إعـــــــلان

Collapse

.

,
See more
See less

تحذير لأهل الأسكندرية من محل .....

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    تحذير لأهل الأسكندرية من محل .....

    السلام عليكم !!

    حبيت أنقل ليكم تجربة معايا أنا و العضو gaaz

    رحنا لمحل "جمال الخواجة" فرع محمد نجيب ...نشتري جنط 13 لعربيته ال 128

    المهم لفينا و دورنا ،، و لاقينا عنده جنط عجب احمد .. و العامل قالنا أنه الجنط ده تايلاندي ب 1150 !!

    قلنا يا سلام !! و ماله !! ...رحنا جبنا العربية ،، و وقفنا قدامه ،، و كلمنا الراجل الي ماسك المحل !!

    و كانت بداية القصيدة كفر !!
    الراجل قالنا ده ثمنه 1350 !! المهم قلناله لا مش حينفع و بتاع !!

    قالنا ده تايلاندي درجة أولى !! دقيقة واحدة أطلعلكم ورقه و أتأكدلكم من السعر !! و طلع ورق و قالنا ده ال1350 قلناله لا يعم أهدى شوية في السعر !
    أنا نفسي كنت حاسس ان في حاجة غلط !! أنا جايب جنط 14 تايواني ب 1500 !!
    و قلت مش معقولة الثمن يكون قريب كده ،، بس قلت يمكن ده تالاندي و بتاع !! قشطة !!
    المهم حبه هنا وحبه هناك !! قالنا خلاص التركيب بالترصيص بالنتروجين بكله 1350 !!
    قلنا قشطة !! فك العجل الي قدام ،، و جبنا أنا و احمد سبراي و رشينا الكاليبرات بنفس لون العربية ،، و كشلها كان شياكة بصراحة !! و أنا قلقت من الجنط ،، بس قلت يا راجل ،، ده محل ثقة !! و متقلقش أحمد معاك !!
    فجأة لقيت أحمد بيقولي "حسام لو سمحت ،، أكدلي على الجنط كده أنه تايلاندي" قلتله طيب !!
    المهم رحت كلمت العامل ، فقلت أوقعه في الكلام !!
    فقلتله ده اندونيسي بقا مش كده الجنط ده ؟؟
    قالي اه !! اندونيسي !!
    رحت بصتله كده قلتله أندونيسيس ازيا ،، اومال هو قايلنا أنه تايلاندي ليه ؟؟؟ لقيته بلع ريئه و قالي لا ،، انت قصدك على الجنط و لا الكاوتش "علماً أن الكاوتش بتاعنا !! .. قلتله الجننننننط !! قالي لا أنا قصدي الكاوتش" !!!
    قلت بسس مبدهاش ،، قلبت الجنط ,, و دورت على made in !! و أذا بالصااعقة !!...
    الجنط مكتوب عليه CHINA !! قلتله أيه ده ؟؟ ده صيني !!!!!!!!

