عايز أرش التابلوه بتاع 128

[classboy]

السلام عليكم ورحمه الله وبركاته
أنا عندي أستفسار بسيط بخصوص تابلوه 128

أنا رحت للراجل بتاع الفرش قلي أنه مش بيتنجد

وشفت عربيات رشاه نفس لون الفرش فعايز أعرف مين الي بيرشوه بتوع البويه ولا غيرهم

وهل ليه نوع بويه معين ؟

تم نقل الموضوع, يرجى من العضو مراعاه القسم المناسب لموضوعك

http://www.nilemotors.net/Nile/showthread.php?t=21870

مشرف القسم

[FLYINGPEUGEOT]

اولا ...ممكن يتعمل جلد
ثانيا :مابيترشش بويه عاديه...
...المهم....محمد على فى الحرفيين رحله وهو هيقوم بالواجب

[mohamed2002]

ريح دماغك وهات واحد استيراد من بتوع النوفا افضل

[badblood]

بشترش بويه بودرة

[classboy]

شكرا يا جماعه علي الردود

بس أنا مفهمتش حاجه

يعني التابلوه بيترش فين وأيه الماده المستخدمه ومين الي بيرشوه

وياريت محدش يقولي أماكن في الحرفيين أنا من المنصوره

[classboy]

ريح دماغك وهات واحد استيراد من بتوع النوفا افضل

بكام ياباشا ومنين ..شكرا علي ردك

[mohamed2002]

بكام ياباشا ومنين ..شكرا علي ردك

انزل عزبة شلبي عندكم في القاهرة ,هات اللي هوة بتاع النوفا اللي بيكون في موديلات 97
شكله احلي من القديم, لو حضرتك من الاسكندرية يبقي روح الفراهده
السعر مش عارف بس حيكون في رنج ال 200 جنسة تقريبا

[Ahmed_ragab]

بكام ياباشا ومنين ..شكرا علي ردك

بالنسبة لااستاذ الى بيقولك طبقة جلد فدة اعتقد بيتعمل عند اى سروجى بس يكون شاطر واكيد عندكم فية
انما تغير التابلوة انا كان معيا 128 كنت هغير تابلوها بتابلوة استيراد نضيف فى حدود 200 - 250

[Karim_Monir]

مانصحكش لانه بعد كام شهر هايقشر واي خدش فيه هايكون شكلها عرة قوي
لو كسيتة جلد هايكون اشيك بكتير
بس نقي سروجي كويس
مش لازم غاللي بس يكون نضيف

[classboy]

شكرا ياجماعه علي الردود بس أنا عايز أرشه مش أعملو جلد

بس مش عارف الماده المستخدمه في الرش أيه

[sameh7]

بص يامان أنا هقولك الحل أنا التابلوه بتاعى كان زباله بتاع 128 قعدت أسأل محدش فادنى روحت جايب إسبراى من أبو 8 جنيه (إسبراى إسود) ودهنته دهنه تمام بقى شكله جامد وكل اللى يشوفه يقول ده جديد وأنا اللى عملته بإيدى بس إنت إن عملته خلى بالك متخليش الإسبراى يسيل منك إعمله على طول ولو مش مصدقنى جربه على حته من التابلوه الدرج مثلا ولو معجبكش إمسحه بتنر بس صدقنى أنا مجرب وفيه ناس تانيه يامعلم كانوا مغيرين التابلوه بتاعهم بتابلوه أوبل كورسا شكله جميل كيك أنا كنت هغيره وأجيب بتاع الكورسا بس الحمد لله بعت العربيه وجيبت سوزوكى سويفت معلشى طولت عليك بس ده الحل

[classboy]

ألف شكر
مبروك عليك السويفت وغقبال ما أفك من 128

[sameh7]

الله يخليك يامعلم