فكرة ومش عارف صح ولا غلط ؟؟

[omarkhaled55]

دلوقتى انا فرش الباب عندى متوسخ جدا جدا جدا روحت البنزينة اسال على سعر الغسيل قالولى 200 جنية
فا انا قولت طب ما اعملها انا بنفسى هتبقى احسن ففكرت
انى ممكن افك فرش الباب واخدة معايا فى الشقة فوق واعيش انا وهو والبانيو والماية والبيريل وبعد اما اغسلة كويس اكيد هيبقى غرقان مية قولت بالسشوار انشفة وبعد كدة احطة ينشف فى الشمس
هل الى بقولة دة فى حاجة غلط ؟؟؟ ولا انا كدة صح ؟؟؟؟

[haysam2000]

ممكن

[dr.hazem]

اعتقد ممكن جدا ومفيش مشاكل
اهم حاجه تنتبه وانت بتفك الفرش عشان الكليبسات متقعش..
تحياتي

[akmm]

نوع الفرش ايه ؟؟؟؟؟؟؟

[reallistic]

أنا لسه عاملها من يومين و كله بقى تمام
بس أهم حاجة زي ما قالك خد بالك من الكليبسات
علشان ما تقعش أو تتكسر أو تكسر القواعد بتاعتها إللي في الفرش

[omarkhaled55]

فرش الكراسى جلد
وفرش الابواب قماش
والسقف مش عارف بصراحة بس الى هو زى الفرو كدة

[momo44]

ممكن
ليه لأ

[smsm_nabawy]

الأول بس توع الفرش جلد ولا قماش ؟؟؟؟؟؟؟؟؟؟؟

ثانياً غلط !! لأن الكيماويات بتاعت الغسيل دي بتمنع توبير القماش بتاع الباب !!

لو هو قماش!!

اما لو جلد توكل على الله بس تفكه و تطلع بيه الحمام .. "حفظك الله" و تسنده على الحائط و تجيب قماشة و تبلها بالمياه و ترغيها بالبريل !!! و تدعك كويس !! "و هكذا و بعد كده تشطفه كويس بخرطوم !!

بس حاول متنقعش الفرش في البنايو !!!!!!!!

علشان ميبلش الأبلاكشات بتاعته

[احمد نور الدين]

والله يا برنس انا مرة غسلت الفرش بتاع العربيه كله وكان قماش والراجل غسله وهو في مكانه الكراسي والابواب والسقف والارضيه واستعمل ميه وصابون - دعكه بليفه وصابون وبعدين سفنجه فيها ميه - وقلتله ان كده غلط قالي متقلقش
بس سيب العربيه في الشمس وافتح الازاز وكله هايبقي تمام وفعلا بقي زي الفل

ملحوظه انا بتكلم عن عربيه شيفروليه لانوس

[akmm]

نظف فرش السقف ان كان شمواه بسوناكس رشاش منظف داخلى وادعيلى .

[eng.ghost]

انا عملتها قبل كده بدون ما افك اى شئ
هات زجاجة مياه
و علبة او اناء فاضى
و شوية إريال
و قطعتين قماش قطن نظام
شوية مياه مع اريال فى العبلة و بل قماشة بيهم و نظف الفرش
وبعد كده بالقماشة الثانية بلها مياه و شيل اثر الصابون
وبعد كده سيب العربية فى الشمس يومين
و إدعيلى