الحقيقة الضائعه عن الجنط

[misoalex]

وزنه اهم طبعا بس عرضه وحجمه مهم برضه

متركبش جنط 12 بدل ال 13 وتقوللى دى اخف على العفشه وحيحافظ عليها
وتيجى مع اول طوبه على الطريق او مطب هوا تلاقى العربيه اتقلبت بيك


الموضوع بالعقل هاتجنط عريض شويه وحجمه مناسب بس مش صينى عشان ميبقاش تقيل داهيه على العفشه

[gaaz]

الموضوع بالعقل هاتجنط عريض شويه وحجمه مناسب بس مش صينى عشان ميبقاش تقيل داهيه على العفشه

ربنا سترها معايا امبارح من جنط صيني يا ميسووو كنت حلبسه
بقولك ايه يا ميسووو ماتعرفش مكان مضمون وكويس يبيع جنوط ؟

[misoalex]

انا بفضل الجنوط الاستيراد الاصلى

بس معرفش مكان ثابت لان الاستيراد انت وحظك مره فيه ومره مفيش وتستنى لحد ما يجيب تانى

لكن لو عاوز جديد فيه معرض كبير عند كوبرى 45 جنب القهوه اللى تحت كوبرى 45 دى
وفيه بتوع جمال عبد الناصر وخصوصا اللى عند صينيه جيهان وعند دوران محمد نجيب وانت طالع من نفق محمد نجيب
اسمه صادق

[gaaz]

ايوة ما هم دول اللي انا رحتلهم فعلا يا ميسوو
تسلم يا ميسوووو
مش ناوي تقولي الرنجات بتاعتك كنت جايبها منين :(

[misoalex]

منا قولتلك كنت عاملهم عموله مش جاهزين

[gaaz]

عمولة فين طيب ؟ انا لفيت اسكندرية مسبتش محل اكسسوارات واحد عشان يعملهملي
مافيش حد بيعملهم في اسكندرية

[mido_soliman]

عمولة فين طيب ؟ انا لفيت اسكندرية مسبتش محل اكسسوارات واحد عشان يعملهملي
مافيش حد بيعملهم في اسكندرية

الرينجات بتتعمل عند خراط مش اكسسوار
روح لاى ورشة خراطة وقولة عايز اعمل رينجات للجنوط وهوة حيفهم كل حاجة
انا لسة عاملهم امبارح وفى خامتين واحدة عاملة زى البلاستيك كدة بس هما بيقولوا مش بلاستيك وكل الناس عاملاها وخامة تانية المونيوم
المهم الراجل عاملى الخامة اللى زى البلاستيك دى وانا برضة قلتلة يعملى الالومنيوم احطهم فى الشنطة احتياطى لتطلع الخامة دى فستك اهو يبقى اسمى جربت الاتنين

[m7mda7md]

انا كمان عاوز اعمل رينجات و بصراحه مش متفائل بالحوار و متأكد انها مش هتطلع مظبوطه ده غير اني مركب الجنوط من اكتر من 3 سنين من غير رينجات و الحمد لله محصلش حاجه...........همه يتكلفوا كام يا رجاله؟

[gaaz]

الرينجات بتتعمل عند خراط مش اكسسوار
روح لاى ورشة خراطة وقولة عايز اعمل رينجات للجنوط وهوة حيفهم كل حاجة
انا لسة عاملهم امبارح وفى خامتين واحدة عاملة زى البلاستيك كدة بس هما بيقولوا مش بلاستيك وكل الناس عاملاها وخامة تانية المونيوم
المهم الراجل عاملى الخامة اللى زى البلاستيك دى وانا برضة قلتلة يعملى الالومنيوم احطهم فى الشنطة احتياطى لتطلع الخامة دى فستك اهو يبقى اسمى جربت الاتنين

والله كويس انك فتحت الموضوع ده بس انا كان قصدي على الرنج بتاع الفانوس
رنجات الفوانيس هههههه
بس شغال برضو عايز اعمل رنجات الجنوط بس هي ايه فايدتها رنجات الجنوط دي ؟

[m7mda7md]

من غير الرينج دي بيبقي الجنط محمل علي المسامير بس و المفروض يبقي محمل علي البتاع ال ف النص ده كمان

[gaaz]

من غير الرينج دي بيبقي الجنط محمل علي المسامير بس و المفروض يبقي محمل علي البتاع ال ف النص ده كمان

يعني في اي خطورة على السراعات العالية ؟
طب ما الجنط الاصلي مافيهوش رتجات برضو !

[Dawns_Mist]

بالنسبة للتجنيط ...

