جهاز التتبع . GPS trackerارجو من الاعضاء قول تجربتهم

[amr00]

هو الجهاز ده جميل جدا .. بس في حل ارخص للناس اللي معهاش تمنه ...

كان في اتنين صحابي عاملينه و شفته ..

الفكرة ببساطة انك بتعمل زرار و تخبيه في اي حته عايزها في العربية و الزرار ده بيفصل حاجة في علبة الفيوزات (مش فاكر كان ايه الصراحة ) بحيث ان الحرامي لو دخل العربية عمرها ما حتدور غير لو الزرار ده اشتغل ... و لو دارت بتدور اقل من دقيقة و بتفصل تاني ,,,
هي مفيدة لو الواحد بيركن في مكان و مقلق منه او مبيت العربية في الشارع طول الليل ...

واحد صاحبي عامله في مازدا 3 و التاني في فيرنا ...

انا عاجباني الفكرة بس عايز افهمها الاول قبل ما العب في العربية ...

السلام عليكم

اسمه زرار شك وبتجيب معاه 4 متر سلك 2 مم وبيعمل فصل لكهربا العربيه او ممكن يتعمل عن طريق الدفيره ويفصل طرمبه البنزين . واى كهربائى يعمل الموضوع ده

[massoh]

احنا عندنا في الشركة مركبينه في العربيات
الشركة المورده كويسه و بتدي ضمان سنه و بيركب في نص ساعة بالظبط
بس سعره غالي شويه الجهاز عامل 3000 جنيه
و في اشتراك 25 دولار في السنه لاستخدام الموقع (بتاخد اكونت مخصوص ليك) و 25 جنيه شهريا رصيد للخط المحطوط في الجهاز (20 نت و 5 للرسائل)

الجهاز صيني طبعا بس خاماته نظيفه جدا و مصمم لاحتمال درجات حراره عاليه
الجهاز ميزته انك بتعرف العربية فين بالظبط و ماشيه علي سرعه كام و شغاله او لا
و عندك امكانيه متابعه مسار العربيات من ساعه ما الجهاز ركب لانه بيسجل كل ده في الموقع و ممكن تسترجعه في اي وقت

طبعا احنا بشكل عام بنستخدمه لمراقبه السواقين و اسلوبهم في القياده
لان من الموقع فيه كام تقرير ممكن تستفيد منه

في طبعا امكانيه انك تبعت للجهاز رساله عشان تفصل العربية او من الموقع
و فيه زرار مخفي لو السواق حس بخطر يدوس عليه يبعت رساله استغاثه
و فيه برضه سنسور يشتشعر العربية لبست مطبات او اي اهتزاز نتيجه لخبطه او محاوله اقتحام و بيبعت رساله و بيبان علي الموقع
ده بالاضافه انك لو اتصلت بالخط الموجود في الجهاز تسمع كل اللي بيدور في العربية

اه و في app للاندريود نقدر تعمل فيه كل ده
و بيقولوا نازل للاي فون قريب

هو حضرتك ركبته على الـ f30 ؟ وهل هو بيخرج العربية من الضمان؟

[horas3000]

هو حضرتك ركبته على الـ f30 ؟ وهل هو بيخرج العربية من الضمان؟

لا يا زعيم
ده راكب علي العربيات النقل بتاع الشركة
و انا شخصيا خايف اركبه في الملاكي
مش عايز العب في العربية خصوصا و ان الشركه قالت لي هيتوصل علي طرمبه البنزين
و في اختيار تاني و اني استغني عن ميزه الفصل و استخدمة كجهاز تتبع بس و انا مفضلتوش

[attyasat]

طب انا واحدى صديقى وهوة جى من هولاندا هيجبلى جهاذ معاه بس انا خايف ميشتغلش هنا ويكون لية اشتراك

او ميشتغلش على خطوط تليفونات مصر وميكونش لية دعم على مواقع مجانية ورقمة



Gps Tracker Auto Truck tk103B gps tk103B

[m.ghanem]

طب انا واحدى صديقى وهوة جى من هولاندا هيجبلى جهاذ معاه بس انا خايف ميشتغلش هنا ويكون لية اشتراك

او ميشتغلش على خطوط تليفونات مصر وميكونش لية دعم على مواقع مجانية ورقمة



gps tracker auto truck tk103b gps tk103b

بيتركب هنا ايضا فى مصر
حوالى 1000 جنية
بس انا مش فاكر الشركة ممكن تبحث
وتسالهم على السيرفر

[p r i n c e]

متابع