بخصوص ستيكر الاكصدامات !

[Rsarabia]

ازيكم يا شباب

انا لسه جايب النترا الجديدة و البوية بتاعتها خفيفة جدا اى حكة بسيطة بتطلع البوية و بتبان البطانة
فقررت احمى الاكصدامين بستيكر او اللى بيتقال عليه كاربون فايبر اللى بيكون مخطط خطوط مايلة
معلش انا مستجد فى الحاجات دى

يا ريت اللى يعرف اى معلومات عن الاسعار او عن عيوبه لو له عيوب يقول و له الاجر و الثواب عند الله

[eldell]

اولا الف مبروك على العربيه والى حضرتك تقصده ده الكاربون وده المتر بيبقى ب35 جنيه ولو عملت الاكصدامين هتبقى التكلفه من 150 الى 200 جنيه بالكتيييييير والله اعلم

[Rsarabia]

اولا الف مبروك على العربيه والى حضرتك تقصده ده الكاربون وده المتر بيبقى ب35 جنيه ولو عملت الاكصدامين هتبقى التكلفه من 150 الى 200 جنيه بالكتيييييير والله اعلم

شكرا لحضرتك طيب هو بيتلزق عالاكصدامات له عيوب يعنى هل بيأثر على البوية ؟؟
هل منه الوان ولا كله اسود ؟

[akmm]

مبروك العربيه ... ولكن فى حاله تركيبه وبعد كده ترغب فى ازالته لأى سبب هل حيترك اثر ... وـد ايق ؟ وهل الدوكو بتاع العربيه حيتاثر بيه يعنى إنطفاء اللمعه او التصاق البويه اصلا به ..... نستنى لما نشوف لراى الأعضاء وخاصه اللى ركبوه ... وتحياتى .

[eldell]

شكرا لحضرتك طيب هو بيتلزق عالاكصدامات له عيوب يعنى هل بيأثر على البوية ؟؟
هل منه الوان ولا كله اسود ؟

هو فى منه الوان كتييييير مش اسود بس وبيطفى لمعه البويه بعد فتره كبييييره لاكن للاكصدامات شايف انه عاااادى

[Hulk 1]

في منه الوان كتير بس بيغير لون البويه بعد فتره

[Rsarabia]

مدام بيأثر عالبوية يبقى بلاش منه

[Kareem Fawzy]

الاستيكر دة اسمه كاربون فايبر
عند اى حد بتاع كماليات هيكلفوا حضرتك من 150 ل 200 فعلاً
مش هيأثر على البوية الخالص لو فابريكا هيتشال عادى جداً
عيبه الوحيد
ان الاكصدامات هتبقى متغطية
والكابوت والسقف والرفارف هتبقى متعرضة للشمس فهيبقى فى فرق لون هتحسن ان الاكصدامات بتلمع لاكن باقى العربية لونها مطفى شوية
بس انا مش شايفه عيب لان حضرتك معتقدش انك هتشيله ولو شلته علشان مثلاً اتجرح او حاجة زى كدة هتشيله وتحط غيره
اتمنى يكون وصلك وجهة نطرى..،،

[omarkhaled55]

طب هو اية ظروف المرور مع الاستيكر لو معمول بنفس لون العربية بس على العربية كلها ؟؟؟؟
مخالفة ولا لا ولا حسب مزاج الظابط ؟؟؟؟