لو وزن الجنط الجديد قريب أوي من وزن الجنط القديم يبقى انت في السليم .. ده بالنسبة للعفشة ، و برضه بيأثر نسبيا في العزم ...

لما مقاس الجنط يكون أكبر ده بيزود العزم بتاع العربية مش بيقللها زي ما بعض الناس فاهمة ..

لما البروفايل بتاع الكاوتش يكون قليل يكون الثبات أكبر للعربية .. لكن راحة الركاب هتقل شوية ..

لما البروفايل بيكون قليل أوي الكاوتش بيتأثر أسرع بمطبات و خشونة الأرض و عمره الافتراضي بيقل بسرعة ..

لما الجنط يكون عريض أكتر برضه يزود ثبات العربية ..

لما الجنط يكون كبير أوي فيكون قريب من فجوة الرفرف .. ده بيزود درجة حرارة الكاوتش على السرعات العالية ، و ده بيقلل من عمر الكاوتش الافتراضي بسرعة ..

كل ماكبر مقاس الجنط كل ما قراية العداد بتاعتك تكون أقل من الحقيقي .. و العكس صحيح .. و برضه مقاس البروفايل و مقاس عرض الكاوتش بيأثر في قرائة العداد .. و ده ويب سايت تقدر تحسب منه فرق قراية العداد :
Tire size calculator


* خلاصة الكلام :
لو عايز تزود ثبات العربية ، و كمان تزود عزمها ، و تخلي شكلها أشيك ، و في نفس الوقت تحافظ على الكاوتش بتاعك ن و تحافظ على العفشة بتاعتك .................. يبقى تخليك في المعقول بالنسبة للتجنيط ... مسموحلك تجيب مقاس بوصة أو 2 بوصة زيادة عن الجنط الستوك بتاعك ، لإن أكتر من كده غالبا هيقلل من عمر الكاوتش ... مسموحلك تقلل البروفايل 10 مم أو 15 مم بالكتير .. لإن أزيد من كده برضه مش هتحافظ على عمر الكاوتش ... نصيحتي كمان إنك تحاول تزود العرض بالكتير 20 مم علشان تزود الثبات و مايكونش حمل كبير على الموتور .........

خلاصة الكلام أكتر و أكتر ..... عندك الويب سايت اللي أنا اديته لحضرتك ده ..... اكتب الجنط الستوك بتاع عربيتك ... و دور في المقاسات اللي انت نفسك فيها بحيث مايكونش فرق القراية أكتر من 6% مثلا ... كده كفاية أوي ... هتكسب شكل و ثبات و مش هتخسر لا عفشة ولا موتور ولا راحة ولا عداد ....

بالتوفيق .....

[gaaz]

والله ما عارف اقول ايه
يعني حضرتك اوجزت والله
بس اكيد الرقم ستة في المية ده ؟
يعني مش اكتر من كده خالص؟ ؟؟؟

[misoalex]

عمولة فين طيب ؟ انا لفيت اسكندرية مسبتش محل اكسسوارات واحد عشان يعملهملي
مافيش حد بيعملهم في اسكندرية

مشوفتش حد بيعدل فوانيس فى اسكندريه سواء امامى او خلفى

لو عاوز تعملهم اكيد فك الفوانيس وهاتهملى وتاخدهم راكبين وشغالين

[Dawns_Mist]

والله ما عارف اقول ايه
يعني حضرتك اوجزت والله
بس اكيد الرقم ستة في المية ده ؟
يعني مش اكتر من كده خالص؟ ؟؟؟

والله يا أفندم انا قولت لحضرتك تخليك حولين النسبة 6% علشان أنا مش هقدر أحدد معاك المقاسات لإني مش عارف عربية حضرتك إيه و المقاس الستوك إيه و المقاس اللي انت نفسك فيه إيه ..

بس عموما .. بالنسبة للبروفايل نصيحة مايكون أبدا بحال من الأحوال أقل من 50 مم علشان مايعملش بلالين و الكاوتش يبوظ بسرعة ....... و كمان لازم تكون عارف الفجوة بتاعت عربيتك هتستحمل جنط لحد كام علشان مايكونش الكاوتش بعد التركيب قريب أوي منها فيسخن و يبوظ بسرعة ... و كمان تراعي إنك تجيب مقاس كاوتش مايكونش نادر علشان لو باظ حاجة منك تقدر تلاقيه بسهولة ... و لاحظ برضه إن لما يكون العرض كبير بيزود الثبات لكن لو كبير بزيادة بيكون حمل على الموتور بسبب زيادة معامل الاحتكاك ..

ياريت لو تقولي موديل عربيتك يا أفندم و المقاس الستوك للكاوتش ... و أنا هحاول أختار معاك أقرب حاجة مناسبة ..