إعـــــــلان

Collapse

.

,
See more
See less

بسام فايبر ، بجد غيرت رأيي فيه

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة pharohtemo مشاهدة المشاركة
    أعوذ بالله من النوع ده من الناس، لو الإنسان يفتكر البداية و يعرف ان حسن المعاملة أهم من السلعة اللى بيبيعها ...
    حضرتك فكرتنى باحمد محرم بتاع الفيات فى عين شمس !! من زمان و المعاملة ممتازة و أولاده دلوقتى بيعاملوا الناس بنفس الطريقة :) إمتداد للأجيال المحترمة و التربية المظبوطة . مع أنهم ما شاء الله مسيطرين و سمعتهم زى الفل بس مع ذلك عمرهم ما تعالوا على حد و لا غيروا المعاملة الطيبة ...

    ماشاء الله عليهم ربنا يابركلنا ويباركلهم

    والله الصنايعى اللى سمعته سبقاه ويحافظ عليها ده يستاهل كال الخير وواجب الواحد يقول فى حقه كلمة طيبة لأن الصنايعى ايه غير شغل محترم وسمعة طيبة

    وشكراً لمرورك ياباشا

    Comment


    • #32
      متزعلش نفسك يامان انا عن نفسى فنى اليكترونى صيانه محمول بقالى 12 سنه فى المجال الحمدلله رب العالمين
      والمعالمه بتعتى مع العميل فوق الاحترام ولدى الله يرحمه كان ديما يقول العميل على حق لازم ياخد حقه وزياده قدام انا اخذت حقى حتى لو على حساب نفسى
      انته متزعلش نفسك اكيد فى غيره احسن كتير هو كده خسر كتير قوى

      Comment


      • #33
        المشاركة الأصلية كتبت بواسطة aftr مشاهدة المشاركة
        متزعلش نفسك يامان انا عن نفسى فنى اليكترونى صيانه محمول بقالى 12 سنه فى المجال الحمدلله رب العالمين
        والمعالمه بتعتى مع العميل فوق الاحترام ولدى الله يرحمه كان ديما يقول العميل على حق لازم ياخد حقه وزياده قدام انا اخذت حقى حتى لو على حساب نفسى
        انته متزعلش نفسك اكيد فى غيره احسن كتير هو كده خسر كتير قوى

        ياااااااااااااااااه من زمان نفسى اسمع الكلمة دى من اى صاحب مكان مهما كان حتى ولو صغير
        الكلمة دى مايفهمهاش وميعرفهاش ناس كتيييييييييير جداً للأسف تقدر تقول أنقرضت !!

        لا بجد والدك الله يرحمه علمك حاجة فعلاً تستحق التقدير ، ربنا يرحمه ويجعلك خير خلف لخير سلف ويكرمه فى أخرته بيك

        وشكراً لمرورك الكريم

        Comment


        • #34
          المشاركة الأصلية كتبت بواسطة ggaamm مشاهدة المشاركة

          السلام عليكم ورحمة الله وبركاته

          كلمة صغيرة فى خصوص بسام فايبر

          بصراحة محدش يقدر يتكلم عن الشغل بتاعه لكن فى الحقيقة المكان ده لو اتحيلوا عليا عشان اجيب منه حاجة بعد كده والله ما هروح أبداً لأنها مش هتقف على بسام ولا غيره

          ببساطة قمة قلة الذوق والإستخفاف بالزباين وسوء المعاملة هى المتصدرة لمشهد بسام فايبر الحرفيين !!!

          محدش يستغرب لأن مش دى اول مرة اتعامل فى المكان ده وانا عارف كانوا بيتعاملوا مع الزباين ازاى بس زمان بقى قبل ما ربنا يفتحها عليهم والزباين تكتر !!!

