جى بى اس تراكر

[marwa.youssef]

فى حد يعرف حاجه عن الجى بى اس تراكر و ايه امكانياته ؟ وهل هو عملى فى مصر ؟
هل بيمنع سرقه السياره ؟
ارجوكو فيدونى انا جيبت سياره جديده و مافيهاش حتى جهاز انذار مع انها موديل السنه
ومع العلم انها كيا سيراتو والمحتله المركز الأول فى السرقه فى مصر :(

[ayman_omer2007]

بعت لحضرتك رسالة علي الخاص يافندم
والرسائل الخاصة هتلاقيها اعلي الصفحة شمال

[exact]

سألت عليه من فترة فالمنصورة واللي عرفته كالتالي...
سعره 1100 وتركيب 50
بتحط فيه شريحة محمول وتشترك في عرض رسايل وتشحنه
بيتم برمجته بوصلة الكمبيوتر عشان تحط له 3 ارقام يبعت عليهم الرسايل... واحد فيهم بيكون هو الرئيسي وده بيبعت عليه باستمرار رسالة كل اما العربية تشتغل فيها احداثيات مكان العربية ولو انت موبايلك اندرويد بمجرد الضغط على الاحداثيات بيفتح لك مكان العربية على جوجل مابس... بخصوص الرقمين التانيين دول بيكون فيه زرار فالعربية ده لو لا قدر الله اتثبتت بالعربية بتضغط عليه يبعت رسالة استغاثة فيها بيانات بمكان العربية

فيه اكواد جايه معاه بتبعت بيها رسالة نصية قصيرة للشريحة اللي في الجهاز وعلى حسب الكود الجهاز يتعامل... مثلا لو العربية مع المدام او اخوك او صاحبك... ممكن تبعت كود للجهاز من الرقم المتسجل عليه فيرد عليك برسالة فيها مكان العربية والسرعه الحالية... ممكن مثلا تبعت كود تطلب منه قطع الكهربا عن كمبيوتر العربية فده يسبب تعطيلها

فيه بطارية داخلية تدوم في حدود 48 ساعة لو كابل البطارية اتفصل

وبالتالي هو غالبا يساعدك على استعادة سيارتك في حال لا قدر الله تم سرقتها... واعرف شخصيا واحد عنده سيراتو اتسرقت وعرف يوصل لها في خلال 3 ساعات كانت مرمية في اطراف المحلة الكبرى في منطقة مهجورة ومتغطية... واغلب الحرامية بيعملوا كده... بيقلبوا الحاجات الخفيفة... بطارية استبن عده كاسيت وبعدين بيرموا العربية يوم او اتنين في مكان مهجور وهي متغطيه عشان يضمنوا ان مفيش فيها حاجة الاول وبعد كده يقطعوها