صوت سارينة الانذار

[Ayman-Ahmed]

السلام عليكم ورحمة الله وبركاته

اخباركوا ايه يا شباب.اتمنى الجميع يكون بخير بامر الله.وكل سنة وانتوا طيبين.

سوألى عن سارينة الانذار.

الانذار الولف سارينته صوتها بدا يوطى وكنت سمعت فى عربيات نوعين من السارينة :

واحد صوته مجسم وعالى.

التانى صوته مميز وتخسه فيه زنة او صفارة مميزة.

فهل حد عنده فكرة ممكن اجيب منين السارينة ديه او ديه مع العلم اننى لقيت سارينة ولف فى التوفيقية ب 15 جنيه وصوتها زى اللى معايا ومش عالية وان كانت اعلى شوية بس برده مع الوقت هتوطى وسارينة البوليس محتاجة تتعدل عشان تركب عندى.

مشكورين.

[muhammed essa]

بص يا ا/ايمن
السراين دي بتتباع في محلات قطع الغيار
انا شوفت واحد صغيرة بس مش قلاب يعني مش اكترمن نغمة دي ب15جنية
والتانيه الكبيرة بيبقي لونها اسود دي عامله 20جنية
وسراين الشرطة دي بتركب سرينة ذي ما هيه لانها كامله ومعاها الميكرفون بـ75جنية
يارب اكون أفدتك

[Ayman-Ahmed]

بص يا ا/ايمن
السراين دي بتتباع في محلات قطع الغيار
انا شوفت واحد صغيرة بس مش قلاب يعني مش اكترمن نغمة دي ب15جنية
والتانيه الكبيرة بيبقي لونها اسود دي عامله 20جنية
وسراين الشرطة دي بتركب سرينة ذي ما هيه لانها كامله ومعاها الميكرفون بـ75جنية
يارب اكون أفدتك

مشكور جدا لمساعدتك وردك المفيد.

بس محلات قطع الغيار تقصد ولا محلات الاكسسوار ؟

السارينة اللى عندى لونها اسود وحجمها صغير وتقريبا ليها 3 تغمات وديه لقيتها فى التوفيقية ب 15 بس خفت انها توطى مع الوقت تانى.

سارينة الشرطة سالت عليها فعلا وقاللى الكهربائى لازم تتعدل عشان تشتغل على الانذار بس موضحليش ايه هو التعديل.

مشكور مرة تانية يا افندم وهسال اكتر عن السراين وربنا يسهل الامور.

[Ayman-Ahmed]

ايه يا شباب مفيش جديد.فى التوفيقية ملقتش غير السارينة الولف ب 15 جنيه وسارينة الشرطة قالولى مش هتنفع تركب الا لما تعدلها وبرده مقلوش اعدل فيها ايه غير الكهربائى عارف.

[akmm]

اسال اى كهربائى تتعدل إزاى .

[JAM]

طيب متوصلها على الكلاكس

[Ayman-Ahmed]

اسال اى كهربائى تتعدل إزاى .

لو عندك كهربائى ترشحهولى لو امكن لان اللى عندى ميعرفش.

طيب متوصلها على الكلاكس

فكرت فى الكلاكس ولكن نصحونى بعدم توصيله مع الكلاكس عشان مقصرش عمر الكلاكس.وخصوصا ان كلاكس النيو اكسنت ورا الاكصدام وفكه مشكلة.

[elntra1]

ملكش دعوى بالكلاكس بتاع العربية ركب كلاكس اضافى فى اى حتة فى العربية وهيبقى جامد

[akmm]

ياترى اتصرفت ازاى؟

[Ayman-Ahmed]

ملكش دعوى بالكلاكس بتاع العربية ركب كلاكس اضافى فى اى حتة فى العربية وهيبقى جامد

مشكور على النصيحة.ويا ترى هل تقدر ترشحلى نوع كلاكس يكون عالى ومتوسط سعره كام؟

ياترى اتصرفت ازاى؟

لحد دلوقتى مستنى لما السارينة تجيب اخرها واشتريت سارينة وولف من التوفيقية ب 20 جنيه وشايلها احتياطى.ولكن على العموم تركيب السارينة الجديدة بسيط جدا فو فضلت متضايق من الصوت الواطى هشيل ديه واحط ديه.

[JAM]

على فكرة... انا مركب اتنين سرينة وولف... وصوتهم الأتنين مع بعض... حكاية

[elntra1]

مش عارف الاسعار والله بس لو هتجيب هات الكلاكس إللى بيكبوه بتوع الميكروباصات ركب فردة واحدة بس

[Ayman-Ahmed]

على فكرة... انا مركب اتنين سرينة وولف... وصوتهم الأتنين مع بعض... حكاية

الله يفتح عليك.فكرت فى الموضوع ده.واحد كهربائي قاللى بلاش عشان ممكن الاتنين يبقوا كتير على الانذار وخرجه والتانى قاللى ركبهم عادى.طيب هل لما ركبتهم ركبت كتاوت ولا فيوز ولا حاجة ولا الاتنين مع بعض علطول ؟
وفعلا الاتنين مع بعض صوتهم تمام تمام بس قلقت لما الكهربائي قاللى بلاش عشن خرج الانذار.

مش عارف الاسعار والله بس لو هتجيب هات الكلاكس إللى بيكبوه بتوع الميكروباصات ركب فردة واحدة بس

مشكور يا افندم على المساعدة.

[eng.ghost]

حط سارينة شرطة اعلى و اقوى