افضل معطر جربته في حياتي

[dede_dodo88]

مفيش أحسن من ريحة الفابريكة.. عشان كده مبحطش معطرات في العربية..

[m7mda7md]

العلبه المعدن نفسها متغلفه ببلاستيك اما المعطر نفسه جوه مفيش حاجه غيره.....

[moumen_hs]

أنا نزلت امبارح التوفيقية ولقيته ب 25 جنيه وبناء على كلام الراجل صاحب المحل هو بيقول ان اللى عنده الاصلى ونفس اللى كان بيتباع فى on the run وفيه مضروب شبيه ليه فى السوق ... ما علينا من كلام التجار التجربة حاتبقى خير برهان

بالنسبة لمكان المحل فهنا المشكلة لانه فى زخانيق التوفيقية وحاحاول اوصفه على قد ما اقدر .... انت تدى ضهرك لسنترال رمسيس وتخش فى الشارع اللى فيه محلات ارخصهم والارخص بتوع الصوتيات تفضل ماشى لغاية اما تلاقى على اليمين مول وعلامة المول ده انك حتلاقى فى وشك محل اسمه سيمفونى حتلاقى قدام المول ده ممر ضيق ادخل فيه قبل نهايته حتلاقى على اليمين ممر تانى هو عبارة عن مدخل عمارة تطلع السلم للدور الأول حتلاقى فى وشك المحل ... واسمه الزغل

انا عارف ان الوصفة موال بس لو سألت باسماء المحلات اللى أنا قلت عليها حاتسهل شوية الوصول.

وعلى فكرة انا قلت لصاحب المحل عن المنتدى وان ممكن ناس تجيلك منه فقالى ممكن يبقى يعمل تخفيض ولا حاجة .. فاللى يروح يبقى يقله انه جايله من منتدى العربيات يمكن يعمل معانا الواجب

أنا لسة شارية يوم الخميس ب 20 من المحل الى وصفتة وهو فعلا أنا وجدتة فى محلات تانى ب 25 جم فة المول الى فى التوفقية فى الدور قبل الاخير على الشمال

[moumen_hs]

أنا لسة شارية يوم الخميس ب 20 من المحل الى وصفتة وهو فعلا أنا وجدتة فى محلات تانى ب 25 جم فة المول الى فى التوفقية فى الدور قبل الاخير على الشمال

[hassanin_lada]

ندأ اللي صاحب الموضوع انا من اسيوط بس مش عارف اوصل للعنوان !!

محطة الكهربا اللي عند النزله !! في 2 بنزينه انهي واحده فيهم او اروح فين بالظبط ؟؟

ربنا يباركلك ياباشا وتدلني لاني كل ماجيب معطر مايكملش غير يومين وريحتو تروح

[m7mda7md]

بنزينه التعاون يا باشا..... قبل الكمين.... الراجل حاطط حوالي 3 يفط و واضح جدا بس قول يارب يكون لسه عنده و مخلصش!!!

[hassanin_lada]

ماشي ياباشا انا في اقرب فرصه هروحلو وانشألله الاقي والف شكر ليك ياباشا

[Mo.Kareem]

معلش ممكن الوصفة تانى ، انا توهت ومش عارف اتخيل المكان بالظبط ، حضرتك تقصد ان المحل فى نفس المول اللى فيه سيمفونى ولا العمارة اللى ادامه ؟

[أحمد الجندى]

معلش ممكن الوصفة تانى ، انا توهت ومش عارف اتخيل المكان بالظبط ، حضرتك تقصد ان المحل فى نفس المول اللى فيه سيمفونى ولا العمارة اللى ادامه ؟

العمارة اللى قدامه

[Mo.Kareem]

العمارة اللى قدامه

متشكر جدا لحضرتك ، وسؤال رخم استغل بيه كرم حضرتك ، هو المعطر اسمه ايه

[أحمد الجندى]

متشكر جدا لحضرتك ، وسؤال رخم استغل بيه كرم حضرتك ، هو المعطر اسمه ايه

اعتقد ان اسمه treasure scent بس أنا لما كنت بسأل عليه كنت حاسس انى لو قلتلهم الاسم ده محدش حايفهمنى فبقيت عمال اشرح شكل المعطر واقولهم انا عايز المعطر اللى فى علبة صفيح والغطا بتاعه لونه احمر أو ازرق وعرفوه بالشكل ده

على العموم انت لو عرفت توصل للمحل ده حتلاقيه فى وشك على اليمين أول ما تدخل.

[Mo.Kareem]

الف شكر ليك يا استاذ احمد

[m7mda7md]

ماشي ياباشا انا في اقرب فرصه هروحلو وانشألله الاقي والف شكر ليك ياباشا

العفو يا باشا و ان شاء الله تلاقي

[yahia_zakareya]

متشكر جدا لحضرتك ، وسؤال رخم استغل بيه كرم حضرتك ، هو المعطر اسمه ايه

اعتقد ان اسمه treasure scent بس أنا لما كنت بسأل عليه كنت حاسس انى لو قلتلهم الاسم ده محدش حايفهمنى فبقيت عمال اشرح شكل المعطر واقولهم انا عايز المعطر اللى فى علبة صفيح والغطا بتاعه لونه احمر أو ازرق وعرفوه بالشكل ده

على العموم انت لو عرفت توصل للمحل ده حتلاقيه فى وشك على اليمين أول ما تدخل.

اسم الماركة: Exotica
اسم الموديل: Treasure Scent
نوع المادة العطرية: Organic
نوع التعبئة: علبة صفيح
بلد المنشأ: USA
السعر عند محطة شل: 27 أو 30 جنيه على ما أتذكر

المعلومات دي من موقع شركة Exotica و هي بتعمل موديلات أخرى لمعطرات السيارات زي الجيل و البخاخات و غيرهم ، و علطول بلاقيهم في أي وقت من السنة في محطة شل مصطفى النحاس - مدينة نصر (بحط بنزين عربيتي منها دائماً) ، و في محطة شل الطيران بعد مبنى رئاسة حي مدينة نصر مباشرة

[amr2008mero]

فية معطر بيقعد كتير اسمة جليد تحفة بجد امال الشجرة يومين وبخ