طباعة استيكر على الازاز

[shimo_moh]

انا كنت محتاجة اعرف حاجة

انا بفكر اطبع استيكر لاحد مرشحى الرئاسة وهلزقه ع الازاز اللى ورا

هو حجمه 110*70 فانا عايزة اعرف السعر تقريبا هيكون كام؟ انا هطبعه عند بتاع الاكسسورات لانه قبل كده كنت بجيب من عنده حاجات وقالى انه عنده طابعة لو عايزة اطبع اى تصميمات للعربية

الحاجة التانية هل فيه خامات لانى عايزة حاجة تبقى خفيفة قوى ومش تمنع الرؤية يعنى اقدر اشوف الطريق ف المرايه ولا كله بيكون تقييل؟؟ لانه لو تقييل هلغى الفكرة اصلا :)

[Amrgamal1]

وليه تطبعي وتتعبي نفسك وابو اسماعيل بوستراته ماليه الدنيا :)

[shimo_moh]

وليه تطبعي وتتعبي نفسك وابو اسماعيل بوستراته ماليه الدنيا :)

ههههههههههههههههههههههههههههه معاك حق

بس انا عايزة احط المرشح اللى انا عايزاه قبل ما الاقى العربية اتحط عليها اى بوستر تااااااانى

[abu_soheib]

فيه طباعة مخصوصة أظن معروفة دلوقتي علشان شوفت عربيات كتير عاملاها..
بتبقى مخرمة فيمكن الرؤية من خلالها...
فالأفضل تأكدي على اللي هيطبعها أنها تبقى من النوع ده
بس سؤال لو سمحتي,,,
فيه حد فعلا لزقلك بوستر لأبو إسماعيل على عربيتك من غير ما تعرفي؟؟

[ashraf_sms]

ديه طباعة علي مكنة يفط اللي بتطبع اليفط المضيئة والخامة ديه اسمها سي سرو وبتبقي الخامة ديه استيكر وضهرها اللي بيطبع لونه ابيض ومخرم والناحية اللي بيكون فيها اللي استيكر بتكون سودة عشان تبين اللي ورا واللي برا العربية ميشوفش اللي جوة والمتر بيتعمل بحوالي ٦٠ جنيه

[shimo_moh]

شكرا جداااااااااا

وعلى فكرة محدش لزق بوستر ولا حاجة لانى ع طول بغطى العربية بس فيه ناس اتعمل فيهم كده بس بوسترات العادية مش بتاعت الازاز الخلفى ده