الفرق بين النتيروجين و الهواء؟؟

[MSL]

السلام عليكم ورحمة الله وبركاته

ايه هو الفرق بين النيتروجين فى عجل العربيه أو الهواء؟

يعنى مثلاً النيتروجين بيفرق فى ليونه العفشة و ممكن يشيل الخشونه لو موجوده
و لا هو من أمان أكتر من الهواء؟

أنا معايا بيجو 408 و حاسس شوية ان العجل ناشف حبتين و نوعه هانكوك صينى ؟

و شكراً مقدماً ...:)

[akmm]

نعم النتروجين افضل بكتير ويحقق بعض الليونه فى الكاوتش وحتشعر ان الكاوتش ارتفاعه اقل من المعتاد بالرغم من انك ضابط الضغط بنفس النسبه ولكن ده طبيعى وايضا حيغنيك عن فحص الضغط لفترات طوييييله ومهم عند التزود لأول مره بالنتروجين ان يقوم العامل بتفريغ كل الهواء الموجود بالكاوتش وغعاده الملىء بالنتروجين ... وهو لايؤدى إلى سخونه الكاوتش المعتاده فى الولىء بالهواء وهو ايضا آمن اثناء السير بالسياره .. ويعيبه فقط قله المتعاملين فيه ... وده عن تجربه إستعمال للنتروجين لأكتر من 3 سنوات . وموفق فى الإختيار .

[Elawany13]

الهواء الجوى اللى بنتنفسه موجود فيه النيتروجين بصورة طبيعية بنسبة حوالى 78%

[bobbozo4b]

نعم النتروجين افضل بكتير ويحقق بعض الليونه فى الكاوتش وحتشعر ان الكاوتش ارتفاعه اقل من المعتاد بالرغم من انك ضابط الضغط بنفس النسبه ولكن ده طبيعى وايضا حيغنيك عن فحص الضغط لفترات طوييييله ومهم عند التزود لأول مره بالنتروجين ان يقوم العامل بتفريغ كل الهواء الموجود بالكاوتش وغعاده الملىء بالنتروجين ... وهو لايؤدى إلى سخونه الكاوتش المعتاده فى الولىء بالهواء وهو ايضا آمن اثناء السير بالسياره .. ويعيبه فقط قله المتعاملين فيه ... وده عن تجربه إستعمال للنتروجين لأكتر من 3 سنوات . وموفق فى الإختيار .

اضافة انه بطئ نسبيا فى التسريب من العجل

ملحوظة لايتم تزويد النيتروجين بالهواء بل بالنيتروجين فقط عشان لو اتزود هواء هايقلب هواء كله

[akmm]

كلام تانى صحيح ..... وانا قلت اللى اعرفه عن تجربه فعليه مع النتروجين ..... وكويس فكرتونى انى اكشف على الضغط بتاع الكاوتش لأنى مكشفتش علسه من الشتاء اللى فات ... كل عام وانتم بخير .؟

[Dragon78]

زي ماتفضل الأعضاء ووضحولك الفرق بين الهواء والنيتروجين

وانا باضم صوتي لصوتهم , وبعد التجربه أقدر أقولك فعلا ان النيتروجين أحسن في الكاوتش

بيخلي العفشه أنعم فعلا وبيخليك حتى ماتحسش بصوت الكاوتش على الأسفلت بالمقارنه بالكاوتش المزود بالهواء

بس تاخد بالك لما تيجي تحط نيتروجين بدل الهواء انك تشوف مكان محترم ... لأن للأسف في ناس ماعندهاش ضمير

بيقولك انه بيزود نيتروجين وهو في الحقيقه بيكون هواء عادي ( هو طبعا مش كل الناس بس الاحتياط احسن )

ولو عاوز مكان كويس ومضمون في (عربكوم) اللي في طريق النصر قبل مدخل سيتي ستارز كده وانت جاي من ناحية

المطار , أو في كمان الموزعين المعتمدين بتوع بريدجستون وهاتلاقي في ناس كاتبه عناوينهم

بالتوفيق ان شاء الله

[akmm]

موفق ان شاء الله ... ونحب نعرف بعد كده النتائج للتجربه بتاعتك .

