هل يمكن تركيب مفتاح مشفر

[محمد ابراهيم 1]

لو عربيه مفتاحها عا دى هل من الممكن إضافه نظام تشفير لحمايه السياره من السرقه ؟
إذا كانت نفس السياره بتنزل فيها مفتاح مشفر بس الموديل اللى بجميع الكماليات

تم نقل المشاركة, برجاء مراعاة القسم المناسب لموضوعك

http://www.nilemotors.net/Nile/showthread.php?t=21870

مشرف القسم

[Moh.Fahmy]

سعادة الباشا ايه اخبارك الحاج شحتوت الله يرحمه بيسأل عليك.......
متهيألي لازم الموضوع ده يتم في التوكيل لان التشفير بيبقي ليه باص ورد عشان لو فقد المفتاح في المستفبل و حبيت تطلع واحد تاني يبقي الموضوع سهل لان كمان التوكيل بيديلك سلسلة حديد محفور عليها الرقم المسلسل و السلسلة دي لازم تحفظها في مكان ما تضيعش منه


محمد فهمي

[eng_mkhalaf]

ممكن يا باشا بس جهز الكاشات الأول لأنة هيعد

[Ahmad Allawy]

هي العربية نوعها ايه الاول؟؟

[Xpert]

منصحكش تحت اي ظرف تعمل اللي في دماغك ده يا محمد بيه.. انت مكمن تختصر و تبيع العربيه و تجيب واحده فيها الكلام ده ..
احنا في البي ام في تسقيط المواتير بنلغي حكايه المفتاح المشفر دي لترييح الدماغ ..

[farahat]

فكرة المفتاح المشفر بتعتمد على ٣ أجزاء :
١- المفتاح و ده بيكون فيه شريحة الشفرة نفسها و بييجي فاضي و يتبرمج عليه كود الشفرة إلي هو بيكون رقم مكون من أربع أرقام (دة إلي بييجي مع كل عربية )

٢- وحدة ال-Immobilizer ، و دي بتكون عبر عن وحدة كمبيوتر ECU ، متبرمج فيها شفرة العربية و بتتصل بباقي وحدات الكمبيوتر في العربية و تديهم اشارت التشغيل إذا كنت الشفرة إلي استقبلتها من المفتاح سليمة ، أما إذا كنت مش سليمة بتعمل إقفال لكل الوحدات في العربية ، و دي بيكون ليها جزء ذي الإريال كدة بيركب جانب مفتاح الكونتاكت عشان يتصل بالمفتاح لما يتحط في مكانه .

٣- وحدة ال-Engine ECU ، أو إلي هي كمبيوتر الموتور ، و دة إلي بيعمل كل حاجة في الموتور من أول الحقن الإلكتروني و الاشعال و كل حاجة خاصة بتشغيل الموتور ، و بتكون متصلة بوحدة ال-immobilizer عن طريق توصيلة مخصوص من خلالها بتعرف إذا كان المفتاح سليم ولا لأ و على أساس كدة بتدور الموتور ، لو مكنش سليم بتفضل كل حاجة كأنها ميتة تماماً .

بالتالي عشان تعمل لأي عربية نظم مفتاح مشفر لازم يكون كمبيوتر الموتور مجهز ، و يكون عندك وحدة كمبيوتر immobilizer (و دي مش رخيصة طبعاً ) ، زائد مفتاح يكون متوالف على الوحدة دي
(عموماً في ناس في الحرفيين بيبيع المجموعة بتاعة ال-immobilizer و المفتاح مع بعض لأنواع معينة من العربيات و بيسموها مجموعة دوارة ، يعني مثلاً تروح تجيب مجموعة دوارة كاملة بتاعة اوبل ولا حاجة و تركبها )

اتمنى يكون كلامي دة أفاد سيادتك ، و أي إستفسار تحت أمرك

[محمد ابراهيم 1]

سعادة الباشا ايه اخبارك الحاج شحتوت الله يرحمه بيسأل عليك.......
متهيألي لازم الموضوع ده يتم في التوكيل لان التشفير بيبقي ليه باص ورد عشان لو فقد المفتاح في المستفبل و حبيت تطلع واحد تاني يبقي الموضوع سهل لان كمان التوكيل بيديلك سلسلة حديد محفور عليها الرقم المسلسل و السلسلة دي لازم تحفظها في مكان ما تضيعش منه


محمد فهمي

إنت فين يا باشا واحشنى
وشحتوت زعلان منك على فكره

[محمد ابراهيم 1]

هي العربية نوعها ايه الاول؟؟

هى ياريس

[محمد ابراهيم 1]

فكرة المفتاح المشفر بتعتمد على ٣ أجزاء :
١- المفتاح و ده بيكون فيه شريحة الشفرة نفسها و بييجي فاضي و يتبرمج عليه كود الشفرة إلي هو بيكون رقم مكون من أربع أرقام (دة إلي بييجي مع كل عربية )

٢- وحدة ال-Immobilizer ، و دي بتكون عبر عن وحدة كمبيوتر ECU ، متبرمج فيها شفرة العربية و بتتصل بباقي وحدات الكمبيوتر في العربية و تديهم اشارت التشغيل إذا كنت الشفرة إلي استقبلتها من المفتاح سليمة ، أما إذا كنت مش سليمة بتعمل إقفال لكل الوحدات في العربية ، و دي بيكون ليها جزء ذي الإريال كدة بيركب جانب مفتاح الكونتاكت عشان يتصل بالمفتاح لما يتحط في مكانه .

