محتاج مساعدة فى تظبيط الافيو

[hassan_snsn]

يا جماعة انا لسه مشترى عربية افيو 2008 نبيتى
و بينى و بينكم انا معرفش حاجة فى اكسسوارات العربيات
فا ياريت لو حد يساعدنى عاوز اظبط العربية باكسسورارت من برا و من جوه.

[bassam nagy]

الف الف مبروك وربنا يباركللك فيها
ممكن تركب جنوط اسبور

[hassan_snsn]

الله يبارك فيك
بس غير الجنط.
يعنى بالنسبة للاكسسوارات الخفيفة الى تظبط شكل العربية.
و الاستكارات كمان. ايه الى ممكن اركبه يظبط شكل العربية

[mody_halawa]

ممكن تعمل الشبكة نيكل وممكن تعمل اللزق الاحمر على الفوانيس الخلفية وممكن تعمل نيكل على المقابض بتاعت العربية واعمل ستارة خلفية وستارتين على الابواب الخلفية

والف مبروك

[hassan_snsn]

بجد الف شوكر يا mody هو ده الكلام الى عاوز اسمعه . ياريت كمان لو حد عنده فكرة تانية يقولى

[cobraa2008]

انت ممكن تعمل عليها خط عريض واخد ناحية واحدة ولونه رمادي هاتبقى تحفة ولفو ممكن تركبلك زنون يا نور ابيض

[mody_halawa]

ايوة ركب فى النور الواطى بتاع الصالون لمبتين بيضة فى الفانوس اللى قدام وركب اريال سقف عند اخر السقف

[Hossam.Hamdy]

بص يا باشا انت تعمل الاتى:
استيكر على الفوانيس الخلفيه سواء احمر او دخانى على كيفك
لو تحب ممكن تعمل استيكر دخانى على الفوانيس الماميه.
اعمل الجزء بتاع النمره الخلفيه باستيكر اسود مط زي الصوره ده


بلاش استيكرز على جسم العربيه عشان المرور بيغلس
ركب ذيل شكمان حلو و بسيط
ومتعملش حاجات كثيره عشان شكلها ميبقاش وحش
وابقى فكر فى حوار الجنوط
هتعمل الحاجات ده عند ابراهيم بتاع الاستيكر فى شارع دمشق ولو مش عارفه انزل دمشق واسأل اى حد عليه هيقولك...