عاوز اشتري ارضية الشنطة

[tamatemo]

السلام عليكم
الارضيه الموجودة في الفيرنا بتكون قاعد خشب + ماتيرال مش عارفها

دي اتكسرت بسبب ان الاستن اترزع فيها في يوم وما اتحطش مكان فبوظها واتكسرت


انا عاوز اشتري واحد الاقيها فيه ولا دي ممكن تتعمل

وتتععمل فين وازاي وبكام؟

[mostafa mahmod]

اكيد موجوده استيراد انزل الحرفيين هتلاقيها

[akmm]

فعلا الحرفيين هو الحل .

[أبو_يوسف]

شفت من فترة حاجة نفس فكرة الدواسات اللي بتتحط على الارض كاوتش مش موكيت بس بتكون كبيرة للشنطة بمقاسها وليها حواف مرتفعة وبتكون حسب نوع العربية..
بتستحمل وتتنضف بسهولة
كانت في بنزينة واعتقد ممكن تلاقيها في التوفيقية

[Adam87]

انا عندي نفس المشكلة بردو ولفيت لغاية ما استسلمت وبطلت ادور عليها اصلا ..... لما تلاقيها يا ريت تقولي

[momo44]

اعملها عمولة
خشب ام دى اف عند اى نجار
انا عملتها عندى وكنت عامل واحدة كمان زيادة بس اديتها لواحد معانا على المنتدى

[tamatemo]

الف شكر ليكم يا شباب

واذا كان كدا هاعدي علي النجار يعملها واقولكم اتكلفت كام بالظبط

تسلم يا مومو44

[tamatemo]

mostafa mahmod

انا معجب جدا بتوقيعك

واحب اضيف عليه والمشاه الحمير

[al_manara]

السروجي عندة الخامة بتاعتها . وبيغطهالك موكيت لو حابب . سعرها في حدود 50 جنية (من غير موكيت)

[SASA3]

دى ممكن تعملها خشب الى هو بتاع الصوت الـ mdf تشوف نجار ولا حد عنده الخشب ده و يرفع مقاساتها و يعملهالك و هتبقى زىالفل و احسن من الاتيراد كمان و لو عاوز عند سروجى يقصلك حتة جلد عليها و شكراا عل ىكده

[momo44]

الف شكر ليكم يا شباب

واذا كان كدا هاعدي علي النجار يعملها واقولكم اتكلفت كام بالظبط

تسلم يا مومو44

العفوووووووووو

[SASA3]

اعملها عمولة
خشب ام دى اف عند اى نجار
انا عملتها عندى وكنت عامل واحدة كمان زيادة بس اديتها لواحد معانا على المنتدى

صح كده ماخدتش بالى من كومنتك الاول

[alaaosmanakl]

طيب يا تري في حد ممكن يعمل دواسة الشنطة نظام صب
يعني يعمل ليها بروز في الحواف . ؟؟؟؟؟؟