي

و يكون بيحترم المواعيد و الشغلانه ،، مش يديني ميعاد و أروحله 4 مرات في ورشته و هوا قاعد فوق في بيته نايم !!!

انا من أليكس ،، كنت رحت لواحد جنب بيتي في شارع 45 الناس كلها بتقول عليه كويس
اولاً قالي العربية حيعملها الأكصدان الي قدام ب 400 جنيه !!!!!!!!!!

ولما رحتله في الميعاد ،، طلع نايم ، ،جتله بعدها بكام ساعة زي متفقت مع الصبي ،، طلع نايم ،،أ و مش موجود

ولما صحوه قالهم قولولوا يجي بعدين كمان ساعتين ولا حاجة

المهم فضلت اليوم ده رايح جاي عليه
لحد محلفت واحد زي ده مبيقدرش الرزق و مش حشتري من عنده

ارجوكم يا ريت الي يعرف واحد بتاع تنفيخ و فايبر كويس يقولي و اكون شاكر جداً لييييكم

و يا ريت زي مقلتلكم يكون نظيف و بيتقي ربنا و حنين طبعاً :))

[totaman]

ازيك ياباشا انا اعرف واحد بس بصراحة انا مجربتهوش ولا اتعاملت معاه اسمه

ozo هوة عند نفق سيدى بشر

[smsm_nabawy]

عارفه !! وبعدي من جنبه كل يوووم :)) بس حررررررررراء اووووي في الشغل و ثمنه يف العالي !! :(((

تعرف حد تاني

[MohssenRashed]

خالد فيبر في الازريطة.

[smsm_nabawy]

طيب ده عنوانه أيه بظظبط لو سمحت

[totaman]

عارفه !! وبعدي من جنبه كل يوووم :)) بس حررررررررراء اووووي في الشغل و ثمنه يف العالي !! :(((

تعرف حد تاني

لا والله اصل ده جنب بيتى هوة ده بس اللى اعرفه

[smsm_nabawy]

متشكر ،،ربنا يجازيك خير يا رب :)
على كده أحنا جيران ،، انا بعدي من هناك كتير مشفتش عربيتك خالص

هي عربيتك الي في الصورة الرمزية دي ؟؟

[totaman]

لا يا باشا دى صور من النت كدة

انا عربية والدى اللى هى الاوبترا وانا معايا لادا روسى لسة جايبها مكملتش شهر لونها فرانى

[smsm_nabawy]

أها علشان كده ،، أنا بردو بقول ،،أ نا و أنا معدي مش بشوف العربية دي خالص :))

مبروك عليك العربية و ربنا يكفيك شرها :)

[SoFiMaN]

انا كمان عندي كام شغلانة عايز اعملها في الاكصدام و اكتر من حد قالي على خالد و بالصدفة واحد معرفة بتاع قطع غيار في الازاريطة هروحله هو يعرف خالد كويس..شوف لو تحب نروح سوى في يوم ان شاء الله او اما اجرب اقولك بس شغلي كله لحام و كده مش تنفيخ

[smsm_nabawy]

تمام شوف انت رايح أمتى ؟؟ و أانا معاك ،،

انا عندي أمتحان في الكلية يوم السبت حكون فاضي بعده ... شوف انت حتروح في اي يوم ولو بعد المتحان ده يبقى أنا معاك أن شاء الله

لو قبله "الي هوا بكره او الحمعة" حيبقى صعب ،، بس حستأذنك تسألهولي بقا عن نظامه و أسعاره انا عايز أعمل شغل في اكصدام شاعين قدامني ،،

[misoalex]

واحد فى 45 وعلى طول نايم بالنهار يبقى قصدك على محرووووووووس

عملها معايا قبلك يا معلم ويمكن انا قولتك هو مشكلته فى مواعيده لكن شغله كويس واسعاره معقوله بالنسبه للاسعار اللى سمعتها

ولقيت واحد ارخص كمان وفيه ناس بتشكر فيه اسمه السامبو تقريبا وهو فى العوايد فى الشارع اللى بيودى على الفلكى وسيدى بشر الشارع الرئيسى اللى فيه المكروباصات

بس ده انا مجربتهوش

[smsm_nabawy]

ده أروحلو أزاي ده يا خميس ؟؟؟ :))

[misoalex]

وانت نازل من كوبرى العوايد كمل يمين مع المكروباصات حتلاقى على ايدك اليمين بنزينه تقريبا هو بعد البنزينه وحتلاقى حاطط اكصدامات بره على الرصيف

هو ده اللى انا اعرفه وهو اسمه السامبو
اللى اشترى عربيتى الكساحه الللى كنت عاملها اتكسرت منه وراح ليه وقاللى انه عنده تصميمات على الكمبيوتر وشكله دماغ يعنى وبتاع شغل

ده غير انه اداله سعر كويس جدا فى تصليح الكساحه وتعديل االاكصدام الخلفى

[smsm_nabawy]

أنت شوقتني ليه والله ،، أنا حروحله مجرد مخلص العربية و أمسكها على طول ان شاء الله