مشكلة فى السنتر

[ihabyossef]

السلام عليكم
عندى مشكلة فى السنتر وهى انى اول مرة افتح العربية الصبح لازم السنتر يقفل لوحده وساعات يقفل وانا ماشى او لما حد يقفل الباب جامد
المهم غيرت السنتر كله ومفيش فايده

اعمل ايه؟ ولو عايز اركب انذار والعيب ده موجود ينفع ولا لأ
على فكرة السنتر مش فابريقة

ارجو الرد

وشكرا
م/ ايهاب يوسف

[Mohamed.Fawzy]

المفروض ده طبيعى

استاذ ايهاب معظم السنتر اللى موجود فى السوق بيقفل لوحده بعد العربيه ماتدور اما بعد وقت معين او مع اول دوسه فرامل وده عادى و بيعتبر ميزه مش عيب لآنه تأمين للعربيه اما اللى مش عادى انه يقفل لم الباب يترزع جامد فممكن تروح لأى حد يشيك عليه ودى جاجه بسيطه جدا و بالمره يركب لك جهاز الأنذار على نفس السنتر و على فكره لو انت مش عايز خاصيه غلق السنتر لوحده دى ممكن تلغيها بمنتهى السهوله يعنى خلى اللى يركب لك السنتر يلغى لك الخاصيه دى لو مدايق منها ولو عايز حد كويس روح عند هشام لهيطه فى شارع زكى هيعملك كل اللى انت عايزه و اسعاره كويسه جدا :):)

[Akram]

لو قرأت المانيوال اللي مع السنتر هتلاقي مجموعة خواص ممكن تشغلها أو تلغيها ,
و إعمل برأي أ/(محمد فوزي) , و إن شاء الله هتتحل المشكلة .

[Sherif Khalifa]

انا عندى سنتر و مش بيعمل كدة

[Abdo_Eldesokey]

نفس الموضوع ده موجود معايا في عربية سكودا فيليشيا ... لما ترزع الباب جامد السنتر يقفل ... السنتر حساس أوي

[knightmido]

حضرتك تقصد انه بعلق معاك ... يعنى انتى بتفتح الصبح وهو يقفل ... هل هو بيريموت ولا من المفتاح ... لو بريموت ممكن يكون العيب منه او ضغط حضرتك عليه شديد فبيحس ان الضغط كما لو كان مرتين فبدل ما يلغى السنتر يرجعه تانى !!!

[ihabyossef]

الف شكر على الرد
هو على فكرة مفتاح مش ريموت

[acs]

ده فى مفتاح صغير اسفل الباب مكتوب علية امان اطفال هو اللى بيعمل كده

[Samah AbdAllah]

استاذ ايهاب معظم السنتر اللى موجود فى السوق بيقفل لوحده بعد العربيه ماتدور اما بعد وقت معين او مع اول دوسه فرامل وده عادى و بيعتبر ميزه مش عيب لآنه تأمين للعربيه اما اللى مش عادى انه يقفل لم الباب يترزع جامد فممكن تروح لأى حد يشيك عليه ودى جاجه بسيطه جدا و بالمره يركب لك جهاز الأنذار على نفس السنتر و على فكره لو انت مش عايز خاصيه غلق السنتر لوحده دى ممكن تلغيها بمنتهى السهوله يعنى خلى اللى يركب لك السنتر يلغى لك الخاصيه دى لو مدايق منها :):)

ممكن يكون السنتر حساس شوية بس ممكن تلغيها

[ابوهاشم]

انا متهيالى ان كده طبيعى

[جمال]

ده فى مفتاح صغير اسفل الباب مكتوب علية امان اطفال هو اللى بيعمل كده

المفتاح ده بيخللى الباب يفتح من الخارج فقط و ليس من الداخل كأمان فى حالة وجود اطفال بالسيارة من الخلف و هو موجود فى البابين الخلفيين فقط
وليس له اى علاقة بالسنتر

[ahmed_safwat]

الخواص اللي انتوا بتتكلموا عليها دي كلها بتشتغل لما تركب انذار انما السنتر وظيفته الوحيده القفل المركزي للأبواب وعلى فكره المشكله دي كانت عندي وطلع العيب عيب سمكره يعني المسوجر كان معلق علشان كدا أول ما أقفل الباب المسوجر يقفل والسنتر كله طبعا
اسمع كلامي وروح لسمكري بيفهم يظبطلك الأبواب وممكن على فكره تبقى عايزه تتزيت مثلا ولا حاجه