شارع دمشق ام التوفيقيه

[medozaed]

انا عايز اعرف اختلاف اسعار الكماليات والاكسسوارات بين شارع دمشق والتوفيقيه بناء على ايه يعنى مثلا الانزار فى التوفيقيه ب150 وفى دمشق ب220 والسنتر فى التوفيقيه ب70جنيه وفى شارع دمشق ب150 جنيه ليه بقى الاختلاف الكبير ده فى السعر بالرغم من ان الانواع الى هنا هيا الى هنا

[hazem_khidr]

لو الزياده علي نفس الانواع
بيرجع لاختلاف المناطق و كون شارع دمشق ارقي و الايجارات اعلي و المصاريف و هكذا

[momo20703]

الكلام مظبوط .. فعلا دمشق عندهم نفس اللى فى التفوقية بل يمكن التوفيقية اكبر بكتير
بس فرق السعر دة راجع للمنطقة والمصاريف بتاعت صحاب المحلات .. ومعروفة من زمان انها غالية حتى اللى معندوش عربية عارف المووضع دة .. عليك وعلى الوفيقية هتلاقى هناك كل اللى انت عاوزه لاى عربية باسعار حلوة ..

[muslem]

انا كنت فاكر الفرق 20 جنيه بالكتير
و اشتريت منهم فرش جلد المفروض انه ايطالى ب350 معرفش بقي اتخميت ولة لا

[YaSSerwIN]

هتلاقيه فى التوفيقية بنص الثمن

[أبومعاذ]

انا كنت فاكر الفرق 20 جنيه بالكتير
و اشتريت منهم فرش جلد المفروض انه ايطالى ب350 معرفش بقي اتخميت ولة لا

مش مشكلة المهم ان ربنا يباركلك فيه و اديك عرفت ان التوفيقية ارخص و هي هي نفس الحاجات بس المحلات اللي في التوفيقية هما الاصل يعني في كتير منهم تجار مستوردين و بالتالي يقدر يبيع بسعر ارخص طبعا الى جانب فرق الايجار و المنطقة اللي بياثر على الاسعار زي ما الاخوة قالو

[ahmedfd]

مظبوط بس بالفصال ممكن العملية تقرب شوية من التوفيقية...
بس ميزة شارع دمشق بقى إن الوصول ليه أسهل و في أوقات ممكن تكون الدنيا فاضية شوية و سهل الركن غير التوفيقية خالص...
و بصراحة أنا لما نزلت التوفيقية لأول و آخر مرة كنت حاسس إني ماشي في سوق الخضار و ممكن المحفظة أو الموبايل يتسرقوا :)
يعني من الآخر مش بلف و أتفرج بمزاج..