الستائر السوسته وريشه المساحات

[bmya]

السلام عليكم ورحمه الله وبركاته

انا عاوز اجيب الستائر اللي برتكب على الازاز اللي ي بتنزل وتطلع مع الازاز ياترى بكام واجيبها منين وهي بتيجي طقم على بعضه ولا كل زجاج منفرد
وكمان ريشه المساحات اللي هي بتكون مبططه زي بتاعت الاوكتافيا كده بكام واجبها منين وهل هي شكل على الفاضي ولا كويسه فعلا

[zonfuly]

هي الستاير كان واحد صاحبي مركبها في عربيه النترا كانت ب 70 او 90 مش فاكر وكان مركب للعربيه كلها

[BLOODY_STONE]

موجودة عند اي حد بتاع اكسسوارات و ان مش بفضلها الصراحة ممكن حضرتك تفيم درجة خفيفة حتبقى اشيك

و المساحات برضه عند اي حد بتاع اكسسوارات ...

[bmya]

الستاير دي ميزتها انها بتنزل وتطلع وتتشال بسهوله مش زي الفاميه انا عاوز اجيبها عشان الشمس واحنا دالخين على صيف وانا بسافر كتير وبتظبط من الشمس لكن الفاميه زي قلته مع الشمس
طيب بالنسبه لمساحات هي حلوه ولا عادي مش فارقه عن الاتانيه

[zocor742]

رأيى الشخصى
بالنسبة للستاير المتحركة معنديش تجربة خاصة بيها معرفش عملية ولا لأ
انا مجرب الكبس خلفى وجنبين خلفى بصراحة مريحنى خصوصا فى الشمس
عيبهم انهم بيلموا تراب كل فترة ولو موسوس بالنظافة والتراب زى حلاتى هتضر تغسلهم كل فترة غير كدة مع التراب والشمس هيبقوا شكلهم عااار
بالنسبة للفامية كنت مركبة جنبين قدام وشماسة وكان دارك ومكنتش بشوف منة حاجة باليل فى المراية عايز حد متعود يسوق بية فا شلتة وهركب درجة خفيفة يادوب تكسر الشمس بس وهبقى اخلية يفرغلى عند المرايات

بالنسبة للمساحات انا جربيت جميع انواع الرابؤ اللى فى السوق
الانواع العادية خامتين واحدة ضايعة وبتفلق بسرعة وواحدة الماتريال انظف نوع ما بس بردو بتعمل زيها وبعد شوية تشغلق الزجاج مع التنظيف
وفية انواع عالية زى اللى بينزلوا اصلا فى موديلات مثلا زى ماذكرت الاوكتافيا ودوا يا من التوكيل يامحلات قطع الغيار المعتمدة وموثوق فية وبتطلبها بأسم الموديل وبتبقى اغلى من اختها اللى فى السوق لانة فرق ماتريال شاسع
وفية كام شركة عالمية بتعمل ماتريال عالى اللى جربتة منهم البوش نظيف جدا بس اغلى من الصينى لان عربيتى مش نزلها مساحات رابر اصلا
بأختصار الريش العادية افضل لو هتجيب انواع عادية
وبردو البوش فى الريش العادية من انظف مساحات ركبتهم وشغال بيهم حاليا هما اغلى من العادى بحوالى الضعف او اكتر بسيط ومركبهم من الصيف اللى فات وفية منهم 2ريشة بردو
يارب اكون افدتك طولت عليك بس قولتلك اللى اعرفة كلة

[bmya]

تسلمو يا شباب انا جبت المساحات ب 20 جنيه
الستاير لسه بشوف هعمل فيها ايه

[Mora12]

انا جايب لعربيتى الستاير الكبس اربع بيبان وزجاج ورا بس اللى فى البابين اللى قدام كانو قارفينى قمت رميتهم فى الشنطه وجبت الستاير اللى حضرتك بتقول عليها بس هيا اسمها ستاير مزيكا مش سوسته وفيه منها نوعين واحد صينى والستاره الواحده بتبقى ب25 وفى تيوانى زى اللى انا جايبه الستاره من 30 الى 35 وبتبقى خامتها انضف وفيها مجرى تحرك الستاره بعد ما تركبها فى الفبر بتاع الباب وهى فيها خطاف بليقفش فى الزجاج وبتطلع وبتنزل معاه وبصراحه انا شايفها عمليه وممتازه جدا جدا وانا كنت جايبهم من التوفيقيه

[dr_karim]

انا جايب لعربيتى الستاير الكبس اربع بيبان وزجاج ورا بس اللى فى البابين اللى قدام كانو قارفينى قمت رميتهم فى الشنطه وجبت الستاير اللى حضرتك بتقول عليها بس هيا اسمها ستاير مزيكا مش سوسته وفيه منها نوعين واحد صينى والستاره الواحده بتبقى ب25 وفى تيوانى زى اللى انا جايبه الستاره من 30 الى 35 وبتبقى خامتها انضف وفيها مجرى تحرك الستاره بعد ما تركبها فى الفبر بتاع الباب وهى فيها خطاف بليقفش فى الزجاج وبتطلع وبتنزل معاه وبصراحه انا شايفها عمليه وممتازه جدا جدا وانا كنت جايبهم من التوفيقيه

ممكن صورة ليها معلش؟