مرايات جنب و الصالون للشاهين

[boody_boo]

أنا المرايات اللي عندي في عربيتي مجنناني ... الجودة بتاعت الزجاج بتاعها وحشة و حتى المساحة اللي بتغطيها مرايات الجنب صغيرة جداً

كنت عايز أعرف إيه أفضل مرايات ممكن تركب للشاهين سواء مرايات جنب أو مراية صالون و تكون بجودة محترمة و تغطية واسعة و لو فيه إمكانية تركيب مرايات حاجة من العربيات الجديدة إيه اللي ممكن منها يكون مناسب على الشاهين بشكل كويس ؟؟؟

و محدش يقوللي أركب المرايا الكبيرة بتاعت الصالون ديه لإني مش بعرف استخدمها و كمان أنا طويل شوية فبتضايقني في الرئية من الزجاج الأمامي

[Totexxxxx]

كانت نفس المشكله الي عندي ولاني معايا شاهين 96 فقررت اركب مرايات الشاهين الجديده بس لقيت انها مش فارقه كتير , وفي الاخر برضه ركبت مرايه الصالون الكبيره دي غصب عني

[romieh]

كل اللى معاه شاهين بيشتكى من نفس شكوتك

للأسف جميع مرايات العربيات الجديدة ماتنفعش تركب عندنا وده بسبب ان قاعدة المرايا عندنا صغيرة قوى

الحل الوحيد اللى هيحسنلك الدنيا شوية انك تشترى مرايات عربية نص نقل (مقعرة) وتروح لواحد بتاع مرايات يقصهالك على قد مراياتك

كان فيه عضو معانا قال انه عملها عند واحد فى شارع دمشق بتاع مرايات - عمل المرايا الواحدة ب 30 جنيه