Lcd مخدع تعمل على ولاعة العربية

[MSL]

السلام عليكم ورحمة الله وبركاته

ببحث عن شاشه lcd بالمخدع أو من غير مخدع و أبقى أركبها انا و يكون فيها مدخل usb و مخارج صوت على الـ fm

بس أهم حاجه تكون كهربتها على ولاعة العربية

و ده بسبب انهم فى التوكيل قالولى اى توصيل فى الضفيره هيخرج العربية من الضمان

الاقيها فين دي؟؟؟!!

و شكراً مقدماً للمساعده

[BESO516]

فى التوفيقيه عند السجان

بس تقريبا هيبقى صعب انك تلاقى على ولاعه العربيه

[ggaamm]

هات واحدة عادية واعملها انت على ولاعة العربية :)

بس انا من رائيي انك تعمل اللى يعجبك فى الصالون طالما ما لعبتش فى الضفيرة
يعنى ممكن تاخد لها كهربا من اى حاجة معاليهاش حموالة او تاخدلها سلك خارجى عالبطارية بفيوز


او اشتريها و قلهم ركبوها انتوا وريح مخك

[MSL]

فى التوفيقيه عند السجان

بس تقريبا هيبقى صعب انك تلاقى على ولاعه العربيه

شكرا لحضرتك
بس دى اهم نقطه انه يكون على الولاعه
طيب مالوش تليفون اساله ؟

[MSL]

هات واحدة عادية واعملها انت على ولاعة العربية :)

بس انا من رائيي انك تعمل اللى يعجبك فى الصالون طالما ما لعبتش فى الضفيرة
يعنى ممكن تاخد لها كهربا من اى حاجة معاليهاش حموالة او تاخدلها سلك خارجى عالبطارية بفيوز

الحلول دى كلها قلتهالهم
قالى ممنوع نركبها
و متوصلش اى حاجه على البطاريه او الفيوز عشان بتاثر على الحساسات و تعمل رسايل ايرور على شاشة الاعطال
يبقى مفيش غير الحل الاخير لو ملقتهاش
الى هو نحول سلك الكهرباء لوصلة تشتغل على الولاعه لانها نفس الكهرباء
شكرا على المساعده

او اشتريها و قلهم ركبوها انتوا وريح مخك

[akmm]

انزل التوفيقيه واتفرج بنفسك وحتلاقى حاجات كتيييير .

[MSL]

انزل التوفيقيه واتفرج بنفسك وحتلاقى حاجات كتيييير .

طيب حضرتك شايف التوفيقيه الاقى فيها كل حاجه و لا ش دمشق و لا مول سبير كار ؟؟
عشان عايز انزل بكره ان شاء الله

[ggaamm]

هى عربية حضرتك أيه ؟؟

اصل الكلام ده ماايحصلش إلا فى عربية بى ام مثلاُ أو بالميت كده سكودا اوكتافيا او جيتا

لكن حوار انك توصل من العمومى بيعمل مشاكل انا اشك فيه !

أنا معايا صحابى معاهم تيوتا كرولا 2011 و عربيات تانى فى نفس المستوى وموصلين 3 جى امات على سلك عمومى وشغال زى الفل ولا دخل عليه دم :)

على العموم دور فى التوفيقية او شارع دمشق او سبير كار او شوف عند جو او ماكس بور

وبإذن الله لو موجود هتلاقى عند حد من دول بكل تأكيد

[MSL]

هى عربية حضرتك أيه ؟؟

اصل الكلام ده ماايحصلش إلا فى عربية بى ام مثلاُ أو بالميت كده سكودا اوكتافيا او جيتا

لكن حوار انك توصل من العمومى بيعمل مشاكل انا اشك فيه !

أنا معايا صحابى معاهم تيوتا كرولا 2011 و عربيات تانى فى نفس المستوى وموصلين 3 جى امات على سلك عمومى وشغال زى الفل ولا دخل عليه دم :)

على العموم دور فى التوفيقية او شارع دمشق او سبير كار او شوف عند جو او ماكس بور

وبإذن الله لو موجود هتلاقى عند حد من دول بكل تأكيد

عربيتى بيجو 408 و التوكيل خوفونى من موضوع اللعب فى اي مكان فى الكهرباء و همل مبيركبوش الحاجات دي هناك
و ضمانى 5 سنين مش عايز اخسره عشان حاجه صغيره زي ديه

عموماً انا ملحقتش أنزل قبل العيد ...ان شاء انزل و الاقى الى عايزه

شكراً لحضرتك على المساعده

[AHMED_DINAMO]

هات اى شاشه تعجبك وهات فيشه من ال بتركب فى الولاعه ووصل فيها الشاشه وبس

[MSL]

هات اى شاشه تعجبك وهات فيشه من ال بتركب فى الولاعه ووصل فيها الشاشه وبس

ان شاء الله هعمل كده - مفيش حل غيره لو ملقتهاش جاهزه
شكرا على المساعده :)

[MSL]

الحمد لله عملتها و حابب أعرفكو تفاصيلها ممكن حد يستفيد

أشتريت شاشه بمخدع جاهزه من توكيل سيمفونى بالتوفيقيه سعرها 370 جنيه
و أشتريت وصلة ولاعة بتاعت شاشه عرض الى بتركب على التابلوه و دي سعرها 20 جنيه

و قمت بتوصيل سلكين الكهرباء الى خارجين من المخدع على وصلة الولاعه 12 فولت

الشاشه فيها سماعات و تنقل الصوت عن طريق ال Fm و ده مهم
و بيشتغل عليها كروت ميمورى و فلاشات و فيها مداخل لتليفونات و DVD

يعنى الحمد لله مجتش ناحية ضفيرة العربيه أو الكهرباء أو توصيلات الكاسيت تماماً

[wdramiz]

ممكن صور .....وهل يشتغل علي gbs

[MSL]

هحاول اصورها ... و ملهاش علاقة بالجي بي أس

هي بتعرض عليها فيديو وصوت عن طريق الفلاش ميموري أو كرت ميمورى أو عن طريق وصلات اوديو فيديو
و بتنقل الصوت عن طريق ال أف أم