جالاكسي تاب 7.7 في العربية

[hragheb007]

السلام عليكم و رحمة الله و بركاته

أزيكوا يا شباب

كنت عاوز أعرف رأيكوا في تابلت السامسونج الجديد Samsung Galaxy Tab 7.7 P6800 في العربية طبعاً عن طريق حامل في الزجاج الأمامي

أنا شايف أنه بيجمع كذا جهاز في جهاز واحد يعني ممكن يبقى DvD ( لو شغلته أفلام متواصل يشتغل 5 ساعات ) و كمان GPS ، ده غير أنه في نت و كمان تليفون و طبعاً أندرويد

الجهاز ما شاء الله شايف أنه ممتاز ، لكن حبيت أخد رأيكوا في موضوع أنه يشتغل كـ Dvd و GPS لأن دول من الإستخدامات اللي هيتحدد عليها أشتري الجهاز ده و لا لأ ، علماً بأن حجم الجهاز 7 بوصة و أن سعر الجهاز 4350 جنيه

هل حجم الجهاز هيكون عائق للرؤية للسائق ؟

هل الحجم يكون مناسب عشان يشتغل كـ Dvd أو Gps و كل اللي في العربية يبقوا شايفين ؟

بالنسبة للسعر بيتهيقلي لو جبت DvD محترم و GPS برضه محترم هيوصل سعرهم الأثنين لـ 3000 جنيه ممكن أكتر ، ده بغض النظر عن أنهم هيبقوا واخدين أماكن كتير و الدنيا تبقى زحمه و كمان مافيش نت ، أعتقد أن السامسونج هنا الأفضل ولا رأيكوا أيه؟

أنا لسه ما أشتريتش الجهاز و كنت حابب أفكر معاكوا بصوت عالي قبل ما أشتري الجهاز عشان دائماً أرائكوا مفيدة ،
و شكراً ليكوا مقدماً

[just_magdy1]

أنا اشتريت التاب بس ال ٧ بوصه وحقيقة لم استمتع لو عايز نصيحتى خليك فى الايباد

[Sehsss]

جهاز تحفة طبعا

[hragheb007]

أنا اشتريت التاب بس ال ٧ بوصه وحقيقة لم استمتع لو عايز نصيحتى خليك فى الايباد

الأيباد 2 كنت بقارنه بسامسونج بس السامسونج تتفوق عليه عشان خاصية التليفون و سيستم الأندرويد اللي بقى عامل زي الويندوز و الأي أو أس بتاع أبل لسه برضه الماركت بتاعه 70% بفلوس

يا ريت توضح ما أستمتعتش ليه بيه مع العلم إن 7.7 أرفع من 7 بلس أو 7

[REHAN84]

حضرتك هو فيه جهاز نفس الموصافات دي اسمه hwawi وسعرة ارخص كتيييييييير وفكرت اركبه بنفس الطريقه بس لو حد يفيدنا انه يوصله كهربا مباشر يبقي تمام اوييييييييييييي

[hragheb007]

جهاز تحفة طبعا

تسلم يا باشا أول المؤيدين

[corsair]

والله يا بشمهندس انا من رأي انك تجيبلك حاجه سيمبل زي الجلاكسي FiT بنظام الاندوريد بيعمل 1200 جنيه

وفي جي بي أس في التوفيقية ب 500 جنيه اسمه go2 وبيتشغل ديفيدي ومشغل صوتيات ومستعرض صور وجي بي أس وبيعمل بويندوز mc وبيجي معاه الحامل بتاعه وهتوفر معاك مبلغ كبير وحجم الشاشه بتاعته 7 بوصه

[SonaSteel]

انا مش مقتنع بيه تماما
لو تاب ال10 بوصة ماشي علي الاقل بقرص العسل و اظرف بكتير
لكن ال7 بوصة ده بالظبط s1 .... وفردته بالنشابة
وتقيل جدا علي فكرة
معتقدتش الحامل هايستحمله
ممكن تفكر في النوت ويبقي تليفون و gps وزي الفل ماشاء الله :))

[hragheb007]

حضرتك هو فيه جهاز نفس الموصافات دي اسمه hwawi وسعرة ارخص كتيييييييير وفكرت اركبه بنفس الطريقه بس لو حد يفيدنا انه يوصله كهربا مباشر يبقي تمام اوييييييييييييي

تمام بس كهربا ليه هو الـ Hwawi مافيهوش بطارية ؟ خلي بالك لو قفلت خالص ممكن تجيب وصلة بتركب في ولاعة العربية و تطلع كهرباء عادية تقريباً 220 فولت و كان تمنها تقريباً 250 جنيه ، بس سؤال هو الـ Hwawi فيه تليفون ولا مجرد تابلت