    قالي "ايه؟؟؟" و فكرني بأحمد شفيق !! قلتله سلامتك ده صيني !! لالا ,, استنى متركبش حاجة اتني على مدخل اتكلم مع الراجل الي اداهولنا على أساس أنه تيلاندي ده !! دلخنا و اتكلمنا .. و قعد يحور يمين و شمال ،، و يقولنا على فكرة مفيش حاجة بتتصنع في بلدها !! قلتله ازاي ؟؟
    قالي ده في الصين بس خاماته تايلاندي !!
    مش عارف ..كان فاكرنا عبط .. ولا مختومين على قفانا،، ميعرفش انه بيكلم واحد مهندس ،، و دايس في حاجات العربيات دي اكثر منه هو شخصياً !! و واحد تاني دكتور !!!
    و يجيب يمين و يجيب شمال .. و ده تايلاندي !! بس مكتوب عليه الصين
    قلتله طيب مهو معنى كده انه صيني ، قالي فين الكلمة المكتوبة دي ؟؟
    قلتله أهي .. و وريتهاله ،، قعد يعمل نفسه مش شايفها !! و يبص يمين و يبص شمال،، و قالي ده مكتوب عليه "الصين" و مش مكتوب عليه "صنع في الصين" !!!
    طبعاً .. رد فعلي كان النرفزة أنا و أحمد !! .. بس كنا ماسكين أعصابنا ألى حد ما ،، مهماً كان أحنا كنا بنكلم راجل أكبر مننا .. بغض النظر عن أنه مش أمين ولا محترم !! ..
    آخر تحويراته ،، قالي ده تايلاندي ؟؟ قلتله ازاي ؟؟ قالي انا مستورده من تايلاند !! قلتله يا سلام !!!
    منا ممكن أصنع هنا فوانيس رمضان ،، و ابعتها لقريبي في فرنسا و بعد كده أستوردها منه تاني ،، و أكتب عليها صنع في فرنسا ؟؟؟؟؟؟كان أحمد ساعتها بيكلم العامل تقريباً و بيقوله فك الجنط و رجع الكاوتش
    المهم قلناله لا شكراً يا ريت حضرتك ترجعلنا الكاوتش بتاعنا تاني لو سمحت !! كده قشطة مش عايزين الطقم ده !!
    رجع حاجتنا و خلص بعد طلوع الروح !! .. و بعد كده العامل صعب على أحمد !! و احمد سأله ،، قاله كام ليك على تعبك ،، قاله ولا حاجة يا باشا يادوبك 15 جنيه حق البلوف

    أنا كنت بتكلم في الموبايل ساعتها !! سمعت كده !! قلتله 15 جنيه !! ليه ؟؟؟؟؟؟؟؟؟؟؟؟؟؟؟

    قالي البلف ب 7 و نصف !! قلتله ليه ؟؟ده انا لسه مجنط من محل "فلان الفلاني" من 3 أيام ،، و البلف ب 5 جنيه و أنا عارف أنه أرخص من كده بكثيييييير !! و طلعت 10 جنيه أديتهالو و مشينا ،، و أحنا همالين نسب و نلعن فيه و نضرب كف على كف بسبب الأمانة الي راحت !!!
    [CENTER]ماشاء الله ولا قوة ألا بالله[/CENTER]
    الكلمات الدلالية (Tags): الأسكندرية, تحذير, لأهل, محل, من
  • #2
    والله يا نبوي بص انا بالنسبالي كفاية عليه حسبنا الله ونعم الوكيل
    انا قلتها في سري واحنا واقفين واول ما رجعت حمدت ربنا ان احنا اكتشفنا الموضوع قبل ما يركب ولدعته كمان وحده حسبنا الله ونعم الوكيل
    بس مش عايزين نشهر بالراجل ونقول انه محل "جمال الخواجة" فرع محمد نجيب وانه عبارة عن محل كبير حاطط فيها جنوط وتقريبا كلها صيني وانه عنده صبي شغال برة تخين كده وان المحل جمب قهوة كبيرة اسمها الهادي وان الراجل بكرش كبير حتلاقيه قاعد عل مكتب ومش عايز يتحرك ههههههههههههه

