اشتريت النور اللى بيركب تحت العربية

[M.Mokhtar]

ياجماعه انا لقيت فكره ونفذتها حاليا وهى النور من اول الاكصدام الامامى لاخره وشكلها تحفه ونورها عالى جدا ان شاء الله هاصورها وارفعها على الموضوع وعلى فكره كلفت 10 جنيه بس وان شاء الله هقولكوا الطريقه مع الصضور وممكن تتنفذ تحت الاكصدام الامامى والخلفى كمان وان شاء الله ححاول انفذها فى العتب برضه

واضح انك مهتم بالاضاءة جدا
انت كهربائى ولا ايه :)

[mrghost]

انا مهندس كهرباء رايح بكارليوس السنه دى ان شاء الله

[mohaned_magdy]

فكرة كويسة ولاكن مو وجهة نظرى افتكاسه قديمه احنا عايزين الافتكاسات الاجديده يامان ياعنى مثلا اللدات ديه كانت تركب خلف الجنوط مثلا جربها وشوف العربيه وهى ماشية شكلها هايكون ازاى معا الجنوط السبور طبعا

[mrghost]

للاسف الجنوط اللى عندى عاديه مش سبور

[M.Mokhtar]

على فكره
انا مستنى الصور بقالى كتير :boxing_smiley:
كده وقتك هيخلص معايا :)

[mrghost]

والله انا مشكلتى ان مش لاقى كاميرا اصور بيها لان الموبايل بتاعى ضرب السوفت وان شاء الله هتنزل قريب

[mrghost]

الحمد لله اتصرفت فى تليفون وصورت بيه النور اللى تحت العربيه ودى صوره وعلى فكره النور الاحمر اللى تحت العربيه من قدام تحت الاكصدام بالضبط ده النور اللى كلفنى كله 9 جنيه بس وده عباره عن لمبه بتتباع عند اى حد بتاع قطع غيار وشكلها مخروطى وتمنها 3 جنيه كلها والعربيه كل جنب بيحتاج حوالى 3 لمبات انا ركبت 3 تحت الاكصدام الامامى وشكلهم بالليل روعه ونورهم عالى جدا ودى صوره وان شاء الله هركب منها فى جنب اللعربيه والاكصدام اللى ورا وارفع الصور وياريت( المهندس محمد مختار مايزعلش ودى الصور وياريت تردوا عليا

[M.Mokhtar]

الحمد لله اتصرفت فى تليفون وصورت بيه النور اللى تحت العربيه ودى صوره وعلى فكره النور الاحمر اللى تحت العربيه من قدام تحت الاكصدام بالضبط ده النور اللى كلفنى كله 9 جنيه بس وده عباره عن لمبه بتتباع عند اى حد بتاع قطع غيار وشكلها مخروطى وتمنها 3 جنيه كلها والعربيه كل جنب بيحتاج حوالى 3 لمبات انا ركبت 3 تحت الاكصدام الامامى وشكلهم بالليل روعه ونورهم عالى جدا ودى صوره وان شاء الله هركب منها فى جنب اللعربيه والاكصدام اللى ورا وارفع الصور وياريت( المهندس محمد مختار مايزعلش ودى الصور وياريت تردوا عليا

ازعل ايه بس يا باشا
عيب عليك احنا عمرنا ما نزعل من بعض

انا عاجبنى جدا النور الاحمر عامل شغل عالى اوى
بس النور اللى فى العتب مش عاجبنى خالص
واضح جدا انه ليدات صغيره

ايه بقى حكاية اللمبة اللى ب 3 جنيه دى؟؟
ياريت معلومات اكتر عنها وطريقه تركيبها عشان دى جامده مووت

[mrghost]

ولا يهمك ياباشا وربنا ميجبش زعل بين اى حد من اعضاء nile motors ان شاء الله بالنسبه للنور الاحمر كما قلت من قبل دى عباره عن لمبات بتركب اساسا فى العربيات النصف نقل (بيركبوها فى الشبكه الاماميه من جوه ) ودى اسمها لمبه بنز انا جبتهم من التوفيقيه من واحد فارش على الارض اللمبه كامله ب3 جنيه ولقيتها عند واحد بجوار بيتى ب3 جنيه ونصف وتركيبها سهل خالص اى كهربائى ممكن يركبهم وكل جنب فى العربيه هيحتاج 3 لمبات علشانت النور يبقى قوى زى ما فى الصوره انا مركب واحده فى الاول والتانيه فى النص والتالته فى اخر الاكصدام وثبتهم بالحديده اللى بتشتريها علشان تثبت كلاكس العربيه فى البودى بتاع العربيه (اسمها خوصه للكلاكس ) برضه هتلاقيها عند بتاع قطع الغيار وبكده العربيه كلها من الامام والخلف والجوانب هتكلفك حوالى 40 جنيه بس وعلى فكره اللمبه دى منها الوان كتير واللى عايز يشوفها فى عربيتى انما تحت امره ممكن نتفق ونتقابل فى مكان واشرحلكوا عملى ازاى ركبتهم وشكرا

[mrghost]

اتمنى من الاداره لو ينفع تثبت الموضوع علشان لو حد ليه اى استفسار ارد عليه ان شاء الله وشكرا

[M.Mokhtar]

انا عارف اللمبة دى
زمان كانوا بيحطوها فى الدواسه من جوه وتنور مع الفرامل والحوارات دى :)
فكره جامده وموفره جدا وهتكون اقل عرضه للكسر من اللمبنه النيون
تسلم دماغك يا باشا :)

[osos_lion]

والله انت دماغك عاليه عاش يا باشا بس خليها من تحت كلها ياما ازرق ياما احمر عشان التناسق وعشان ميبقاش شكلها تكس بس عاش يا مان والله انت دماغ ادي النيون المصري يمعلم ابو تلاته جنيه المفروض تاخد جايزت الدوله فالتوفير

[mrghost]

ربنا يخليك ياباشا وشكرا على ردودكم الحلوه وزى ماقت ياباشا اللمبه دى كانوال بيركبوها و بيحطوها فى الدواسه من جوه وتنور مع الفرامل وفعلا لو اتكسرت تتغير بسهوله ومش مكلفه وان شاء الله لو فى جديد هقول عليه ان شاء الله

[mrghost]

ايه ياجماعه مافيش حد ركبهم ولا ايه

[bee]

باشا فيه اللدات بتاعت الصالون بحوالي من 50 - 70 جنيه

ممكن تركبها تحت لو مهتم عمرها طويل واضاءتها تحفةةةةةةةة وزي الزينون
لكن الالوان بصراحه مش بتليق الا باللمبات الطويلة
اشكرك على مجهودك
مجرد رأي

تحياتي