هل ممكن اثبات الفاميه علي الرخصه ؟

[mero100]

هل ممكن الواحد يفييم زجاج السياره و يثبته علي الرخصه ؟
ما هي الاجراءات ؟
كنت راكب كارينز مع صديقي و كنا ماشيين بالليل و اول مره اركب كارينز و و انا بتفرج عالعربيه و انا قاعد جواها لقيت نفسي شايف اللي بره من الفاميه و انا قاعد جوه و عجبني موضوع التفييم ده

ارجو اي حد من الاعضاء عمل الاجراءات دي يقولنا عمل ايه

[zonfuly]

حسب كلام الناس ان هي قبل الثورة كانت سالكه شويه بس دلوقتي بقت صعبه واللون اللي في الكارينز بيبقي فاتح تقريبا بيبقي l.black وكل انواع الفاميه ممنوعه الا لو العربيه نازله بيه

[IronHead]

ينفع لو ليك واسطه فى المرور بس حتى لو قدرت تعمل الموضوع هيبقى غير قانونى لان القانون بيقنن اثبات الفيميه على الرخصه فى حالة ان الفيميه فابريكه, يعنى العربية نازلة من المصنع كدة ومثبوت الكلام ده فى ورق العربية الاصلى وخطاب المرور الصادر من التوكيل او المستورد
فا من الاخر حتى لو قدرت تثبت فيميه على عربية مش قيميه فابريكه ممكن واحد فى لجنة يرخم عليك ويقلك انك مزور الرخصة عشان العربية فى الاصل مش كدة وورق العربية فى ملفها اللى فى المرور بيقول انها مافيهاش فيميه فابريكة

[eldell]

ينفع لو ليك واسطه فى المرور بس حتى لو قدرت تعمل الموضوع هيبقى غير قانونى لان القانون بيقنن اثبات الفيميه على الرخصه فى حالة ان الفيميه فابريكه, يعنى العربية نازلة من المصنع كدة ومثبوت الكلام ده فى ورق العربية الاصلى وخطاب المرور الصادر من التوكيل او المستورد
فا من الاخر حتى لو قدرت تثبت فيميه على عربية مش قيميه فابريكه ممكن واحد فى لجنة يرخم عليك ويقلك انك مزور الرخصة عشان العربية فى الاصل مش كدة وورق العربية فى ملفها اللى فى المرور بيقول انها مافيهاش فيميه فابريكة

+1111111111111111111

[OMAR61995]

ممكن بواسطة بس الظباط مش جايين من كوكب تانى
و أكيد عارفين الموديلات اللى فيها فاميه فابريكة
و لو عديت من الظباط هتبان فى الفحص أو تجديد الرخصة

[hko]

هو مش ممكن واحد اشتري عربيه زيرو يفيم قبل مايرخص ويروج يثبته فابريكه ؟؟؟

[osama.m]

الحكاية دي اتكلمنا فيها كتير هنا و الخلاصة
لو العربية نازل في ورق الافراج بتاعها زجاج ملون يبقى هتقدر تثبتة من غير ولا مليم .. بس للازاز الخلفي بس زي ما بيبقى مكتوب
غير كدا يبقى لازمك واسطة جامدة تكتبة في الرخصة و تخلصك كل ما ظابط يرخم عليك

[tarekmomo]

صعب تثبتة فى الرخصة لكن مش مستحيل

[zonfuly]

طب سؤالي لو نازله فابريكه زجاج ملون وانا فيمتها الترا سوبر دارك عادي ولا لازم نفس الدرجه

[dr_hady4447]

ليه الفاميه مخالف للقانون ؟؟

[osama.m]

طب سؤالي لو نازله فابريكه زجاج ملون وانا فيمتها الترا سوبر دارك عادي ولا لازم نفس الدرجه

انت ممكن تزود عادي بس المشكلة كلها في الظابط .. لو حب يرخم عليك هيقولك مكتوب في الرخصة زجاج ملون مش فامية و هيسحب الرخص
و دايما العربيات اللي نازلة زجاج ملون بيبقى الابواب الخلفية بس .. فا لو فيمت اللي قدام هيقفشك
و هما عارفيين كل حاجة و متابعين اول بأول

[osama.m]

ليه الفاميه مخالف للقانون ؟؟

الفامية " في مصر " مخالف للقانون عشان بيحجب الرؤية عن السواق .. و في ناس بتستخدم العربية استخدام غلط لو متفيمة
على فكرة انا مفيم

[dr_hady4447]

الرؤية علشان مرايه الصالون ؟؟؟

[Amr_tika88]

اعتقد الستاير الكبس افضل حل

[raedegypt]

بلاش الفاميه وبعدين لما هو ممنوع بيستورد ليه؟؟؟ امنع من المنشآ وخلصنا وبعدين يا اخونا من مصحله المجتمع نتيجه انتشار الجريمه والخطف وتخفى البلطجيه والعصابات فالمنع نعم نؤيده ويجب حملات على المحلات التى تروج لهذة المواد بمصادرتها وتهديد ان تكرر سيحسب الترخيص لاى محل يروجها