عاوز اثبت العتب بتاع عربيتي كويس

[bmya]

السلام عليكم
انا عاوز طريقه اثبت بيها عتب العربيه الجانبي كويس
العربيه نوعها دايهاتسو سيريون 2008 هي بتنزل في مصر من غير عتب بس انا جايبلها الكيبت الاسبور الكامل بتاعها يعني اكصدام امامي وخلفي اسبور والعتب الجانبي
المهم الاكصدامات طبعا بتركب عادي ودي بركبهم بنفسي
المشكله في العتب بقه
العتب اماكن تثبيته موجوده يعني هو بيركب من قدام ومن الخلف بمسامير من الامام مكان الدلايه الاماميه بيركب على مساميرها ومن الخلف برده بثبته بمسامير
المشكله من المنتصف به المفروض ان العتب فيها فتحات بتثبت فيها من تحت الفتحات دي عندي في العربيه مقفوله بطبب بلاسيك بتتشال عادي لكن مش عارف اثبت العتب فيها ازاي
وجربت لقتها ب دابل فيس بس يدوب غسلتها مره في التنيه لقيت اللزق بتاعها اتفك وبقيت ساقطه من المنتصف يعني بقيت متثبته بس بمسامير من قدام و الخلف بس
السمكري طبعا اسهل حاجه قالي نديها مسامير شك بس انا خايف دول يعملوا بارومه في العربيه
ياترى اعمل ايه نا دلوقتي شيلتهم خالص وراميهم ومتغاظ اوي ونفسي اركبهم
ياريت حد يقولي اركبهم ازااااااااااااااااااي

[haysam2000]

حاول تصور العتب من تحت علشان نشوف شكلها ايه و نقدر نقولك
ممكن حد يلاقى كليبس فى عربيته ينفع معاك ف يقولك عليه و كمان صور مكان تركيبه فى عتب العربيه الصاج اللى هو المفروض مكان التثبيت

[Sehsss]

حاول تصور العتب من تحت علشان نشوف شكلها ايه و نقدر نقولك
ممكن حد يلاقى كليبس فى عربيته ينفع معاك ف يقولك عليه و كمان صور مكان تركيبه فى عتب العربيه الصاج اللى هو المفروض مكان التثبيت

+1111111

[bmya]

ياه اخيرا حد رد عليه
هو من تحت الكليبسات مدوره كبيره عمري ما شوفتاها قبل كده انا عاوز اعرف العربيات اللي بتنزل بعتب اصلي بتكون راكبه ازاي

[A.Saad]

ممكن تجيب دبل فيس 3m مش عارف منين
او الاقل منه بكر ابيض من سمير وعلى
سيبك من اللى لونه اخضر واحمر عند بتوع الكمالبات
بس تنظف المكان من الاتربة الاول

شوف الطبب قصادها ايه فى العتب
لو ليها مكان يبقى انت كد عندك زوايد ناقصة متشالة ومتركب مكانها الطبب

وبعدين جبت الكيت منين بقى

[bmya]

الحمد لله تم التركيب يا جمااااااعه شكرا ليكم جميعا
والعربيه تحت التجربه يارب يكون تام

[momo44]

[QUOTE=bmya;3874354404]الحمد لله تم التركيب يا جمااااااعه شكرا ليكم جميعا
والعربيه تحت التجربه ياربطيب قلنا سبتها ازاى عشان نستفاد

[bmya]

بص ياباشا هي اتضح لي ان العربيه عندي غير مجهزه لتركيب العتب يعني فتحات المفروض تكون موجود عشان العتب يتثبت فيها بكلبسات بس الفتحات دي مش موجوده
المهم انا لزقتها بسيلكون من فوق من تحت الابواب ومن تحت اديتها مسمامير شك بتكون رفيعه اوي وحطيت عليها سيلكون برده وماشاء الله العتب ثابت جدااااااااا زي مايكون نازل من المصنع كده

[momo44]

بص ياباشا هي اتضح لي ان العربيه عندي غير مجهزه لتركيب العتب يعني فتحات المفروض تكون موجود عشان العتب يتثبت فيها بكلبسات بس الفتحات دي مش موجوده
المهم انا لزقتها بسيلكون من فوق من تحت الابواب ومن تحت اديتها مسمامير شك بتكون رفيعه اوي وحطيت عليها سيلكون برده وماشاء الله العتب ثابت جدااااااااا زي مايكون نازل من المصنع كده

ربنا يباركلك فيها وتفضل ثابتة ان شاء الله

[Totexxxxx]

الف مبروك ستمتع بيها و ربنا يباركلك فيها