لكل اللى مركبين فلتر k&n

[mada_76]

السلام عليكم
انا مركب فلتر k&n المخروطي بقاله حوالى 12 الف كيلو .
كان مكتوب على الموقع بتاعه ان الفلتر بيتنظف كل 100 الف كيلو . لكن طبعا اكتشفت ان التقييم ده ينفع لأي بلد تانية غير بلدنا .
انا الفلتر عندي بقى لونه اسود من التراب اللى عليه .
وحاسس ان الاداء بقى مش كويس زي ماكان جديد .
وبناء عليه قررت اني انظفه . وعايز استفيد من خبرات الناس اللى مركبة الفلتر ده ونضفته قبل كده عشان انا بحثت على النت وشوفت فيديوهات على اليوتيوب لناس بتنظفه بالمياه وبعدين بترش عليه الزيت بتاعه وناس تانية بتغسله بمنظف خاص بيه وبعدين تحط الزيت لما ينشف وناس بالمياه بس .
بصراحة مش عارف الصح ايه ومين جرب يغسله او ينظفه .
وياترى منين اجيب المنظف ولو في سعر كمان يبقى عملتوا معايا الواجب كله .
وشكرا

[mada_76]

مافيش حد نضفه ولا ايه ؟؟؟؟؟؟

[Sehsss]

متابع

[haysam2000]

غسيل بضغط مياه كويس بس ميكونش جامد (مياه بس) و بعدين سيبه للشمس يومين او تلاته و لازم تتاكد انه ناشف تماما قبل ما تركبه

[tareket]

ادخل على العنوان الاصلى هتلاى كل المعلومات

http://www.knfilters.com/instructions/18627B_inst.pdf

دا اللى ينفع عندى

[Amro_ON]

لو عاوز تنضفه بالزيت بتاعه ...هتلاقي الزيت بتاعه عند عادل وجدي الحرفيين أو هو ممكن ينضفهولك بالزيت بتاعه ب 20 ج

[mada_76]

غسيل بضغط مياه كويس بس ميكونش جامد (مياه بس) و بعدين سيبه للشمس يومين او تلاته و لازم تتاكد انه ناشف تماما قبل ما تركبه

قبل اي حاجة شكرا على اهتمامك وردك عليا
ثانيا بقى
على حسب معلوماتي لو محطيناش الزيت عليه يبقى فقد اهم ميزة فيه وهو ازالة التراب اللى داخل مع الهواء وهي عملية الفلترة . يبقى كده شكرا على الانجكشن.
ثانيا يومين تلاتة ينشف ده كتير اوي . اومال هاتحرك ازاي بالعربية خلال الفترة دي .
ممكن اخد اجازة من الشغل . اقولهم عشان بغسل الفلتر

[mada_76]

ادخل على العنوان الاصلى هتلاى كل المعلومات

http://www.knfilters.com/instructions/18627b_inst.pdf

دا اللى ينفع عندى

عداك العيب وأزح يا باشا
فعلا لا يصح الا الصحيح

لو عاوز تنضفه بالزيت بتاعه ...هتلاقي الزيت بتاعه عند عادل وجدي الحرفيين أو هو ممكن ينضفهولك بالزيت بتاعه ب 20 ج

تسلم يا باشا على المعلومة وان شاء الله هاروح الحرفيين واسأل على عادل وجدي واشتري منه المنظف والزيت عشان نحافظ على الفلتر ومنبوظش الموتور .

[coolbad]

ده فيديو من K&N بيبين طريقة التنظيف و التزيت
Youtube

[hany63]

الطقم عند حماده غزي ب 165 جنيه و مابنصحش بتنضيفه عند عادل وجدي اولا عشان هيكلفك 40 جنيه غير المشوار و بعدين الفلتر بيتكروت في النضافه و بيركب مبلول

[haysam2000]

قبل اي حاجة شكرا على اهتمامك وردك عليا
ثانيا بقى
على حسب معلوماتي لو محطيناش الزيت عليه يبقى فقد اهم ميزة فيه وهو ازالة التراب اللى داخل مع الهواء وهي عملية الفلترة . يبقى كده شكرا على الانجكشن.
ثانيا يومين تلاتة ينشف ده كتير اوي . اومال هاتحرك ازاي بالعربية خلال الفترة دي .
ممكن اخد اجازة من الشغل . اقولهم عشان بغسل الفلتر

ههههههههههههههههه
عندك حق فى دى بس مش مضمون انه يكون ناشف و مينفعش يكون فيه مياه و ممكن تستغنى عنه زيت بزيت باور ودهنه ب فرشه دهان

[Amrgamal1]

ممكن اخد اجازة من الشغل . اقولهم عشان بغسل الفلتر [/QUOTE]

هههههههههههههههههههههههههههههههههههه جامده اوي دي

[hany63]

يقول لهم الفلتر على الحبل

[gaaz]

÷ههههههههههههههههه
انا : ايوة يادكتور محمد انا مضطر اخد اجازه يومين
د محمد : خير يا احمد في حاجة ؟
انا : لأ يا دكتور بس الفلتر مبلول شوية
د محمد : ان شاء الله ينشف ويرجع بالسلامة

[smsm_hamada]

الفلتر ده بيركب على الانجيكشن بس ولا ممكن يركب على كاربراتير عادى ؟؟