والله يا بشمهندس انا من رأي انك تجيبلك حاجه سيمبل زي الجلاكسي FiT بنظام الاندوريد بيعمل 1200 جنيه

وفي جي بي أس في التوفيقية ب 500 جنيه اسمه go2 وبيتشغل ديفيدي ومشغل صوتيات ومستعرض صور وجي بي أس وبيعمل بويندوز mc وبيجي معاه الحامل بتاعه وهتوفر معاك مبلغ كبير وحجم الشاشه بتاعته 7 بوصه

تسلم يا باشا ع النصيحة بس الـ Fit حجم شاشته صغيره و أنا محتاج شاشه كبيره لأني مستثمر في بورصة عالمية (فوركس) فهتعمي لو أستخدمت شاشة صغيره

انا مش مقتنع بيه تماما
لو تاب ال10 بوصة ماشي علي الاقل بقرص العسل و اظرف بكتير
لكن ال7 بوصة ده بالظبط s1 .... وفردته بالنشابة
وتقيل جدا علي فكرة
معتقدتش الحامل هايستحمله
ممكن تفكر في النوت ويبقي تليفون و gps وزي الفل ماشاء الله :))

منورنا أولاً يا باشا ، حابب أقولك إن نظام Honey moon أو شهر العسل موجود ع الجهازين التاب 7.7 و الـ 10 بس سيستم الأندرويد أعلى في الـ 7.7

7.7 : Android OS, v3.2 - Honeycomb
10 : Android OS, v3.1 - Honeycomb

و بالنسبة لموضوع التقل الـ 7.7 وزنه 340 جرام لكن الـ10 وزنه 565

و ديه صورة لحامل ليه في العربية

Windscreen Car Mount for Samsung Galaxy Tab 7.7 P6800 (029) | eBay

[SonaSteel]

ده نووورك الله يبارك فيييك :))
لا اانا كنت بتكلم علي ال7 بوصة اللي هو كان نازل مع الS1
الجينجر بريد 2.3 .......تقريبا رقمة P1000
Samsung P1000 Galaxy Tab - Full phone specifications

معلش اتلخبط في مقاس الشاشة ... لكن لو قرص العسل اه شغال طبعا
ومسكته فعلا ظريف

[ramy01011]

الجهاز قوي جدا و شاشتة ولا اروع و هيشغل لك افلام بأي امتداد انت عايزه و يا سلام لو عربيتك تكون بوصلة aux ساعتها هتسمع الفيلم علي سماعات العربية و عيش يا معلم و برامج الجي بي اس المجانية كتيير و كلهم و معظمهم بجودة جيدة جدا بس نصيحة انا لو مكانك هشتري النوت.

[REHAN84]

hwawi دا نفس الجلاكسي تاب تقريبا موبايل وgps ونظام android وسعرة جايلي من البحرين ب 1500 وبيشحن عادي usb بس بجربه علي شاحن العربية مش بيشحن بشكل عملي مش زي 220 وفية ميزة انه ممكن يشتغل بدون بطاريه كمان انا حاولت اركبة عندي في العربية كان تمام بس المشكله زي ما قولتلك لما بيفصل لازم اشحنه في البيت تاني

[hragheb007]

الجهاز قوي جدا و شاشتة ولا اروع و هيشغل لك افلام بأي امتداد انت عايزه و يا سلام لو عربيتك تكون بوصلة aux ساعتها هتسمع الفيلم علي سماعات العربية و عيش يا معلم و برامج الجي بي اس المجانية كتيير و كلهم و معظمهم بجودة جيدة جدا بس نصيحة انا لو مكانك هشتري النوت.

يا سلام عليك يا أستاذ رامي كلامك ده بيطمني أكتر عن الجهاز ، طبعاً النوت قوي بس هو نفسه التاب 7.7 بس الأخير شاشته أكبر عشان الكلام اللي قولت عليه بالإضافة لرسومات الفوركس (بورصة) مش هتبان قوي ع النوت زي التاب

تسلم يا أستاذ رامي

[REHAN84]

Huawei announces IDEOS S7 Slim tablet, IDEOS X3 smartphone
ودا الرابط بتاعة

[hragheb007]

Huawei announces IDEOS S7 Slim tablet, IDEOS X3 smartphone
ودا الرابط بتاعة

تسلم يا باشا بس التاب أقوى كشاشة و كمان فيه تليفون ، و ده رابط المقارنة بينهم

http://www.gsmarena.com/compare.php3?idPhone1=4136&idPhone2=3789