تقرير :- بالصور تغـيـيـر جميع اللمض الصفرا فنوبيرتى بـلـيـدات بـيـضـا

[midooo_119]

بسم الله الرحمن الرحيم

الحمد لله بعد ماصليت الفجر جماعه و دعينا لمصر يحفظها و يحميها قلت استغل الظلمه فعمل التقرير ده الى ان شاء الله يفيدكوا بتغيير كل اللمض الصفرا فنوبيرتى الى ليدات بيضا جبتهم من التوفيقية

نبتدى الاول من جوة العربية

اولا الدرج :- ده بيبقى عاليمين لمبة اسمها لمبة بلحه ده شكلها



بنغيرها بليد برضه اسمه ليد بلحه ده شكله ب 10 جنية الواحده



وده شكل الدرج بعد التغيير

و طبعا زى ما انتوا شايفين علب التونجسرام منورة الدرج هههههههههه

بعد كده بنروح على لمبة الصالون الى هى برضه لمبة بلحه بنجيب كارت ليدات منه احجام كتير انا جايب كارت 36 ليد ب 20 جنية من 3 شهور و الحمد لله مفيش ليد فيه ضربت ربنا يحفظه

ده شكل قريب من الكارت الى مركبه لانى ماصورتوش



و ده الشكل بعد التركيب



ماشاء الله نورة قوى جدا و لما الباب بيفتح بيرمى لبرة منظر حلو جدا

نروح لى اللمض الى فوق السائق ودى بتبقى لمض شكلها كالاتى



و ركبت ليدات حجمها اكبر من الى فالصورة ديه بس للاسف ماصورتوهمش الاتنين ب 15 جنيه



و ده الشكل بعد التركيب



نخرج بقى على الفوانيس الامامية و شكل اللمض طبعا عارفينهم هما نفس اللمض السابقه و غيرتهم بليد كبير الواحد ب20 جنية ده شكله



دى الصورة بلمض العربية الصفرا



ودى بعد تركيب الليد (بيرمى نور حلو اوى عالارض)



بعد كده الشنطه و دى بتبقى لمبة بلحه زى الدرج و الصالون وبنركبها وده الشكل بعد تركيب الليد



طبعا النور اقوى من كده بس الكاميرا بقى

و اخيرا وليس اخرا النمر الى كلنا نفسنا تبقى زى البى ام بنستخدم الليد ده ب10 جنية الاثنين



و دى الصورة قبل التركيب



ودى بعد التركيب



صوره كمان للحبايب



ومن هنا هنشوف الشنطه اوضح مع النمر



كده يبقى خلصنا كل الليدات الى فالعربية ممكن نغيرها والحقيقه شكل العربية اختلف تماما خصوصا النور الامامى لان الليدات نورها قوى اوى و كمان النمر بقى العربية ماشاء الله تحفه

اتمنى يكون التقرير عجبكوا و كل سنة وانتوا طيبين و مصر بخير قولوا امين

[ahmad--ezzat]

استاااااااااذ ورئيس قسم....انت تفااااااااضيلى نفسك بقى اجيلك بنوبيرتى تظبطللللللللى الكلام دة وتقلى اجيبهم منين وبالمره اتشرف بمعرفتك :))))))))

لا بجد 100 100

[midooo_119]

استاااااااااذ ورئيس قسم....انت تفااااااااضيلى نفسك بقى اجيلك بنوبيرتى تظبطللللللللى الكلام دة وتقلى اجيبهم منين وبالمره اتشرف بمعرفتك :))))))))

لا بجد 100 100

حبيب قلبى يابشمهندس انا مبسوط انك اول واحد رد, تنورنى ياباشا فاى وقت وماتشيلش هم
كل سنة وانت طيب

[eldell]

جاااااااامد من يومك ياميدو لا بجد تحفه ماشاء الله وكل ده مركبينه من زمان بس الى كنت دايخ عليها بتاعت النمر ياميدو ومش لاقيها

[ahmad--ezzat]

لا بجد شغل عالى...بقلك...انت ركب اللمض التنجوسرام عند مين ؟

ولا بنفسك
وبالنسبه لليدات جبتها منين

والله نفسى اعمل التعديلات دى فعلا بس محتاج حد يشجعنى

قبل ما بيع العربيه :)

[Ahmed_Ramadan]

تمام الله ينور عليك

[Youssef.Awad]

مبروكين عليك يا باشا..

[Angel_wolf]

حضرتك جبت الليدات الى هى الواحدة ب 20 جنية منين

[midooo_119]

جاااااااامد من يومك ياميدو لا بجد تحفه ماشاء الله وكل ده مركبينه من زمان بس الى كنت دايخ عليها بتاعت النمر ياميدو ومش لاقيها

حبيبى يا ديل ده مفيش اكتر من اليدات الصغيرة ديه فالتوفيقية كتيييييييييييير جدا

لا بجد شغل عالى...بقلك...انت ركب اللمض التنجوسرام عند مين ؟
ولا بنفسك
وبالنسبه لليدات جبتها منين

والله نفسى اعمل التعديلات دى فعلا بس محتاج حد يشجعنى

قبل ما بيع العربيه :)

كهربائى عندى فعين شمس و الليدات من التوفيقية وتعالى انا اشجعك

تمام الله ينور عليك

متشكر عالمشاركتك الرقيقه

مبروكين عليك يا باشا..

الله يبارك فيك ياباشا

حضرتك جبت الليدات الى هى الواحدة ب 20 جنية منين

التوفيقيه هى فعلا مش عند ناس كتير الى جبت منه هتلاقيه فارش قدام محل الارخص و ميزته انه بيجرب كل الليدات قبل ماتشترى

[midooo_119]

لا بجد شغل عالى...بقلك...انت ركب اللمض التنجوسرام عند مين ؟

انت اشتريت اللمض من شادى و لا لسه؟؟؟؟؟؟؟

[ahmad--ezzat]

اللحق يا ميدو الموضوع اتنقل لمنتدى اخر

واحد عامله كوبى بيست :))))))))

[midooo_119]

اللحق يا ميدو الموضوع اتنقل لمنتدى اخر

واحد عامله كوبى بيست :))))))))

فين ده؟؟؟؟؟؟؟؟؟؟؟

[midooo_119]

ابن الايه نقله بسلطاته و بابا غنوجه بس كاتب منقول يعنى مانسبوش لنفسه يالا خلى الناس تستفيد الحمد لله

[midooo_119]

مستنيك ياديل تقولى لاقيت اللمض و لا لسه و عاوزين نشوف نمرك بالابيض ياباشا

[ahmad--ezzat]

بس ايه اخبار نور الفوجات

والسهاااري