منظف ارمول

[hassanin_lada]

امبارح جبت منظف ارمول للجلد

جيت النهارده نزلت عشان انضف بقي السقفيه والكراسي واللذي منه

وطبعا كنت متوقع اني اروش ولما امسح يرجع الفرش زي الزيرو

لكن للاسف كان محتاج قوي عضلية رهيبه (انا اصلا بتدرب gym)

وبردو مش بيدي النتيجه المرغوبه

والفوطه كانت بتطلع طين الشهادة لله وكانت محتاجه اني كل حته صغيره اجيب فوط نضيفه

فهل طرية استخدامي له صح ولا اعمل ايه ؟

وهل هو فعلا كده محتاج قوة كينج كونج او جريندايزر الجبار عشان ننظف الفرش ولا ايه ؟؟

ارجو الافاده

وجبت كمان ملع كوتش

هل هو مضر للكوتشات ؟؟

اسف للاطاله

والسلام ختام

[Sehsss]

ملمع الكاوتش ممتاااز ومالوش أضرار
بالنسبة للمنظف، واضح إن المشكلة في إن العربية بقالها فترة ما اتنضفتش فهو ده السبب
لو عاوز حاجة أقوى هات انتريور سوناكس (ألماني الصنع) ودي صورته

[hassanin_lada]

العربيه مشتريها من سنين وهي موديل 2006 يعني مش وسخه اوي

هي المشكله كله في السقفيه مصفره

طيب حضرتك ماتعرفش سوناكس ده بكام ؟؟

لحسن انا امبارح ضيعت كل اللي في جيبي :d

الواحد يدخل محل الاكسسوري من هنا يبقي عاوز يجيب الدنيا كلها

[hassanin_lada]

معلش ياباشا لو فيها رخامه

انا كنت قريت علي ملمع الكاوتش كلمت فوووووم فهل هو الفوم اللي بيلمع الكاوتش ؟؟

ماهو لو كده نجيب احنا فوم زي بتوع المغاسل لان كده هيبقي خراب بيوت

[Sehsss]

السوناكس تقريبا بـ40 جنيها، وفوم الاسبراي (آرمور) غير فوم الغسيل يا باشا ونتايجه طبعا أفضل

[hassanin_lada]

مرسي مرسي كتير ياباشا

[Sehsss]

مرسي مرسي كتير ياباشا

العفوووووو

[نينو]

بس هل منظف الجلد ده ينفع لقماشة السقف و لا ليها حاجة تاني للقماش و حاجة للجلد و شكرا

[akmm]

سوناكس منظف المانى ممتاز وفيه منه للجلد وفيه للسقف القطيفه او القماش وطريقه استخدامه مكتوبه على العبوه وهو هايل جدا والثمن يتراوك مابين 38 الى 40 جنيه حسب مكان الشراء ..