هل يمكن منع فتح الشنطه من الداخل ؟

[Dragon78]

عندي استفسار ياجماعه ومش عارف اذا كان ده المكان المناسب ليه ولا لأ

طبعا كلنا عارفين ان معظم أو كل العربيات الجديده فيها زرار من الداخل لفتح شنطة العربيه

أنا من حوالي شهر كده حصلي عملية سرقه بس كان حرامي محظوظ بصراحه .. لأن العربيه من جوه ماكانش فيها أي شيء يستحق السرقه .. اللي حصل انه كسر الزجاج الخلفي وفتح الشنطه وكنت شايل فيها اللاب توب بتاعي .. وانا متأكد ان مافيش حد كان مراقبني ولا حاجه .. وكمان اتسرقت في مكان حيوي أوي , المهم بغض النظر عن موضوع السرقه ( قدر الله وماشاء فعل) ,

أنا من ساعة الموضوع ده وانا طالع في دماغي أعمل لوك للشنطه .. بس مش عارف ازاي !!!
يعني مثلا عربيتي القديمه (شاهين) الشنطه بتاعتها كان ليها لوك انك لو حركت المفتاح للشمال بدل اليمين عشان الفتح , الشنطه ماتفتحش غير لما ترجع اللوك تاني يمين .

سؤالي بقى .. هل ممكن أعمل حاجه زي كده في عربيتي بحيث لما أحب أقفلها وانا سايبها في أي مكان ماحدش يقدر يفتحها من جوه ؟

لأن أنا كمان عندي جنوط سبور والاستبن بتاعي جنط سبور برضه .. فخايف انه يتسرق بنفس الطريقه

آسف على الإطاله وياريت اللي عنده فكره يفيدني

وآسف مره تانيه للمشرفين عن المنتدى لو موضوعي ده ماجاش في محله الصحيح وبرجاء نقله لمكانه الأصح .. وشكرا

تحيــــاتي للجميع

[haysam2000]

على كلامك كده ان الموضوع مرتبط ب الطبله نفسها لآنى مسمعتش عن انذار بيعمل لوك للشنطه انها متتفتحش من جوه يعنى لوشديت الدراع و انت جوه العربيه و قافل بالريموت هتفتح عادى

[malibu]

اغلب العربيات اللى فيها فتح الشنطه من الداخل

بيبقى فيها زرار لوك على كالون الشنطه من جوه
عامل زى زرار اللوك بتاع الاطفال فى البابين الى ورا

[jankiez]

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

[s0144862631]

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

تمام فعلا موجود في الصني و ده حتى ما بتفتحش غير بالمفتاح الاسود فقط اما المفتاح الاحتياطي لونه بي ما بيفتحش الشنطه

[Dragon78]

على كلامك كده ان الموضوع مرتبط ب الطبله نفسها لآنى مسمعتش عن انذار بيعمل لوك للشنطه انها متتفتحش من جوه يعنى لوشديت الدراع و انت جوه العربيه و قافل بالريموت هتفتح عادى

إنت كده فهمتني غلط ياباشا .. أنا مااقصدش الإنذار هو اللي بيعمل لوك للشنطه .. أنا باتكلم عن المفتاح نفسه .. أكيد اللي معاه عربيه شاهين عارف أنا أقصد ايه

[Dragon78]

اغلب العربيات اللى فيها فتح الشنطه من الداخل

بيبقى فيها زرار لوك على كالون الشنطه من جوه
عامل زى زرار اللوك بتاع الاطفال فى البابين الى ورا

معلومه مهمه جدا ياباشا .. بس يارب تطلع موجوده عندي دي

أما لو طلعت موجوده فعلا تبقى انت خدمتني خدمه كبيره أوي

على أي حال .. ألف شكر على المعلومه الغاليه

تحيـــــــــــــاتي

[Dragon78]

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

ياريت الناس أصحاب اللانسر يأكدولنا المعلومه دي .. هل موجوده أو لأ ؟

أنا هابقى اشوف عندي الأول وابقى اقولكم

[akmm]

فعلا معلومه جديده ولكن موجوده ياترى فى كل العربيات اللى بتتفتح الشنطه بتاعتها من الداخل ولا لأ ... حشوف كمان عندى واقول .