    لأ واللي يغيظك اكتر طيب الجنط ى 1150 اللي هو السعر اللي قاله في الاول ده اصلا كتير على صيني
    طيب مادام الجنط صيني مشيها كده 1150 !
    لأ شوف الطمع ده لما شافني الجنط عاجبني وداخل عليه قالك لأ ده يختلف وقام مطلع كراسة معفنة وقالك الجنط ب 1375 عشان تايلندي
    وبيقولي اتحداك تجيبلي جنط 13 مش صيني هههههههههههههههه
    سمعت انت الحتة دي يا نبوي ؟
    اقسم بالله انا خدت نفس عميق وقولت استغفر الله العظيم عشان بس ماتهورش واعمل حاجة انا كنت هادي جدا
    المشكلة انه بيكارك في حاجة عبيطة اوي بقوله مش عايز جنط صيني مديني جنط مكتوب عليه China وبيقولي مش صيني !
    يعني حتى العملية مش محتاجة مهندس ولا دكتور ده اي بصمجي مش حتدخل عليه القصة دي هههههه
    لأ وبعد كده بعد لما اكتشف ان خلاص احنا هرشنا ان الجنط صيني بدأ يدافع عن الصين هههههههههههههههههههههه
    قالك ومالها الجنوط الصيني ما هي زي الفل وبتعيش انا بقوله يا عم هو انا ينفع اجيلك اقولك عايز برتقان تديني تفاح وتقولي ماله التفاج ؟ مالوش يا عم حلو وكل حاجة ووالصين احلا بلد بس انا مش عايز صيني مزاجي يا عم !
    لأ وكمان هو بيدافع عن الصين قال ما كل حاجة في البلد صيني ههههههه بص لجزمة نبوي وبيقوله الجزمة دي صيني
    نبوي بمنتهى سرعه البداهة قالو لأ ده هندي هههههههههههههههههههههه الراجل مبقاش عارف يقول ايه
    والله انا كنت ساكت وعمال في سري مبسوط عشان كنت حاسس الراجل اهبل اوي وهو بيكدب كذب غبي ومكشوف ومستني اشوف حيوصل لأيه
    كنت عايز بس يقولي لأ انا مش حرجع الجنط او يبدأ يزعق مثلا عشان ابدأ اسقف على ودانه
    بس الحمدلله الدنيا مشت
    1)واديني اتعلمنا وعرفنا واحد وحش عشان منشتريش منه اي حاجة
    2) ونبوي تسلم ايده رش الكاليبرز بلون العربية وكان شكلها تحفة
    3)شفت الكاوتش بتاعي على شكل الجنط اللي بعد ما تركب ماكانش عجبني فلما حجيب بعد كده مش حجيب الشكل ده
    4) ركب بلوف جديدة انا اصلا الكاوتش مكنش راكب فيه بلوف
    كوووووووووووووووووووووووووووووووووووووول ده
    بعشرة جنية ودي على الاقل حق الناس اللي فكت وركبت صنايعيه شغالين مالهمش ذنب غلابة اوي
    يابلاش !
    علعموم اللي فاهم في الجنوط وحيروح للراجل ده مافيش منه مشاكل عشان اي حد فاهم حيروح حيلاقي الراجل ده بيهرتل اساسا وبيقول كلام اهبل
    بس اللي مش فاهم ميروحش عشان بس ميتنصبش عليه
    انا ونبوي نقلنا الموضوع ده للأفادة والله مش اكتر
    وربنا يهدينا ويهدي الراجل
    من مكاني هذا احب اشكر نبوي بصفته منسق القسم
    واحب اقوله شكرا يا زميلي بصفته صديقي
    عشان هو فعلا تعب معايا جدا اليوم ده

    Comment

    • #3
      والله مافيش تعب ولا اي حاجة يا أحمد !! أنت تأمر

      بس فعلاً ،،فكرتني باحلته بتاعت الجزمة !! :))) ههههههههههههههههه !! لما قالي دي صيني .. قلتله دي هندي على فكرة !! :)))


      و فعلاً غظني الكلام الي قاله أن مفيش جنط 13 مش صيني !! :)) ! والله يا أخي سبحان الله !! ربك بيكشف ناس قصاد ناس

      و أدينا نقلنا التجربة للأفادة :)
      [CENTER]ماشاء الله ولا قوة ألا بالله[/CENTER]

      Comment

      • #4
        مرحتش ليه ل تامر صادق .. في محمد نجيب برده بس على عبدالناصر... بص عنده ممكن تلاقي ..
        [media]http://img263.imageshack.us/img263/7641/20110731001re.jpg[/media]

        Comment

        • #5
          Kflds انت فعلا sr20 ؟ و انهى واحد ؟.
          [SIZE=5][COLOR=Red]VTEC[/COLOR]: All of the lag...none of the BOOST :biggrin:[COLOR=White]l[/COLOR][/SIZE]

          Comment

          • #6
            yes..
            حاليا SR20DE .. EUDM Primera GT Edition
            [media]http://img263.imageshack.us/img263/7641/20110731001re.jpg[/media]