          بكل بساطة انا هحكلم الموقف اللى حصل معايا وانتوا تحددوا :

          بأختصار انا روحت لبسام فايبر الحرفيين وانا جاى من سوهاج ودى مش اول مرة اروحله ، نزلت عادى اجيب شغل لعربيتى وحجات لناس طلباها منى ، دخلت المحل ملقتش حد خالص فيه قلت سلام عليكم مرتين تلاتة محدش رد عليا ، وقف بتاع ربع ساعة عقبال ماجالى صنايعى المكان وانا اتعاملت معاه قبل كده وافتكرنى وسلمت عليه والعملية مشية تمام .

          سألته على كذا حاجة قالى موجود بس المشكلة انه مايعرفش اسعار وده عادى انا متوقعه لأنى مش اول مرة اتعامل هناك لأنى عارف الدنيا لأن كل زبون ليه سعره !!

          المهم قالى استنى طيب مش عارف مين فلان جاى ، او اقلك خد كلمه .. مسكت التليفون واتصلت بيه رد عليا واحد قالى انا ادينى داخل عالحرفيين ربع ساعة وكون عندك !!

          ساعة ونص انتظار فى المحل لولا شرف الباشا .. قلت عادى أنا كده كده زبون هنا ومايهمش نشيل بعض عشان الجماعة بيظبطونى وكده

          قلتله انا عاوز كذا وكذا وكذا ، ابص الاقى على وشه علامات الأفافة والنطاعة والغلاسة وبيبصلى ويقولى بقرف شديد كأنى جاى اشحت منه " انت عاوزهم ليه " قلتله ايه هو اللى ليه عاوزهم اركبهم لعربيتى ، قالى طيب فين العربية ، قلتله لأ انا من سوهاج ومش معايا العربية ، يقوم بكل برود يقولى انت عاوز ايه طيب ، قلتله كذا كذا كذا قالى عربية ايه قلتله فيرنا وكذا وكذا ، قالى بكل تناحة " آسف " !!!! ، قلتله اسف على ايه بالظبط قالى أنا مش ببيع !! ... وبصوت عالى وقلة ذوق

          اقسم بالله العظيم تلاتة ده الحوار اللى دار بينا ... قلتله امال انا لما كلمتك من ساعة ماقلتش ليه الكلام ده ولا انت تلطعنى وتقولى فى الآخر مافيش هو وقت الناس ده طظ فيه ووقتك انت بس المهم بالنسبالك ؟؟

          رد قالى ده اللى عندى الحجات بتاعتى بتركب على طول مابابعش قلتله هو انا اول مرة آجى هنا ؟؟
          قالى بكل غتاتة " آسف " !!

          قلتله لا آسف ولا بتاع هى مش هتقف عليك

          وبالفعل والله روحت للحاج إبراهيم جلهوم وجبت كل اللى نفسى فيه وحطيتهم على عربية ربع نقل وطلعت على سوهاج

          وشهادة حق فى ابراهيم جلهوم الراجل ده انا اتعاملت معاه مرتين ودى التالتة بصراحة شغل نضيف ومعاملة طيبة وانا مش هشترى غير من عنده بعد كده حتى ولو بضاعته معفنه وفيه العبر ، بس هتعامل معاه عشان معاملته الطيبة والبيبسى والشاى اللى شربهملى لأن كان شايلنى شيل

          فى النهاية انا مش جاى اسئ لأحد ولا اسوء سمعة حد بس انا كنت بشيد بباسم زمان وقلت للناس واقنعتهم بيه ، لكن جه الوقت اللى غيرت فيه رأيي وقررت اقوله عشان محدش يتخدع برأيي الأولانى ويروح يتعامل معاه وبعدين يلوم عليا .

          أعزائى أنا لا أقصد الإساءة لكن اقسم بالله ده اللى حصل معايا وحبيت أنقله بالحرف عشان تعرفوا الناس على حقيقتها وتعرفوا ان الفلوس بعد ما تجرى فى أيد الواحد ممكن يتبتر على النعمة وربنا يحرمه منها .

