كتاوت فصل بريموت

[Mostafa Shaker]

كنت بتفرج على عربية للبيع و لقيت صاحبها عامل كتاوت فصل كهربا بس الغريب انها كانت على ريموت لوحدها بعيد عن ريموت العربية و لما سألته اية الحكمة انك تعملها كدة رد وقالى لأن لو العربية أتخدت منى أكيد هتتاخد بمفتاحها فا دا يكون فى جيبى أعرف أوقف العريبة بعد ما يخدوها
بصراحه الفكرة حلوه و حسيت أنى كدة بعد ما سألتو لأن لو حد مركبها على الريموت بتاع العربية عادى طيب لو حد خد منك العربية بمفتاحها على الطريق لا قدر الله
سئلته عاملها كدة فين قالى فى شبرا عند كهربائى و الكهربائى هو الى جايب كل حاجة و كلفته 200 جنية
السؤال بقا هو نزلو حاجة زى الأنذار كدة بس كتاوت فصل و لا دى أبتكار كهربائى
و أسف على الأطاله و لكن لتعم الفائدة

[Ali_mehrem]

هتحتاج انذار عادى و معاه سنترلوك بريموت كونترول و الريموت التانى هو اللى بيبقى فية الفصل بس اهم حاجة تلحق تزقهم قبل مايبعد عنك مسافة الريموت مش هيجيبها

[akmm]

فكره حلوه نلكن فعلا لازم من استخدام الريموت بسرعه قبل ما المسافه تزيد ويفقد الريموت تاثير إشارته .

[momo44]

ما انت ممكن تشغل العربية بمفتاح عادى وتخلى الريموت معاك

[SASA3]

لا سيبك من الحوار دش عملى خااااااااااااالص

هو الى هياخد منك العربية على الطريق لا قدر الله هيستنىاما انت تلطلع الريموت ده لو ماخدتش ميدالية المففاتيح كلها


عاوز تعمل حاجه زى كده تجيب الـgps tracker غير كده مش هينفع و ملوش لازمة






الى انا عامله بقا كتاوت فصل على ريموت العربية فى الانذار علشان العربية متتاخدش لا قدر الله من تحت البيت او لو مركونه يعنى
و مكلفانى كلها على بعضها بالكتاوت بالمصنعية 40 جنيه
عيبها بس ان لو المفتاح ضاعمنك مش هتعرف تشغل العربية غير اما تجيب كهربائى عند العربية و تقوله على الى فيها و يقعد يلغى الكلام ده كله علشان تدورها تانى

[alu]

يا باشا اظن ان االموضوع ده مش عملى لان لو لاقدر االله الحرامى لو وقفك على الطريق وخد منك مفاتيح السيارة واستولى عليها وتركك وهرب بالسيارة وانت استطعت بسرعة انك توقف السيارة بريموت الفصل ده اظن والعياذ بالله ان موقف المجرم ده تجاهك هيبقى خطر جدا

[Seifmando]

السلام عليكم

الفكرة دي متجربة من فترة طويله ومنتشرة فى المنطقة بتاعتنا

الفكرة زي ما الاخوة شرحو هي ان العربية بيقبى فيها 2 جهاز انذار بـ2 ريموت
الاول بيبقى العادى خالص ودا بيبقى فى ميدالية المفاتيح بتاعت العربية

والتاني بيبقى اللى راكب على طرمبة البنزين و دا المسئول عن فصل وتشغيل طرمبة البنزين والناس هنا بتتفنن ازاي يخبيه لدرجة ان فيه ناس حاطينه فى السلسة الدهب اللي فى صدره

والغرض منه ان لو لا قدر الله لقيت فجأة حد راكب جنبك وحاطط السلاح فى جنبك هتسيبله العربية بكل هدوء وتنزل بس وانت بتنزل تدوس على ريموت الطرمبة فالعربية هتبطل وتكون انت صوََت ولميت امة لا اله الا الله علي الحرامي اللي اشك انه هيلقط الخدعة لانه هيلاقى العربية بتديله مارش بس و مش هيلاقى وقت عشان يفتح الكبوت ويبص على وصلات الكهربا

وفى اسوأ الظروف لو الحرامى لقط الفكرة ونزلك وانت مش عاوز تقاومه ابقى اطلع اجري يا عــم

في رايي الشخصي ان دا حل عملى وتكلفته بسيطة جدا (فى حدود 250 جنيه) اكتر من جهاز التعقب لان الحل دا بيديلك الفرصة انك توقف العربية وهي ادامك انما جهاز التعقب هيخلى الحرامي ياخد العربية ويمشي بيها وبعدين انت تدخل على النت وتعرف مكانها وتبتدي بقى لسه تبلغ البوليس وتتحايل عليهم عشان يقبضوا على الحرامية وابسط رد منهم "لما انت عارف مكانها متروح تجيبها" وخصوصاً لو العربية فى وكــر عصابة زي بالظبط ايام الثورة كان البوليس بيبقى عارف اماكن العربيات المسروقة ومين اللي سارقها ويقوللك مقدرش ادخل المنطقة دي

[beshomilan]

طب وفين الراجل الكهربائى ده اللى فشبرا؟؟
ياريت لو حضرتك عارف تقولى حتى على الخاص

[A7MED_PHARMA]

اول مرة اخد بالي من الموضوع ده

انا كنت فاتح موضوع في الاجتماعي بخصوص نفس الفكرة
.
ماتخليه يصورها ويقول الخطوات واحدة بواحدة

[tarekzein]

الموضوع قديم حبتين

والفكره بسيطه

بتركب كتاوت فصل على طرمبه البنزين أو المارش او الإسبراتير (تقريبا)

مع جهاز الإنذار

لو قفلتها بالريموت ..محدش هيعرف يدورها غير لما تفتح بالريموت الأول (المشكله لو الريموت ضاع )

ولو قفلتها بالمفتاح ...تفتح بيه عادى وتدور وتمشى