العربية الاسهل فى سرقتها

[Veroman]

اية هى العربية الاسهل فى سرقتها و هل المودلات الجديدة زى مودلات من2006 و طلع نظمهم بيبقى اصعب عشان تتدور و تتسرق
بردو بيقدر يعمل الموضوع دة كلة فى اد اية انة يفتح الباب و و يكسر فى الكونتاكت ولا بيدورها لما بيفتح الكبوت ولا اية نظمهم دول

ياريت حد عندة خلفية عن الموضوع دة يفدنا

[BESO516]

كيا سيراتو اتسرقت 4 عربيات من المنطقه عندنا واحده كوبيه والباقى سيدان واصحابهم بيلعنوا اليوم اللى اشتروها فيه وبدون كسر زجاج او اى شىء الحرامى بيدورها زى صاحبها بالظبط

[m7mda7md]

علي حسب ما سمعت عن حوار السيراتو الحل بسيط جدا.......اولا المشكله ف العربيات الهاي لاين فقط و ال بيكون فيها engine start.......الحرامي بياخد الرقم ال ع التابلوه ورا البربريز و بكده يقدر يعمل حاجه شبه المفتاح و يدوس ع زرار التاتش يفتح العربيه و كله تمام.........هتجيب حته ورقه و تحطها ع الرقم ده عشان محدش يشوفه

[eldell]

علي حسب ما سمعت عن حوار السيراتو الحل بسيط جدا.......اولا المشكله ف العربيات الهاي لاين فقط و ال بيكون فيها engine start.......الحرامي بياخد الرقم ال ع التابلوه ورا البربريز و بكده يقدر يعمل حاجه شبه المفتاح و يدوس ع زرار التاتش يفتح العربيه و كله تمام.........هتجيب حته ورقه و تحطها ع الرقم ده عشان محدش يشوفه

+1111111111111111111

فعلا حوار المفتاح ده اتكرر كتيييييييير وطلع انه بيتفك الشفره من التوكيل مش عارف الكلام ده صح والا لا

[osama.m]

شوف الموضوع دا كدا

http://www.nilemotors.net/Nile/265225-a.html

[aboharb]

الحراميه اتطورا لكده ده احنا ممكن نشوفهم جايبين اللاب وبيحللو ارقام شفرات المفاتيح ولا بيهكرو على الشركات ويجيبو منها كى نمبر بتاع العربيات ده انا كنت فاكهم جاهلين طلعو معاهم دبلومه تخصص

[BESO516]

انا كنت نازل اشترى كيا كوبيه من 3 شهور وبالتحديد شهر 10 اللى فات لكن بعد الحوارات دى واللى شفته الأسبرنزا تتفوق عنها بمرااااااااااااحل فى الأمان ضد السرقه
يكفى انى روحت عاملت مفتاح على المفتاح الأصلى ل516 عند واحد مشهور فى شارع القصر العينى والعربيه مشتغلتش عليه بسبب الأمبوليزر اللى مبيسمحش غير للمفتاح الأصلى بتشغيلها ورغم ده كله لسه بحلم بالسيراتو ومرعووب والله

[Veroman]

عادى شوف الالنترا الجديدة اية اخبارها فى الموضوع دة

[BESO516]

للأسف مبحبش اى عربيه هيونداى لأن ليا تجربه مريره مع فيرنا 2008

[hamada20008]

مهما كان نوع العربيه الحرامي عفريت ليه طرق كتييره طبعا مش هقولها ياحسن يفكر يسرق حاجه

[Sehsss]

السيراتو طبعا، أكتر من 80 % من العربيات اللي اتهربت على غزة سيراتو

[Kareem Fawzy]

اكتر عربية اتسرقت هى كيا سيراتو
بس اللى احب اقوله لحضرتك ان الحرامى يقدر يسرق اى عربية
واحد اعرفه اتسرق منه جولف 5 فى 5 دقايق
الحرامى ما بيفرقش معاه بيسرقوها ازاى بقا يارتنى كنت حرامى كنت قدرت افيد نفسى وعربية اخويا ما اتسرقت
بالتوفيق
توكل على الله وربنا يحمينا من الوباء دة

[Mstfun]

ربنا يكفينا الشر كلنا...
اعتقد ان قفل الدريكسيون بيجيب نتيجه وبيحفظ العربيه من السرقه... مش لحاجه غير ان الحرامي مش عايز لخمه
ومش عايز يضيع وقت

[محمد بدر]

يا جماعة الخير مفيش حاجة اسمها سيارة سهلة فى السرقة وأخرى صعبة الحرامي مافيش حاجة صعبة عليه ومفيش نوع عربية معينة يقع الأختيار عليها هتقول ليه _ أقولك موضوع الأنظار ده اول حاجة يتم فصله فى دققتين الحرامى ينزل تحت السيارة ويفك كابل الأرضى - وبعدين لوكالون الباب طول معاه فى حلين 1- حقنة مية نار 2- ربط فوطه على إيده وكسر الزجاج وأخيرا" فك فيبر الدركسيون وبالتالى الكونتاك وبكده الموضوع انتهى فى دقائق قليله وعلى فكرة مبيكنش لوحد بيكون معاه 3 أو 4 أشخاص (حرمية) غيره إذا الموضوع ملوش علاقة بنوع سيارة معينة

[hazemhassan]

طيب ننزل ننام فيها ولا نطلعها الشقة
ولو حميناها بيليل ممكن يسرقا منك وانت سايق عادى بقى مافيش مشكلة عند الحرامية صبح وليل
يارب يحفظنا من كل شر