[benmatar]

السلام عليكم ورحمة الله وبركاته

ايه هو الفرق بين النيتروجين فى عجل العربيه أو الهواء؟

يعنى مثلاً النيتروجين بيفرق فى ليونه العفشة و ممكن يشيل الخشونه لو موجوده
و لا هو من أمان أكتر من الهواء؟

أنا معايا بيجو 408 و حاسس شوية ان العجل ناشف حبتين و نوعه هانكوك صينى ؟

و شكراً مقدماً ...:)

بصرف النظر عن النيتروجين أو الأكسجين، حضرتك هتغير الكاوتش الصيني ده لأنه ناشف وسيء وممكن تحس إن الزوايا مش مظبوطة بسببه، وفيه عالي وواطي... ولما تركب كاوتش ماركة محترمة هتحس بفرق رهيب...
من ناحية تانية النيتروجين هتلاحظ إن معدل فقده أقل من فقد الهواء العادي.

[eng.ghost]

النيتروجين افضل بالذات ان نسبة انفجار الكاوتش لا قدر الله اقل بكثير

[semsem_2us]

قريب قوي هتلاقي ان شاء الله النتيروجين اتعمم عند كل بتوع الكاوتش تقريبا وكلهم بيشتغلوا فيه
تاني حاجة عن تجربة العفشة اريح والكاوتش انعم وتقريبا هتنسي انت اخر مرة ظبطت العجل امتي ولما تروح ممكن متلاقيش نقص اصلا
ولما تلاقي حد بيعبي نيتروجين في ناس عندها جهاز منه بيقيس وبيعبي ولما بيوصل للضغط المطلوب بيفصل اوتوماتيك وده افضل من اللي بيقيس ويزود وبعدها يقيس تاني لان مش بيطلع في الاخر مظبوط برده

[ibn_seena]

هو تكلفة الاربع عجلات كام. وبيفك العجل وبعد كده يفضيه ويملاه نيتروجين ولا بيفضيه وهو راكب في العربيه.
وكمان بيتزود كل قد ايه ؟؟؟ كل شهر مثلا ؟؟

[Dragon78]

اتفضل الاجابه

هو تكلفة الاربع عجلات كام. وبيفك العجل وبعد كده يفضيه ويملاه نيتروجين ولا بيفضيه وهو راكب في العربيه.
وكمان بيتزود كل قد ايه ؟؟؟ كل شهر مثلا ؟؟

ياباشا تكلفة الأربع كاوتشات بيكون بـ 25 جنيه , وفي ناس بتعمله بـ 20 بس

لكن انا فضلت أعمله عند عربكوم عشان عنده الجهاز الحديث اللي بيزود ويظبط لوحده النسبه

ده بالنسبه لأول مره تحط نيتروجين , لكن بعد كده لما تروح تزود بتدفع 3 جنيه عن كل كاوتش بيتزود بس

وبالنسبه لسؤالك , لأ العجل مش بيتفك من مكانه , بيفضل راكب في العربيه زي ماهو وبتترفع العربيه كلها على جهاز كده زي بتاع البنزينه

أم بخصوص معدل تزويد الكاوتش فأعتقد انت مش هاتحتاج تظبطه أصلا إلا كل فين وفين

هم في المركز بيقولك تعالى قيسه كل شهر , لكن احتمال انه يقل في المده دي بسيط أوي

يعني ممكن تلاقيه ينقص درجه او اتنين وممكن تلاقيه زي ماهو

[MSL]

متشكر جدا على المعلومات القيمه دي
تقريبا كل الاراء مزايا ليه
انا كنت سمعت واحد بره المنتدى بيقولى النيتروجين بياكل الكاوتش فهل الكلام ده مظبوط؟
لان محدش جاب سيرته هنا

[حاتم سليم]

انا كنت سمعت واحد بره المنتدى بيقولى النيتروجين بياكل الكاوتش فهل الكلام ده مظبوط؟

دى افتكاسه حلزونيه بحته
بس
جامده و جديده ...

[mohamed_e36]

الهواء الجوى اللى بنتنفسه موجود فيه النيتروجين بصورة طبيعية بنسبة حوالى 78%

+1111111111