          تحياتى للجميع وأعتذر لو أسأت لأحد سواء بقصد او بدون



          ---------------------------
          ممنوع الكتابة باللون الاحمر لانه مخصص للمداخلات الادارية
          برجاء مراجعة قواعد المنتدي
          مشرف القسم ب5



          كل الحرفيين بقت كده انا كنت هناك امبارح مش عايز اقولك المعمله الزباله من معظم الناس اللى هناك تخش اى محل تشترى حاجه تقول السلام عليكم و لا حد يعبرك و تقول شكرا و لا حد يعبرك ده غير كده ممكن يديك قطعة غيار و خلاص مش مهم تنفع لعربيتك و لا لا . بجد بقت حاجه مقرفه جدا جدا.

          Comment


          • #35
            عشان كدا مش بتعامل مع اي حد مشهور او متسيط ع الفاضي
            [SIGPIC][/SIGPIC]
            Amr Gamal
            [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

            Comment


            • #36
              ممكن حضرتك تقولى سعر العتب بالتركيب وبدون دهان بيتكلف كام عن ابراهيم

              Comment


              • #37
                للاسف الشديد الموضوع ده مش علي مستوى الحرفيين والصنيعيه لا علي مستوى الدكاتره ولما تلعب معاه الاعوجاج والبطر المصريين بشكل عام معروفين فاكرنه نوع من الشطاره او الشهره انه يخسر الزبائن بسبب قله الذوق والاخلاق واحسن حاجه اننا نحذر بعض ونستفيد ونفيد لان كمان بسام ده خد شهره كبيره جدا بالذات من الموقع ده بقي سوبر ستار مش عارف علي ايه علي العموم انا كنت ناوي اروح من شهرين ومستني لما القي فرصه بس فعلا لو اخر واحد عمرى ما اروح له وربنا يكرمنا ويكرمك

                Comment


                • #38
                  المشاركة الأصلية كتبت بواسطة mickey_856 مشاهدة المشاركة
                  ممكن حضرتك تقولى سعر العتب بالتركيب وبدون دهان بيتكلف كام عن ابراهيم

                  تقريباً فى حدود ال200 جنيه وبارضو على حسب الأشكال والشغل اللى هيتعمل فى العربية

                  Comment


                  • #39
                    المشاركة الأصلية كتبت بواسطة luckyman مشاهدة المشاركة
                    للاسف الشديد الموضوع ده مش علي مستوى الحرفيين والصنيعيه لا علي مستوى الدكاتره ولما تلعب معاه الاعوجاج والبطر المصريين بشكل عام معروفين فاكرنه نوع من الشطاره او الشهره انه يخسر الزبائن بسبب قله الذوق والاخلاق واحسن حاجه اننا نحذر بعض ونستفيد ونفيد لان كمان بسام ده خد شهره كبيره جدا بالذات من الموقع ده بقي سوبر ستار مش عارف علي ايه علي العموم انا كنت ناوي اروح من شهرين ومستني لما القي فرصه بس فعلا لو اخر واحد عمرى ما اروح له وربنا يكرمنا ويكرمك
                    للأسف الواحد لما بيكبر وبيعمل أسم دايماً تلاقيه يتنك عالزبون ويعامله من تنتوفة مناخيره
                    بس ماتقلقش اللى زى كده دول عمرهم فى الشغلانة قصير



                    المشاركة الأصلية كتبت بواسطة amrgamal1 مشاهدة المشاركة
                    عشان كدا مش بتعامل مع اي حد مشهور او متسيط ع الفاضي
                    صحيح الصنايعى ماترتحلوش وتبقى زبونه غير لما تجربه بنفسك مهما الناس شكرت فيه

                    Comment


                    • #40
                      المشاركة الأصلية كتبت بواسطة elbeh مشاهدة المشاركة
                      كل الحرفيين بقت كده انا كنت هناك امبارح مش عايز اقولك المعمله الزباله من معظم الناس اللى هناك تخش اى محل تشترى حاجه تقول السلام عليكم و لا حد يعبرك و تقول شكرا و لا حد يعبرك ده غير كده ممكن يديك قطعة غيار و خلاص مش مهم تنفع لعربيتك و لا لا . بجد بقت حاجه مقرفه جدا جدا.

