أيدكم معانا يا شبابـ زقة لادام OpeN

[Ba3shq]

السلام عليكم ورحمه الله وبركاتة

انا أشتريت عربية لادا .. وبصراحة شديتها ..شدة جامدة .. من الـ أ الي ي

عـاوز شغل سمبل في العربية .. شغل خفيف ولزيز
بصراحة . قولت أكيد اعضاء نايل هما الـ هيسعدوني فـ التعديل
العربية دلوئت ع الصاج ..عند السمكري .. وهتخرج ع البوهيجي .وبعدين السروجي
من ناحية المادة . الحمد لله مستورة بس فين الافكار والحركات ال تتعمل ف العربية
ياريت كل واحد عندة فكرة في فرش السيارة او افضل الوان للون الاحمر يفدنا ميبخلش
علينا اكيد الموضوع مفيد للجميع بعد كدا . لون السيارة احمر .. افضل لون للاحمر ممكن اعملة اية .. ولون الفرش يفضل يكون أية ..والطبلوة .. والسمكرة اية الحركات الي ممكن تتعمل فرصة وهيا عند السمكري . بس مش عاوز تنفيخ وكدا .. اديكم معانا يا اخوة . ولو عوزني اصورلكم العربية وهيا .. ع وضها الحالي مفحمة وبتشد من البداية مافيش مشاكل .. الساوند وطقم الصوت مظبوط زيرو باور . و4 سمعات بايونير . وصاب اكسبلود 1200 وط . وجي ام سنفوني 480 قديم ..يلا ع بركه الله نشوف اول .. صدوق مخلص هيرد

[mshmshm3]

الفرش ممكن اسود في احمر و ممكن اسود خالص
جنوط اسود حروفها احمر وكاوتش عريض
زينون
فاميه اسود لايت
و ممكن كام استيكر بس مش كتير حاجات صغيرة

[hossamabdalaze]

فكر اهم حاجة فى الاكصدام وشوف اكصدام ممكن يليق عليها ويكون تعديل حلو عليها

[Ba3shq]

الفرش ممكن اسود في احمر و ممكن اسود خالص
جنوط اسود حروفها احمر وكاوتش عريض
زينون
فاميه اسود لايت
و ممكن كام استيكر بس مش كتير حاجات صغيرة

الله عليك والله برنس يا كبير
لاكن أنا مجنط أصلا العربية .جانط 14 ينفع ارش الجانط وخلاص
وبالنسبة للفرش . انا مركب الكراسي ادام كراسي اوبترا جلد طبيعي
الكرسي شغال كهربة . وبيعلا ويوطا وحركات يعني غير ان الكرسي حجمة كبير
لون الكورسي اصفر غامق .. لو عندك جديد قولنا . انا عاوز اعمل الصالون نفس
لون العربية أحمر .. رأئيك. متابع

[Ba3shq]

فكر اهم حاجة فى الاكصدام وشوف اكصدام ممكن يليق عليها ويكون تعديل حلو عليها

الله يباركلك يا حسام . تسلم والله ودي اول حاجة بفكر
فيها طبعا . اللعب ف الاكصدام وخصوصا العربية الايام
دي عند السمكري يعني في ادينا نعدل ناو
انا كنت بأفكر اركبلها من ادام عتب .. وسطارة بس ناس قالتلي هتهيس كدا
متابع يا جميل

[m7mda7md]

اي نوع ف اللادا يا باشا؟؟؟؟؟

[gaaz]

وبالنسبة للفرش . انا مركب الكراسي ادام كراسي اوبترا جلد طبيعي
الكرسي شغال كهربة . وبيعلا ويوطا وحركات يعني غير ان الكرسي حجمة كبير

جايبها منين وبكم يا باشا ضروري عشان انا بشد العربية دلوقتي

[Kareem Fawzy]

انا رأيي الفرش يبقى اسود فى احمر هيبقى شيك قوى ولو ينفع الطابلوه كمان هيبقى بجد تمام جداً
وبالتوفيق

[Ba3shq]

اي نوع ف اللادا يا باشا؟؟؟؟؟

85 ياصحبي لاكن انا مغير الفوانيس الاماميه فوانيس مدورة لو عندة فكرة نعملها في الفوانيس تبئا برنس او صور عربيات معدله ناخد منها حركات
متابع

[Ba3shq]

انا رأيي الفرش يبقى اسود فى احمر هيبقى شيك قوى ولو ينفع الطابلوه كمان هيبقى بجد تمام جداً
وبالتوفيق

سيبك انتاا .. انت راجل محترم شوفلنا تعديلات رايقة
متابع

[Ba3shq]

جايبها منين وبكم يا باشا ضروري عشان انا بشد العربية دلوقتي

دي كراسي اوبترا جلد طبيعي كنت جايبهم بــ 1800
من واحد حبيبي كان عامل حادث فاخدتهم منو
ربنا يسترها علينا
شدلي عربيتي معاك لو عندك افكار
متابع

[hossamabdalaze]

بص الفرش لو بيج او جملى ح يكون شديد جدا وانا ناوى اركب اكصدام جيب شيروكى تسعينات فى اللدة الاستيشن بتاعتى وياريت تقولى السمكرى ح يعملك اية وح يأخذ كام وبتاع الدوكو ح يأخذ منك كام

[gaaz]

لو عايز رأيي غير الاكصدامات
وحنط جنوط كبيرة اللادا عفشتها تستحمل

[koshary]

من رائى يتعمل شغل حلو فى الاكصدامات وبرضو يكون رايق واهم حاجه الاسبويلر يكون شكلو حلو وهيدى شكل جامد للعربيه وياسلام لو فيه ستوب علشان الفرامل والاكصدام الخلفى يكون فيه عواكس ورش الجنط عند اى حد بتاع دوكو وتروح عند جينز كار تعمل فرش العربيه بيج فى نبيتى وتنقى احسن حاجه لان الالوان الغامقه هتديق العربيه لازم حاجه فاتحه توسعها وزجاج فاميه ورا ومثلثين وستايرر كبس للازاز اللى ورا علشان المخالفات وشماسه فاميه عالازاز اللى قدام وزينون وممكن تعمل كربون عالعتب وكربون بالطول من عالحروف عالكبوت من قدام + طقم الصوت اللى عندك وتعمل ارضيه جلد للعربيه ودواسات تركى محترمه من التوفيقيه وترش التابلوه بلون الفرش وفرش الابواب طبعا وازاز كهربا فى الابواب وسنتر وجهاز انزار بريموت دى اهم الحاجات اللى تخلى شكل العربيه حلو نوعا ما وهتبقا شيك من غير اى شغل لعب شكلو وحش فيها

[m7mda7md]

انا كان قصدي يا باشا لادا 2107 ولا 2105 ولا 1600 ال فوانيسها مدوره.......عموما بما ان الفوانيس عندك مدوره شوفلها فوانيس كريستال و اديها آنجل آيز مع العدسات و الزينون و رش باقي الشبكه اسود مط عند واحد نضيف و الحاجات الحلوه ال قالوا عليها الشباب