هل هناك من يصنع الهوايات التى توضع على الزجاج

[alialola]

هل هناك من يصنع الهوايات التى توضع على الزجاج حيث ان سيارتى لم اجد لها تلك الهوايه و هى اسبرنزا 113 .. و انا فى حاجه لها نظرا لظروفى الصحيه

[Sehsss]

هوايات إيه يا باشا وضح أكثر

[Kareem Fawzy]

حضرتك وضح اكتر علشان نقدر نساعدك يا استاذنا

[alialola]

ممكن نقول طارد ادخنه الى بيكون لونها غامق و بلاستيك و بتتركب فوق الشبابيك و هى بتتعشق كبس مع كوتش الباب

[eldell]

حضرتك تقصد الستاير الكبس لو قصدك كده فى التوفيقيه موجوده للاسبرانزا

[Ayman-Ahmed]

حضرتك تقصد الشفة البلاستيك اللى بتتلزق فى جلد الباب من فوق وممتازة للامطار او لو بتدخن ومش عاوز تفتح الشباك كله.

موجودة فى التوفيقية-شارع دمشق القاهرة .بس مش عارف مين بيبعها فى الاسكندرية او لو فى منها لعربيتك ولا لا.

واللى حضرت تقصدها هى ديه ولا حاجة تانية.

[Sehsss]

مش فاهم برضه خالص صاحب الموضوع يقصد إيه؟؟؟

[ashouhdy]

دى اسمها واقى امطار rain guard وهى انك بتفتح جزء من الازاز و المطرة مش بتدخل جوة العربية لان البلاستيك بيحوشها

فى مصر بيسموها هوايات لية معرفش !

[sheka]

طب مافيش اختيارات..... زي ماتكون فزورة وكله بيجتهد يحلها :)

[Car's Sniper]

حضرتك تقصد الشفة البلاستيك اللى بتتلزق فى جلد الباب من فوق وممتازة للامطار او لو بتدخن ومش عاوز تفتح الشباك كله.

موجودة فى التوفيقية-شارع دمشق القاهرة .بس مش عارف مين بيبعها فى الاسكندرية او لو فى منها لعربيتك ولا لا.

واللى حضرت تقصدها هى ديه ولا حاجة تانية.

شكل قصده دى والله اعلم :)

[M.Elgergawy]

فعلا هيا بتتسمى هوايات عند معظم التجار بس اسمها الصحيح مانع امطار ( زي ما استاذ شهدي قال ) وفعلا بيسموها هوايات عشان لما بتفتح الشبك الهواء مش بييجي على وشك نهائي ودي بتكون مفيدة اكتر في السفر ودي شكلها على اسبرانزا 113 وموجودة في التوفيقية في المول ورا توكيل اريون لمعطرات السيارة وسعرها 35 ج للطقم ( عبارة عن 4 قطع للاربع ابواب ) وعندهم جميع انواع السيارات

[Amro_ON]

انا شوفت لانسر مركب هوايه على البرابيز اللي ورا وشكلها تحفا ... تفتكروا موجوده في التوفيقيه برضو

[mrghost]

انا شوفت لانسر مركب هوايه على البرابيز اللي ورا وشكلها تحفا ... تفتكروا موجوده في التوفيقيه برضو

شفتها على عهربيه لانسر ف العاشر من رمضان واكيد موجوده ف التوفيقيه

[alialola]

شكرا لكل من قام رالرد و اسف على تأخرى لظروف مرضيه
هى فعلا الشفه البلاستيك التى تمنع دخول الامطار و الهواء و نفسى اوصلها فى اسكندريه

[ashouhdy]

انا شفت اسبيرانزا مركباها فى أسكندرية ... شوف فى عزبة سعد