                      والله صح انا وصحابى علقنا نفس التعليق تحس ان الناس مش عاوزة تبيع

                      لكن للأمانة والله انا قابلت واحد متفانى جداً وبيبيع اى حاجة فى العربية حتى ولو راكبة فى نص كامل وحتى ولو كانت زرار بس للأسف بيشتغل استيراد فيرنا بس وسعره عالى حبة

                      لكن بجد الحرفيين معظمها كده بالذات بتوع الإستيراد

                      وللأمانة انا دخلت ميدو بيرفورمانس وبصراحة معاملتهم جيدة مع انى داخل ومبين انى بسأل مش فى نيتى اشترى أو أعدل لكن الراجل هناك بصراحة عاملنى معاملة طيبة جداً وكل حاجة بسأله عليها بيرد عليا وبزيادة كمان ، وبصراحة طلعت من هناك مبسوط مع انى ماكنتش متوقع المعاملة دى تكون كده من حد كبير ومشهور خصوصاً وأن الإنطباع كله أصبح سئ عن اى حد مشهور

                      Comment


                      • #41
                        فين ياباشاابراهيم جلهوم ده ...... ولو تسمح تبعتلى عنوانه على الخاص و الف شكر

                        Comment


                        • #42
                          ممكن لو حضرتك تعرف تقول لي تكلفة شغل الفيبر اللي باللون الفضي غير الاكصدام
                          يعمل كام




                          Comment


                          • #43
                            انا حصلى موقف فى الحرافين عشان اركب باغه لفنوسين شبوره 90 جنيه ليه ياعم 90 جنيه هو انته هتصنعهم من جديد قال اخرى 80 جنيه قولتله لا قال خلاص 70 جنيه قولتله 40 جنيه المهم مرديش روحت جبت اتنين جداد ومعاهم اللمض 100 جنيه روحت عنده تانى وريته الفوانيس وشه جاب الوان الطيف وعملت الاتنين الاقدام عند واحد صحبى بتاع زجاج عملتهم ببلاش الحرقين خلاص راحت عليها ومعظم اللى موجودين حراميه انا عامل 2 عتب و2 كساحه عند صديق فى الشرقيه 200 جنيه

                            Comment


                            • #44
                              المشاركة الأصلية كتبت بواسطة yousflee مشاهدة المشاركة
                              فين ياباشاابراهيم جلهوم ده ...... ولو تسمح تبعتلى عنوانه على الخاص و الف شكر


                              حاضر ياغالى

                              Comment


                              • #45
                                المشاركة الأصلية كتبت بواسطة aftr مشاهدة المشاركة
                                انا حصلى موقف فى الحرافين عشان اركب باغه لفنوسين شبوره 90 جنيه ليه ياعم 90 جنيه هو انته هتصنعهم من جديد قال اخرى 80 جنيه قولتله لا قال خلاص 70 جنيه قولتله 40 جنيه المهم مرديش روحت جبت اتنين جداد ومعاهم اللمض 100 جنيه روحت عنده تانى وريته الفوانيس وشه جاب الوان الطيف وعملت الاتنين الاقدام عند واحد صحبى بتاع زجاج عملتهم ببلاش الحرقين خلاص راحت عليها ومعظم اللى موجودين حراميه انا عامل 2 عتب و2 كساحه عند صديق فى الشرقيه 200 جنيه

                                نصب ياعم والله

                                بس ايه 200 ده ؟؟

                                السعر ده مستحيل تسمعه ابداً !!

                                ده انت ممكن تسمعه فى كساحة بي او عتب بس !!

                                ممكن تورينى الحجات دى عشان لو كده انا اروح اجيب من الشرقية والله

                                Comment

                                Working...
                                X