سارينة الانذار -الشنطة-الكبوت

[Ayman-Ahmed]

السلام عليكم ورحمة الله وبركاته

كنت عاوز استفسر من اللى عنده فكرة او عامل الموضوع ده يفيدنى.

عاوز اعلى صوت سارينة الانذار او لو ينفع احط سارينة تانية مع اللى موجودة وبتتوصل ازاى واجيبها منين؟

وهل لو ركبت سارينتين هيضربوا مع بعض فى نفس الوقت لما اقفل وافتح (سمعت عن موضوع سارينة الشرطة ممكن احطها مع السارينة العادية)؟

لا قدر الله وحد حاول يقص سلك السارينة هل فى طريقة اخلى السارينة التانية برده تضرب؟

اعمل ايه عشان لو الشنطة او الكبوت اتفتحوا الانذار يضرب واركب ايه وعند مين ؟

معلش يا جماعة اسئلة كتيرة شوية .

مشكورين.

[akmm]

تحياتى ----- ممكن طبعا انتى تجيب هورن اللى هو البوق او اتنين ويتم التوصيل مع سلك الكهرباء الأصلى الواصل للبوق الأصلى للإنزار وممكن يركب ايضا كتاوت للتقويه ------ وحيشتغلوا مع بعض عند الإستخدام وحاول تتحمل شده الصوت -------- تحياتى للجميع .

[Ayman-Ahmed]

مشكور يا باشا .طب عندك فكرة منين ممكن اجيبهم ؟وهل اى كهربائى يركبهم ولا اختراعات.

[akmm]

هات هورن الوولف نوعه ممتاز وثمنه 22 جنيه للواحده من التوفيقيه واى كهربائى يركبهم .

[Ayman-Ahmed]

متشكر جدا.واتمنى يكون صوتهم اعلى من سارينة الولف.

[Elawany13]

طيب بدل سارينة تانية متوصل على الكلاكس وخلاص

بالنسبة للكابوت والشنطة هاتلهم زرارين الواحد بحوالى 10 جنيه زى بتوع الابواب

والكهربائى يركبهملك ويوصلهم بالانذار

وخليه يوصلهوملك كمان مع نور الصالون علشان تبقى تلاحظهم دائما وتاخد بالك انهم بيعملوا بكفاءة

[Ayman-Ahmed]

متشكر جدا لنصايحك ولكن كلاكس النيو اكسنت(فى رائي) حنين .هههههه

وحلوة فكرة اجيب زرار اوصله مع النور الداخلى ولكن معلش ممكن توضحلى يعنى ايه الاحظهم وانهم بيشتغلوا.يعنى لو نور الصالون فصل او باظ يبقى هما كمان باظوا ولا ايه بالظبط ؟

ومعلش اجيبهم منين الزراير ؟ وهل زرار الشنطة هيمشى سلكه لحد الانذار من العتب ؟

[a7mous]

فكره حلوه موضوع زرار الابواب للشنطة والكبوت بس ياريت تفاصيل عشان الكهربائى ميشتغلنيش

[ashouhdy]

ركب الأنذار ع الكلاكس

[ramyhekal]

انا كمان عندى مشكلة ضعف صوت سرينة spy

[Elawany13]

متشكر جدا لنصايحك ولكن كلاكس النيو اكسنت(فى رائي) حنين .هههههه

وحلوة فكرة اجيب زرار اوصله مع النور الداخلى ولكن معلش ممكن توضحلى يعنى ايه الاحظهم وانهم بيشتغلوا.يعنى لو نور الصالون فصل او باظ يبقى هما كمان باظوا ولا ايه بالظبط ؟

ومعلش اجيبهم منين الزراير ؟ وهل زرار الشنطة هيمشى سلكه لحد الانذار من العتب ؟

ايوه بالظبط كده
لما تفتح الكابوت او الشنطة لمبة الصالون تنور
الزراير ديه عند بتوع الاكسسوارات
بالنسبة لتوصيل زرار الشنطة انا شوفت الكهربائى وصلهم بسلك قصير عند نور الصالون الخلفى فى العربية الشاهين

[Ayman-Ahmed]

مشكور يا سيد/ علوانى وهعدى على الكهربائى واقوله يعملهم وكويس انك قولتلى سعر الزراير عشان الواحد يبقى عارف برده.

مشكور جدا مرة تانية.

د.شهدى : الكلاكس بتاع النيو اكسنت لحد ما واطى شوية وقريت على المنتدى ان ساعات الكلاكس بيبوظ من موضوع الانذار وخصوصا اننى معلى الحساس على الاخر.

[Amr Axel]

بالنسبة صوت الانذار
غير السرينة بواحدة اكبر هتلاقيها تكفي اوي بس لو عايز اتنين عشان لو واحدة فصلت التانية تشتغل مفيش مشاكل الكهربئي بيظبط و غالبا هتركب كتاوت
انا عن نفسي بفكر اركب 3 في العربية متوزعين هههههههه عشان اللي يقطع واحدة يتوه في الاتنين التانيين و بالمناسبة متخليش اي حد و خاصة حوالين بيتك يعرف مكان السرينة او تفتح الكبوت عشان 90 في المية السرقة مش بتيجي من برة بيكون حد متابعك

و فيه حاجة ان ممكن الحرامي يعمل قفلة للدايرة كلها و كده و لا ديه هتشتغل و لا ديه هتشتغل ده بالنسبة الانذار العادي
و ع حد علمي حاجة زي السباي توو واي لو الحرامي حب يعمل قفلة في الدايرة بيتكون فيه واحدة جوة ميحصلش فيها حاجة و شغالة مش فاكر بالظبط التفاصيل بس ده اللي فاكره تقريبيا

بالنسبة للكبوت و الشنطة زي ما الاخوة قالولك هتجيب زراير واحدة للشنطة و واحدة للكبوت و ممكن تجيب واحد لكل باب خلفي و بتتوصل عادي ع سلك لمبة الصالون و عملية بسيطة مش هتاخد في ايد الراجل كل الزراير اكتر من نص ساعة - ساعة لو قولنا بيدلع كمان
تركيب الزراير في الكبوت مش هتحتاج تخرم لأن غالبا بيكون فيه اخرام في الجنبين ممكن تركب فيهم و جيب نوعية نضيفة و خاصة للكبوت شعان تستحمل الحرارة و متسيحش
بالنسبة الابواب الخلفية لو مفيهاش هتلاقي مكانها جاهز برده و محطوط فيها حتة فيبر قفلها
بالنسبة الشنطة ع حسب ممكن يخرملك فيها ممكن يكون فيه مكان جاهز ممكن يفكر في فكرة عشان متخرمش اهو شوف و حاول تخلي خرم الشنطة اخر حاجة

و اتمني اكون افادتك

بالتوفيق ان شاء الله

[Ayman-Ahmed]

الف شكر يا اكسيل على الشرح المفصل .جزاك الله خيرا.ولو ناوى على تركيب سارينة زيادة وتعرف كهربائى كويس يظبطلى شغلى انا كمان يبقى نعملها وربنا يسهل الامور.

[ashouhdy]

أستاذ أيمن

غير الكلاكس بواحد اقوى

وركب علية كتاوت

لأن السارينة معروف سلكها بيمشى فين و بقصافة رفيعة بيقطعوا السلك

انما الكلاكس السلك بيكون متاخد من تحت الدركسيون مستحيل يتقطع

ولك وافر الشكر