أضاءة درج التابلوه

[abo_lamar]

السلام عليكم و رحمه الله و بركاته

انا من فترة داخل في دماغي اني اركب شريط ليدات جوه درج تابلوه اللانوس بحيث تنوره في الظلام , وعايز اوصل الشريط ده مع تور العدادات يعني اول ما اشغل نور العدادات يشتغل شريط الليدات جوه التابلوه .....
حد من اعضاء المنتدى الكرلم ممكن يساعدني و يعرفني حعمل التوصيلة بتاعته ازاي يعني حاخد الكهرباء منين ؟؟ هل لازم افك التابلوه واطلع العدادات واوصل سلك شريط الليدات بالضفيرة بتاعة العدادات مثلا ؟؟ ولا ممكن اعمل حاجة تانية انا شايف ان في لمبة منورة طفاية السجاير اللي قدام تحت حامل الاكواب ... هل ممكن اعمل التوصيلة عليها برضه ؟؟

وشــــــــــكــــــراً

[eng.ghost]

اولا انت مش محتاج تفك الطابلوه
بس محتاج توصل الشريط مع دائرة الطابلوه
اما من مكان الفيوز المسؤل عن العدادات او من المفتاح بتاع تشغل العدادات
و رأى الأفضل انك تحط مفتاح بريس زى بتاع الابواب
وتوصل له كهرباء من سلك حى مع الارضى بتاع العربية
و كده لما درج الطابلوه يتفتح هينور زى الباب بالضبط

[Bassem Taha]

أحلى حاجه انك هتشتغل بنفسك
ركز معايا بقى

1- هتجيب حوالي 2 متر سلك ( سلك سماعات مش لازم حاجه كبيرة علشان بيكون رقيق و سهل يدخل في الاماكن الضيقة )
2- هتلزق شريط الليدات في التابلوه في المكان اللي يعجبك هتوصل السلكين بتوعه بسلكين الشريط بتاع الليدات .
3- هتمشي السلك من جوه التابلوه و تطلعه من وراه ومن جنب الباب هتعديه بس نقي مكان يكون مش باين فيه ( حاول تعديه من ورا الكاوتش بتاع العربية اللي بيبقى علي حلق الباب ) .
4- هتعدي السلك من جوه الرفرف لحد الفانوس بتاع العربية يمين قدام .
5- هطلع اللمبة السفايا اللي في الفانوس ( اللي بتنور مع نور العدادات نور صغير دي ) وهتوصل السلكين بتوع الشريط مع السلكين بتوعها ومتخافش لو التوصيل غلط الشريط مش هينور و تعكس السلكين .

ملحوظة هامه : متشغلش النور إلا لما توصل السلكين بتوع الشريط علشان ميلمسوش منك وانت شغال

ومبروك عليك النور الجديد في التابلوه
ومتنساش تورينا الصور

[momo44]

اولا انت مش محتاج تفك الطابلوه
بس محتاج توصل الشريط مع دائرة الطابلوه
اما من مكان الفيوز المسؤل عن العدادات او من المفتاح بتاع تشغل العدادات
و رأى الأفضل انك تحط مفتاح بريس زى بتاع الابواب
وتوصل له كهرباء من سلك حى مع الارضى بتاع العربية
و كده لما درج الطابلوه يتفتح هينور زى الباب بالضبط

+1000000000000000000

[ramyhekal]

أحلى حاجه انك هتشتغل بنفسك
ركز معايا بقى

1- هتجيب حوالي 2 متر سلك ( سلك سماعات مش لازم حاجه كبيرة علشان بيكون رقيق و سهل يدخل في الاماكن الضيقة )
2- هتلزق شريط الليدات في التابلوه في المكان اللي يعجبك هتوصل السلكين بتوعه بسلكين الشريط بتاع الليدات .
3- هتمشي السلك من جوه التابلوه و تطلعه من وراه ومن جنب الباب هتعديه بس نقي مكان يكون مش باين فيه ( حاول تعديه من ورا الكاوتش بتاع العربية اللي بيبقى علي حلق الباب ) .
4- هتعدي السلك من جوه الرفرف لحد الفانوس بتاع العربية يمين قدام .
5- هطلع اللمبة السفايا اللي في الفانوس ( اللي بتنور مع نور العدادات نور صغير دي ) وهتوصل السلكين بتوع الشريط مع السلكين بتوعها ومتخافش لو التوصيل غلط الشريط مش هينور و تعكس السلكين .

ملحوظة هامه : متشغلش النور إلا لما توصل السلكين بتوع الشريط علشان ميلمسوش منك وانت شغال

ومبروك عليك النور الجديد في التابلوه
ومتنساش تورينا الصور

فكره جميله انا زيك بحب اعمل كل حاجه بايدى
جزاك الله خيرا