فـــيبــــر

[A7MED_PHARMA]

انا عندى منه فى البيت :]
انا بحكم انى كنت فى كليه فنون تطبيقيه
فشتغلت بالحجات دى كتير
الكيلو انا بشتريه ب 13 جنيه
البولى استر + المصلد + الفايبر بيتخلطوا بطريقه معينه وبيتحطوا فى القالب
و صعب انك تنفذها لوحدك لازم تشوف حد بيعملها قدامك عشان لو عملت خطوه غلط هترمى الشغل فى الزباله

من مميزات الفايبر كمان انه بيتقبل الالوان يعنى بيتحط عليه مثلا باودر " اكاسيد الوان" بحيث ان الفايبر نفسه يبقى ملون

ماتحكيلنا ياميدو عن الموضوع ده
يعني النسب والخلط إزاي ؟

أنا لما كنت بركب فايبر للعربية .. كانو بيحطوا الكساحة .. ويعملوا عليها طبقات الالياف دي.. ويدهنوا عليها مادة ريحتها وحشة بفرشة
وكانت بتنشف على طووول

ولما كنت بسالهم السائل ده إيه ؟؟ كانوا بيحسسوني إنه سر حربي
ههههههههههههههههههههههه

[blazer]

الماده اللى ريحتها وحشه دى هى الresin " البولى استر المخلوط بالماده المصلده " اللى هى البروكسيد مضافا عليه ماده كمان اسمها كوبالت لونها ازرق ودول بيتباعو معاه ""
نسبه الخلط المفروض تتحدد بميزان حساس او سرنجه زجاجيه مثلا
بس هى تقريبا على كل كوبايه " 250 ملى" بولى استر هتحط 5 ملى مصلد وتخلطهم مع بعض
البولى استر بعد ما تخلط عليه المصلد بيبقى قدامك 5 دقايق عشان تحطه فى القالب وتخلطه بالفايبر جلاس لان بعد كدا بيبتدى يتصلد
اهم حاجه ان ميبقاش فيه اى فقاقيع هوائيه داخل الماده لان دا بيضعفه خصوصا وانك وانت بتخلطه بالفايبر بيبقى جواه هوا كتير لازم تفضيه بانك تضغط عليه بالفرشه كتير البولى استر من مميزاته كمان انك ممكن تحط طبقه وتنشف بعدين تحط طبقه كمان
ممكن يتخرم بشنيور ويتقطع بالصاروخ وبيقبل معظم انواع الدهانات بجوده عاليه جدا
مقاوم للمياه بشكل كبير

اهم حاجه تلبس جوانتى كويس وبالطو وكمامه وانت شغال عشان بيعمل بلاوى
"الفيبر بيعور جامد الايد"

[فتح الباب]

ايه المعلومات الجامدة دي
(هههههههههههههههههههه؟؟؟؟؟؟؟؟؟؟؟؟؟؟؟؟)

بنشتري شرايح الكاربون فايبر (البولي إستر) منين بقا ؟

من عند بتوع الجبس وفى كل مكان فى الجمهوريه
والمنبع الرئيسى قليوب ( زى ما تكون بتشترى سجاير فى كل مكان )
اقولك انت عايز اد ايه وانا اجيبهولك

[A7MED_PHARMA]

يخرب بيت غباء المصريين

النهاردة نزلت الزراعة أشوف البوهية .. والفايبر


كل ماأسأل عند محل.. يقول ماعنديش..روح لفلان
أروح لفلان
يقولي ماعنديش .. روح لفلان
أروح لفلان
يقولي ماعنديش روح لعلان
أروح لعلان يقولي ماعنديش
روح لترتان
أروح لترتان .. يقولي روح لبطيخة
أروح ألف على بطيخة .. واحد يقولي بطيخة ده أخر الشارع
ألف الشارع.. مالقيهوش
أسأل
يقولولي لا لا لا . بطيخة ده الناحية التانية
أروح الناحية التانية.. مالقيهوش
أسأل .. يقولولي لا لا لا بطيخة ده ... تعديله السكة الحديد وتسأل هناك
أعدي السكة الحديد وأسال هناك.. يقولولي إيه إلي جابك هنا
بطيخة ده تعديله السكة الحديد تاني.. وتاخد أول يمين

أخيرا
ألاقي بطيخة .. أسأله.. يقولي ماعنديش

حاجة تقررررررررررررف

المهم
زي مالرجالة قالت إن فيه منه عند بتوع الجبس
واحد من زباين الصيدلية هنا بيشتغل في الجبس..أول مايعدي عليا هسأله


بس اللفة دي طلعت منها بحاجة
بفوووم حراري... البتاع ده هايل
كان فيه موضوع شريف bmya كان عامله
كان حاطط الفوم ده جوه العتب بتاع عربيته.. بيسد فراغات الهوا جواها .. وبيقلل صوت الكاوتش على الأسفلت

[biomedo]

ازاي اتحكم في صلابة الفيبر

بحيث انه يبقى ناشف "زي تابلوهات العربيات"

او

طري شويه و ممكن يتحمل الصدمات زي رفارف العربيات

هل بنسبة المصلد و لا ازاي؟

[A7MED_PHARMA]