٣- وحدة ال-Engine ECU ، أو إلي هي كمبيوتر الموتور ، و دة إلي بيعمل كل حاجة في الموتور من أول الحقن الإلكتروني و الاشعال و كل حاجة خاصة بتشغيل الموتور ، و بتكون متصلة بوحدة ال-immobilizer عن طريق توصيلة مخصوص من خلالها بتعرف إذا كان المفتاح سليم ولا لأ و على أساس كدة بتدور الموتور ، لو مكنش سليم بتفضل كل حاجة كأنها ميتة تماماً .

بالتالي عشان تعمل لأي عربية نظم مفتاح مشفر لازم يكون كمبيوتر الموتور مجهز ، و يكون عندك وحدة كمبيوتر immobilizer (و دي مش رخيصة طبعاً ) ، زائد مفتاح يكون متوالف على الوحدة دي
(عموماً في ناس في الحرفيين بيبيع المجموعة بتاعة ال-immobilizer و المفتاح مع بعض لأنواع معينة من العربيات و بيسموها مجموعة دوارة ، يعني مثلاً تروح تجيب مجموعة دوارة كاملة بتاعة اوبل ولا حاجة و تركبها )

اتمنى يكون كلامي دة أفاد سيادتك ، و أي إستفسار تحت أمرك

الكلام مفيد جدا طبعا
و واضح إن حضرتك عندك خبره كبيره ما شاء الله
بس هل فيه الكلام ده فى الياريس ولا لأ؟
وهل الموضوع معقد ولا بسيط

[محمد ابراهيم 1]

منصحكش تحت اي ظرف تعمل اللي في دماغك ده يا محمد بيه.. انت مكمن تختصر و تبيع العربيه و تجيب واحده فيها الكلام ده ..
احنا في البي ام في تسقيط المواتير بنلغي حكايه المفتاح المشفر دي لترييح الدماغ ..

العربيه لسه جديده يا باشا وعليا قسط فمينفعش أغير خالص دلوقتى

[Ahmad Allawy]

اسـل لو العربية فيها الكلام ده برة..
يبقي تنفع يركب عليها..
عشان هتجيب الوحدات دي استيراد.. و تركبها هنا عادي جدا..
لأن هيبقي ليها المكان جاهز.. و الفيش ووصلات الكومبيوتر وكل حاجة..
لكن لو مالهاش برة يبقي مينفعش..
وبيتهيألي ان مفيهاش اصلا برة..
هي نازلة هنا بكل الاوبشنز اللي نزلت بيها برة تقريبا..

[محمد ابراهيم 1]

اسـل لو العربية فيها الكلام ده برة..
يبقي تنفع يركب عليها..
عشان هتجيب الوحدات دي استيراد.. و تركبها هنا عادي جدا..
لأن هيبقي ليها المكان جاهز.. و الفيش ووصلات الكومبيوتر وكل حاجة..
لكن لو مالهاش برة يبقي مينفعش..
وبيتهيألي ان مفيهاش اصلا برة..
هي نازلة هنا بكل الاوبشنز اللي نزلت بيها برة تقريبا..

لا يا باشا
الياريس الكامله بتنزل بمفتاح مشفر لكن أنا جبت ال نص كماليات

[Ahmad Allawy]

لا يا باشا
الياريس الكامله بتنزل بمفتاح مشفر لكن أنا جبت ال نص كماليات

طيب خلاص.. يبقي اكيد ممكن تركبه..
بس بيتهيألي لسة صعب شوية انك تلاقيه بيتباع استيراد..
ولو هتشتريه جديد هيبقي غالي جدا و مش هتلاقيه غير في التوكيل..

[goodwave]

محمد باشا إبراهيم

صباح الفل

يا باشا واحشني إنت ومحمد فهمي ونفسي أقابلكم وتعرفوني على اونكل شلتوت :)
بالنسبة للمفتاح المشفر.... مش إنت يا باشا واخد نمر من إياهم!؟ يبقى ما تخافش الحرامي من دول بيشوف النمرة قبل ما يسرق وبيجري على طول :) :) :)

"اللهم لا حسد"""

[محمد ابراهيم 1]

محمد باشا إبراهيم

صباح الفل

يا باشا واحشني إنت ومحمد فهمي ونفسي أقابلكم وتعرفوني على اونكل شلتوت :)
بالنسبة للمفتاح المشفر.... مش إنت يا باشا واخد نمر من إياهم!؟ يبقى ما تخافش الحرامي من دول بيشوف النمرة قبل ما يسرق وبيجري على طول :) :) :)

"اللهم لا حسد"""

يعنى ايه نمر من إياهم يا بسيونى ؟
ايه النمر اللى بتخوف من وجهه نظرك ؟
عموما النمره بتاعتى هى نفسها اللى كانت على البيجو وممكن تشوفها فى ألبوم سيارات الأعضاء