            Comment

            • #7
              رحتله بالفعل ،، بس ملقناش عنده غير صيني !! و نوينا نرحله كمان 4 أيام يكون جاب تايلاندي :)

              انا على فكرة شاري الجنط بتاعي منه :)
              [CENTER]ماشاء الله ولا قوة ألا بالله[/CENTER]

              Comment

              • #8
                لبسه الجنط في دماغه و سمعه كام شتيمه و امشي
                لا تجادل الاحمق فقد يخطئ الناس في التفرق بينكما:fun_10_9_134[1]:

                Comment

                • #9
                  حاجة والله اخر قرف برضه كنا جايبين لمص عربيه لواحد صاحبي لونها ازرق ومكتوب عليها ازرق جربناها لقيناها صفرا رجعناها قال والله انا ما اعرف وبتاع انا بايعها علي اساس انها زرقا بس ما طولناش عشان اللميه مكتوب عليها ازرق والعلبه كانت متبرشمه بس ده الصراحه حرام عشان لو الراجل كان خده كان هيعد يدعي عليه طول عمره وكان هيزعل اوي علي فلوسه بس الحمد لله ربنا ستر وجت علي قد كده
                  [img3]http://img827.imageshack.us/img827/7662/20120828003746.jpg[/img3]

                  Comment

                  • #10
                    ولو المحل ده في محمد نجيب قرب البحر يبقي المحل اللي في دماغي عشان دخلته قبل كده عايز العلامه بتاعت الجنط وقللته هي دي بالمقاس ده قالي لا مش هي دي قلتله يا عمي جنطي وانا عارفه وهي دي العلامه بنفس المقاس قالي لا مش هي دي جبلي العربيه قلتله يا عم انا هاخدها علي ضمانتي قالي لا مش هينفع اطلعها من المحل كده وبتاع قلتله هاخدها ومالكش دعوة قام راميلي سعر خرافي اوي قمت قلتله الف شكر وسبته ومشيت
                    [img3]http://img827.imageshack.us/img827/7662/20120828003746.jpg[/img3]

                    Comment

                    • #11
                      المشاركة الأصلية كتبت بواسطة kflds مشاهدة المشاركة
                      yes..
                      حاليا sr20de .. Eudm primera gt edition
                      انا بقي معايا التويوتا ايكو اللي راكنه ورا عربيتك علي طول ههههه
                      [img3]http://img827.imageshack.us/img827/7662/20120828003746.jpg[/img3]

                      Comment

                      • #12
                        looool
                        ممكن , بغض النظر إن اللي ركنا ورايا دي بتاعت واحد صاحبي! lol ..
                        [media]http://img263.imageshack.us/img263/7641/20110731001re.jpg[/media]

                        Comment

                        • #13
                          طب الحمدلله انك اكتشفت الموضوع قبل متلبس
                          وفعلا الضمير راح يا ولدي :)
                          صورة التوقيع كبيرة جداً بما يخل بتنسيق الصفحة.
                          الرجاء تصغير الصورة و إعادة رفعها مرة أخرى.

                          Comment

                          • #14
                            المشاركة الأصلية كتبت بواسطة KFLDS مشاهدة المشاركة
                            مرحتش ليه ل تامر صادق .. في محمد نجيب برده بس على عبدالناصر... بص عنده ممكن تلاقي ..

                            [CENTER][CENTER][img2]http://up13.up-images.com/up/viewimages/05b52c0c70.jpg[/img2][/CENTER][img2]http://up13.up-images.com/up/viewimages/cb3f815c19.jpg[/img2][/CENTER]

                            Comment

                            • #15
                              المشاركة الأصلية كتبت بواسطة kflds مشاهدة المشاركة
                              looool
                              ممكن , بغض النظر إن اللي ركنا ورايا دي بتاعت واحد صاحبي! Lol ..
                              معايا واحده شبها مش دي دي يعني احنا ياباني زي بعضينا برضه هههههههه
                              [img3]http://img827.imageshack.us/img827/7662/20120828003746.jpg[/img3]

                              Comment

                              السابق 1 2 3 template التالي
                              Working...
                              X