متهيالي الطري((او اللين)) دي بلاستيك او باغة
مش فايبر
الفايبر صلب

[zonfuly]

يا جماعه اللي اعرفه انه بيتجاب من اي حد بتاع مواد طلاء كيميائيه تقريبا و ممكن تعمل القالب من الطين الاسواني وفكرت كمان ممكن نعمله من العجين و انتا بتجيب بروكسيد وبوليستر وكوبالت و كيلو البوليستر بتحط عليه 5 جرام كوبالت و 30 جرام بروكسد و ما تحطش البروكسد علي الكوبالت الاول عشان بيقولوا بيعمل انفجار و بيجي معه الحاجات دي عازل اسمه pva بتدهنه عل يالقالب وبتبدأ تحط طبقه فيبر و بفرشه تبدأ تعدي عليه بالخلطه اللي انتا عملتها وبعد كده تحط طبقه تانيه وبعد كده طبقه تالته وهكذا والكلام ده كنت جايبه من موضوع هنا في المنتدي

[biomedo]

متهيالي الطري((او اللين)) دي بلاستيك او باغة
مش فايبر
الفايبر صلب

معنى كدا ان الرفارف اللي بتثنى اما تتخبط مش معموله من الفيبر و لكن من البلاستيك

[A7MED_PHARMA]

معنى كدا ان الرفارف اللي بتثنى اما تتخبط مش معموله من الفيبر و لكن من البلاستيك

انا قولت متهيألي يازميلي...
انا مش عارف بجد هو الفايبر فيه منه لين وللا طري
انا قولت متهيألي ..
بس انا شوفت في بورسعيد كبوت لانســر (أكتر من واحد ) كانو فايبر
كان شكله flexible

[biomedo]

انا قولت متهيألي يازميلي...
انا مش عارف بجد هو الفايبر فيه منه لين وللا طري
انا قولت متهيألي ..
بس انا شوفت في بورسعيد كبوت لانســر (أكتر من واحد ) كانو فايبر
كان شكله flexible

اما الواحد بيشتري رفرف استيراد بيقى طري و ميه ميه و مع الخبطات ميتكسرش و اما يجيبوا جديد بيقى ناشف و بيتكسر بسهوله

فاللي كنت عاوز اعرفه هل في اضافات بتدي الفيبر صفة المرونه

[فتح الباب]

الفيبر والفيبر مختلفان اى ليسوا من مزيج واحد انما الاثنين لهم خاصيه واحده ( صلبه ) ولا يتأثران باللهب المباشر لا ينصهروا ( لا يسيحوا ) بعكس الباغه والبلاستيك والتيفلون فمنهم المرن والصلب وكلهم ينصهروا بالنار . الفيبر يسهل لحامه اما الباقى يصعب لحامه انما يتم لحامه بصعوبه

[misoalex]

احمد انا عندى الحاجه بقالها اكتر من سنه تقريبا سنتين

ومعملتش بيهم حاجه لانى كنت جايبهم اصلح بيهم الاكصدام وبعد كده فكيته خالص

كنت عامل موضوع هنا وكان فيه كل التفاصيل واسماء الحجات دى التجاريه بس الموضوع طار ايام ما السرفر بتاع المتدى ما باظ من كام سنه لو تفتكر وطير مواضيع 3 او 4 شهور

المهم الحاجه انا كنت جايبها من بتوع الكيماويات والحجات دى من المنشيه هنا فى اسكندريه بس بعد لف ودوران كتيييييير ويأست بس الحمد لله واحد دلنى على محل فى حوارى ضيقه كده استحاله كنت اعرف اوصله
المصلب والماده اللى زى الورنيش دى والفيبر بيتباع بالكيلو وفيه تخين وفيه رفيع

المشكله انه لازم تعمل الكلام ده فى مكان مفتوح وتجرب كذا مره وكده وانا معنديش مكان اعمل فيه ولما حاولت اعمل الكلام ده فى المحل الريحه بتاعه المصلب قفلت نفسى وخنقتنى وحسيت كأنى شارب ميه نار وفضلت الريحه يومين فى المحل مش عاوزه تروح
المهم من ساعتها والحاجه مرميه زى مهى
لو عاوز تيجى نجرب سوا تعالا

[biomedo]

انا لقيت الاجابه تقريبا و كونه طري او ناشف دا بيعتمد على نوع الريزن

و ملخص الموضوع في الرابط دا

http://www.plasticworks.ca/catalog/images/catalog/page8.pdf

[فتح الباب]

لا يافندم الفيبر عمره ما كان طرى انما دائما ناشف ولو طرى ما يبقاش فيبر انما نوع الريزين ده بيحدد قوام الماده اثناء الصب قبل الجفاف بعد ان يجف لا يمكننا التفريق بين نوع الريزين الا بالنظر فقط

[biomedo]

لا يافندم الفيبر عمره ما كان طرى انما دائما ناشف ولو طرى ما يبقاش فيبر انما نوع الريزين ده بيحدد قوام الماده اثناء الصب قبل الجفاف بعد ان يجف لا يمكننا التفريق بين نوع الريزين الا بالنظر فقط