تجربة تركيب دي في دي للبي ام

[نينو]

انا كنت في حيرة رهيبة لان الكاسيت بتاع العربية شرايط و مكانو كبير يعني اكبر من الدبل دين المهم اتعرفت علي واحد هو مستورد للدي في دي و باسعار اقل من برة بكتير اوي و حاجات تحفة بجد عندو العربية اتغيرت فعلا بعد مركبت الجهاز هو عبارة عن جي بي اس و تلفزيون وتليفون بكار كيت وكاميرا بجد جهاز تحفة و سعرو كويس اوي 4400 انا شفتو عند السجان ب 5700 يعني شوفو فرق المكسب اد ايه وهو قالي ان ده كمان غالي شوية عشان انت معاه الجهاز بتشتري الاسم اللي هو بي ام يعني كل حاجة فيها غالية اللي عاوز يسال او يركب يقولي و انا اقولو علخاص لاني مش عارف لو قولت اسم المستورد ده وتليفونو يكون اعلان مثلا ؟
علي فكرة هو بيجي لغاية البيت و معاه مهندس مخصوص بيركب الحاجة قدام عينيك وشخص محترم جدا
اخوكم مينا

[ayman_omer2007]

طب ياريت تبعتلى على الخاص اسمه وعنوانه والتكاليف وكله بالتفصيل هكون شاكر ليك لان عندى نفس الموضوع فى الكاسيت بتاع 523 2002 والكاسيت عريض وصوته وحش وعايزاغيره ، وهل الجهاز صينى ولو فى صور معلش انا طلباتى كتير بس استحملنى

[haythamabo]

انا كنت في حيرة رهيبة لان الكاسيت بتاع العربية شرايط و مكانو كبير يعني اكبر من الدبل دين المهم اتعرفت علي واحد هو مستورد للدي في دي و باسعار اقل من برة بكتير اوي و حاجات تحفة بجد عندو العربية اتغيرت فعلا بعد مركبت الجهاز هو عبارة عن جي بي اس و تلفزيون وتليفون بكار كيت وكاميرا بجد جهاز تحفة و سعرو كويس اوي 4400 انا شفتو عند السجان ب 5700 يعني شوفو فرق المكسب اد ايه وهو قالي ان ده كمان غالي شوية عشان انت معاه الجهاز بتشتري الاسم اللي هو بي ام يعني كل حاجة فيها غالية اللي عاوز يسال او يركب يقولي و انا اقولو علخاص لاني مش عارف لو قولت اسم المستورد ده وتليفونو يكون اعلان مثلا ؟
علي فكرة هو بيجي لغاية البيت و معاه مهندس مخصوص بيركب الحاجة قدام عينيك وشخص محترم جدا
اخوكم مينا

عنده الدى فى دى بتاع السيتروين السى4 2005

[akmm]

هايل ......

[Mohamed_Nafie]

طب يا ريت لو تعرف توصلنا بيه .. عشان أنا كنت ناوي أركب كده وأجيب الحاجة بره... فـلو سعره مقارب من بره ممكن أجيبه من عنده

[Kareem Fawzy]

ياريت يا باشا اسم ورقم وعنوان المستورد على الخاص
تحياتى

[Noda123]

ابعتلى اسم المستورد ورقمه على الخاص

[naser_56]

ممكن تحط صوره بعد التركيب ونشوف شكله علي العربيه عامل اذاي وفيه فراغات ولا لا وايه اخبار الطاره الكنترول بتاعها شغال ولا لا

[نينو]

ان شاء الله هصورها انهردة و الطارة لسة ناقصة قطعة كدة هيجي يركبهالي انهردة بس كلو تمام و علي فكرة هو بيتركب بدون اي تقطيع في السلك اوريجينال في كل حاجة لو حد عاوز حاجة انا تحت امركم
اخوكم مينا

[Karim_Monir]

عايز اعرف بيظهر الداتا من ال obc ولا لاء
بيطلعلك درجة حرارة الزيت والموتور والمية وبقية البيانات الفنية ولا لاء

[Kareem.ElAraby]

متابع

[broadband]

ياريت تبعتلى نمرته على الخاص