تكلفه مشروع محل كماليات للسيارات

[الرايق]

السلام عليكم


انا حابب اعمل مشروع كماليات للسيارات التويوتا والفيات ارجو اللى يقدر يفيدنى فى اى حاجة من ناحية تجار و اسعار الجملة وهل يوجد من يعطى بالأجل فى التوفيقية او السبتية او اماكن اخرى او التقسيط وخلافه ومبدئيا تكلفة المشروع تقربيا ياريت يراسلنى او يرد عليا

[joesph2010]

متابع بشدة جدا

[الرايق]

ايه ياجماعه مافيش حد رد عليا خالص يفيدنا فى الموضوع ده فين اهل الخبره فى المنتدى

[ghostmido]

السلام عليكم


انا حابب اعمل مشروع كماليات للسيارات التويوتا والفيات ارجو اللى يقدر يفيدنى فى اى حاجة من ناحية تجار و اسعار الجملة وهل يوجد من يعطى بالأجل فى التوفيقية او السبتية او اماكن اخرى او التقسيط وخلافه ومبدئيا تكلفة المشروع تقربيا ياريت يراسلنى او يرد عليا

المكان هايكون فين يا باشا؟

[amrelsaqqa]

متابع باهتمام شديد
وعايز اعرف راس المال المطلوب عشان يبقى مشروع ناجح بعيد عن تكلفة المكان او ايجاره ..

[ghostmido]

المكان هايكون فين يا باشا؟

+11111111111

[zocor742]

اهم حاجة فى الموضوع
الموقع اللى هتفتح فية
اهتم ان يكون المحل على ناصية شارع او شارع عمومى فية حركة العربيات كتير
حاول يكون مكان مميز مترميش نفسك فى زقاق اوشارع مفهوش رجل اوى او منطقة ميتة

او تشوف منطقة معروفة بالورش ميكانيكا كهربا سروجى
هتشتغل قطع غيار بسيطة بجانب الاكسسوار يوجيهات وكبلات مثلا فلاتر بأنواعها فوانيس سيور الحاجات دى

وربنا يوفقك ان شاء الله
بالنسبة لتجار الجملة للاسف ان ليا صحبى بيوزع جملة للاسكندرية كلها مستورد وموزع بس انا من الاسكندرية واعتقد شغلة كلة فى الاسكندرية
هو محلة فى العطارين ومفيش محل اكسسوارات مش بينزلى شغل بما فيهم عزبة سعد اللى تقريبا زى التوفيقية فى القاهرة
انا هسئلة ان كان بينزل شغل القاهرة ولا لأ وان كان يعرف حد كويس فى القاهرة بيراعى ربنا تتعامل معاة وهبقى ارد عليك
عموما انا اعرف ان اغلب الشغل بيبقى اجل
او بيفرشلك المحل على قد ما انت محتاج وبتدفع دفعة مثلا وبعدين تاتا تاتا كل شهر او كل اسبوع بياخد حاجة حسب الاتفاق

[ghostmido]

ايه يا عم الرايق انت رحت فين؟
مش باين خالص.
انت فتحت المحل ولا ايه؟

[AbuMohammed]

يا باشا يا رايق
أخوك محمود من قسم الأوبل
انا على فكرة الموضوع فى دماغى من فترة و سالت كويس عليه
خد عندك عشان تبتدى بداية كويسة تبدا بحوالى 30000 جنية ( ثلاثون الف جنية )
بس المهم يكون عندك فكرة عن تركيب الفامية و السماعات و الكاسيت و أجهزة الانذار و البارك سينسور
و خلافه من لصق الأستيكرات و تفييم الفوانيس و تركيب الفرش
و أهم حاجة العدة
و لو إعتمدت على صانيعى و انت مش عارف كل ده قول على مشروعك يا رحمان يا رحيم
و على فكرة الصانيعى بياخذ من 200 : 250 فى الأسبوع
على فكرة السعر اللى قولتلك عليه من غير ما تتاجر فى الجنوط