[sonybony]

ماهو ممكن يفتح الكنبه ويدخل لو ظهر الكنبه متحرك ويبقيمعملتش حاجه ربنا يسترها علي الجميع

[Sehsss]

اغلب العربيات اللى فيها فتح الشنطه من الداخل

بيبقى فيها زرار لوك على كالون الشنطه من جوه
عامل زى زرار اللوك بتاع الاطفال فى البابين الى ورا

+11111111

[salah_86]

دراجون حمد لله على سلامتك الحمد لله انك بخير والله انا زعلت علشانك قوى دا العربية لسه جديدة
معلش انا برضة لسه الزجاج الامامى اتدشش بسبب تيريلا محملة طوب
بص انا هرد عليك فى حتة الجنوط دى
بص انا ركبت جنوط اسبور واشتريتلهم طقم لوك بمعنى ان راكب فى كل عجلة 3 صواميل عاديين وصامولة راسها مشرشره
طبعا طقم اللوك دا مش هتلاقيه تانى يعنى اللى هتشترية مش هتلاقة نقشتة تانى علشان ميجيش فى بالك انك لو اشتريته ممكن الحرامى يجيب زية
دا طبعا للاربع جنوط اللى راكبين اما الاستبن فمش عارف الصراحة
وطمنى عملت ايه فى الزجاج

[Dragon78]

دراجون حمد لله على سلامتك الحمد لله انك بخير والله انا زعلت علشانك قوى دا العربية لسه جديدة
معلش انا برضة لسه الزجاج الامامى اتدشش بسبب تيريلا محملة طوب
بص انا هرد عليك فى حتة الجنوط دى
بص انا ركبت جنوط اسبور واشتريتلهم طقم لوك بمعنى ان راكب فى كل عجلة 3 صواميل عاديين وصامولة راسها مشرشره
طبعا طقم اللوك دا مش هتلاقيه تانى يعنى اللى هتشترية مش هتلاقة نقشتة تانى علشان ميجيش فى بالك انك لو اشتريته ممكن الحرامى يجيب زية
دا طبعا للاربع جنوط اللى راكبين اما الاستبن فمش عارف الصراحة
وطمنى عملت ايه فى الزجاج

الحمد لله على كل شيء .. وشكرا ياباشا على سؤالك

بالنسبه لموضوع اللوك ده أنا عايز أجيبه ان شاء الله , بس عايز أجيب النوع التايواني مش الصيني لأني خايف أحسن الصيني ده يكون ضعيف والصاموله في مره تقفش ولا تفوت واضطر افورها , لكن التايواني ده أنضف شويه حتى سعره أغلى كتير بيعمل حوالي 150 جنيه.
وبخصوص موضوع تأمين الالجنط الاستبن ده لشه بقى مش عارف هاعمل فيه ايه
أما بخصوص القزاز الحمد لله عملته عند الثلاثي وكان يادوب الهوايه اللي ورا بس مش القزاز الكبير.

بس انت كده ياباشا برضه ماخدتش بالك من سؤالي الأساسي .
أنا عايز حل لموضوع فتح الشنطه من جوه العربيه .. ده كان سؤالي الأساسي .

وع العموم شكرا على مشاركتك .

تحيــــاتي

[rotanamasoud]

لو ملاقتش حل وليك فى الكهرباء
حتفك الزرار اللى بيفتح الشنطه من الداخل وتطلع منه سلكين وتعملهم زرار تانى فى مكان سرى

[Khaled Lanos]

اغلب العربيات اللى فيها فتح الشنطه من الداخل

بيبقى فيها زرار لوك على كالون الشنطه من جوه
عامل زى زرار اللوك بتاع الاطفال فى البابين الى ورا

ياترى موجودة في اللانوس ولا لأ؟