نازل اشترى انذار بكرة ... اشترى نوع ايه للبومه

[hossamsmsm]

ان شاء الله هنزل التوفقيه تانى بكرة
اشترى انذار ايه بقى علشان انا احترت على الاخر
wolf ولا spy
ولا ادور واشترى جهاز اقدر انى ادور العربيه بيه ( اسمه انذار دوااااره )
وعاوز اتأكد انه هيدور العربيه عندى علشان فى واحد قالى مدام العربيه مفتاحها مشفر يبقى العربيه مش هتدور الا بالمفتاح وكمان واحد تانى قالى ان البومه مفيش انذار بيفتح الشنطه بتاعتها لازم تفتحها من جوة العربيه ... الكلام ده صح ولا غلط
ياريت الافاده
واشتريه من مين هيبقى ارخص واحد فى التوفيقيه ؟

[Dr.kordy90]

متابع

[haysam2000]

على قد علمى ان اى شنطه ممكن تفتحها بالأنذار لأن بيتحطلها بستم زى بتاع الباب كده و لكن موضوع المفتاح ده مش هفتى فيهو و النوعين احسن من بعض اختار اللى انت عايزة

[hossamsmsm]

على قد علمى ان اى شنطه ممكن تفتحها بالأنذار لأن بيتحطلها بستم زى بتاع الباب كده و لكن موضوع المفتاح ده مش هفتى فيهو و النوعين احسن من بعض اختار اللى انت عايزة

يعنى انت متأكد من موضوع الشنطه ده ... اصل انا سألت واحد قالى شنطه البومه على واير مش كهربا زى الالنترا مثلا علشان كده ممكن تفتح شنطه الالنترا بالريموت انما البومه لا

طيب بالنسبه للانذار اللى بيدور العربيه متعرفش حاجه عنه ؟؟ بس برضه يبقى بشاشه وفيه نفس امكانيات ال spy 2 way

[Sehsss]

الاسباي أفضل طبعا

[Ahmed A Rahman]

خلي بالك عشان الانذار في البومة خلى لمبة الايرباج تشتغل
ومنطفتش الا لما رحت للتوكيل ودفعت 200 جنيه عشان يرجعوها

[hossamsmsm]

الاسباي أفضل طبعا

طيب المشكله ان ال سباى مش بيدور العربيه

خلي بالك عشان الانذار في البومة خلى لمبة الايرباج تشتغل
ومنطفتش الا لما رحت للتوكيل ودفعت 200 جنيه عشان يرجعوها

طيب ده خطأ عام ولا عيب صنايعى اللى ركب الانذار

[Sehsss]

طيب المشكله ان ال سباى مش بيدور العربيه

ازااااااااااااي

[akmm]

متابع ..................................

[salah_86]

انا مركب انذار سيمفونى وشغال تمام وبالنسبة للشنطة بيركبلك وحدة سنتر فى الشنطة بس متخليهوش يخرم الشنطة عندك فيها اخرام اصلا خليها يركبها على اى اخرام فيها بس انا دلوقتى بفكر انى اشيلة اصلا واركب جهاز الانذار اللى بيتولف على ريموت العربية وبدور علية والكهربائى عندنا هنا فى المنوفيه قالى 350 جنية بس انا مش عارف لو نزلت مصر اجيبة ارخص ولا ايه

[hossamsmsm]

انا مركب انذار سيمفونى وشغال تمام وبالنسبة للشنطة بيركبلك وحدة سنتر فى الشنطة بس متخليهوش يخرم الشنطة عندك فيها اخرام اصلا خليها يركبها على اى اخرام فيها بس انا دلوقتى بفكر انى اشيلة اصلا واركب جهاز الانذار اللى بيتولف على ريموت العربية وبدور علية والكهربائى عندنا هنا فى المنوفيه قالى 350 جنية بس انا مش عارف لو نزلت مصر اجيبة ارخص ولا ايه

ياباشا هات انذار اسمه Upgrade ده بيتولف على ريموت العربيه وبيبقى شغال تمام وممكن تشتريه من التوفيقيه انا شوفته هناك بس بصراحه مسألتش على سعره

[salah_86]

منين من التوفيقية ياباشا

[hossamsmsm]

منين من التوفيقية ياباشا

ياباشا مفيش تعب ولا حاجه احنا هنا كلنا اخوات
بص ياباشا اول لما تدخل من شاراع التوفيقيه هتلاقى محل غريب على الشمال احتمال كبير تلاقى عنده
ولو ملاقيتش عنده اكيد هتلاقى عند حسنى الحكيم ان شاء الله ده بقى فى الشارع اللى وراه ولو مش عاوز تضرب المشوار على الفاضى خد معاك العربيه واسأل على اسامه الكهربائى ده موجود فى التوفيقيه وبيفتح الساعه 12 او 1 الظهر وخليه يركبهولك علشان لو فى اى مشكله تغير الجهاز وانت هناك
وان شاء الله ميبقاش فى اى مشكله
واى سؤال تانى انا فى الخدمه ياباشا

[salah_86]

تسلم ياباشا بس سؤالين هما يبفضلو فاتحين لحد الساعة كام ؟
والسؤال التانى بقى انا سمعت ان الانذار دا بيشتغل مع السنتر بس بمعنى لو انا دايس لوك كدا الانذار اشتغل ولو فتحت بالمفتاح نفسة من غير الريموت العربية هتزمر بيقولك بقى ان انت لو ساعتها فصلت السنتر الانذار هيسكت
دا صحيح ؟

[hossamsmsm]

تسلم ياباشا بس سؤالين هما يبفضلو فاتحين لحد الساعة كام ؟
والسؤال التانى بقى انا سمعت ان الانذار دا بيشتغل مع السنتر بس بمعنى لو انا دايس لوك كدا الانذار اشتغل ولو فتحت بالمفتاح نفسة من غير الريموت العربية هتزمر بيقولك بقى ان انت لو ساعتها فصلت السنتر الانذار هيسكت
دا صحيح ؟

بصراحه مش عارف علشان انا مجربتوش .. علشان كده انت ممكن تسأل اسامه الكهربائى اللى فى التوفيقيه الاول قبل ما تشترى وكمان ممكن تتأكد من سؤال من حسنى الحكيم علشان الناس اللى عنده فاهمه اوى فى الانذارات