استفسار عن تفييم زجاج سيارة

[peter magdy]

مساء الخير يا شباب
انا كنت عايز افيم زجاج البابين اللى قدام علشان اللى ورا و خلفى لونهم اسود
بس عايز افيم نفس الدرجة مش غامق قوى يعنى اسود خفيف
ليا كام استفسار
فى واحد قالى فى لزق بالمية و فى لازق بالسشوار
انى احسن
وواحد قالى الفامية وحش لانة بيسيب خطوط على الزجاج اثناء لازقة - فشكلة وحش
وواحد قالى بيبقى فية هواء
انا بطالب برأيكو علشان الزازج بغير شكل العربية و كمان علشان الصيف داخل
لو هركبو
اعرف منين انى الاحسن فى طريقة التركيب
و ازاى اعرف ان الصنايعى شغلة حلو
ارجو الافادة
شكرا

[akmm]

متابع ................

[eslamsubaru]

افضل مكان تركب فيه مكتبة ابراهيم فى شارع دمشق أساتذة فى التركيب و بيركبوه بالميه (من داخل الزجاج) لو عايز كمان من بره بيكون بالأستشوار .. انا لسه مركب عندهم من أسبوع أفتح درجة و التكلفة كاملة ب 260 ... بيكون نوع ضد الخدش يعنى لا بتلاقى هواء جواه و مبيتخدش مع الزمن...

[peter magdy]

مبروك على التركيب
بس اعتقد انة كدة غالى شوية ولا علشان شارع دمشق حاجتة غالة اصلا

[dr.hazem]

افضل مكان تركب فيه مكتبة ابراهيم فى شارع دمشق أساتذة فى التركيب و بيركبوه بالميه (من داخل الزجاج) لو عايز كمان من بره بيكون بالأستشوار .. انا لسه مركب عندهم من أسبوع أفتح درجة و التكلفة كاملة ب 260 ... بيكون نوع ضد الخدش يعنى لا بتلاقى هواء جواه و مبيتخدش مع الزمن...

ايييه؟ شفيق ستايل...

Sent from my SE Arc S using Forum Runner

[ecasper]

ممكن تشترى انت رول الفامية من التوفيقية ب 20 جنية وتلزقه انت. هتحدد المساحه وتقص الفامية وتغرق الازار مية كتير جدا ببخاخه. ةوتلزق الفامية وتفرغ الهواء بالبلاستيك الموجود مع الرول. او تودية لحد يعملهولك. عموما فى الفيوم بتتعمل العربية كلها ب 50 جنيه

[hamada amer]

الفاميه العادى من 50 لغايه 90 اما الغالى دا بيبقى حرارى يعنى ضد الخدش وضد الشمس ودا 225 دى الاسعار فى الشيخ زايد

[ecasper]

الفاميه العادى من 50 لغايه 90 اما الغالى دا بيبقى حرارى يعنى ضد الخدش وضد الشمس ودا 225 دى الاسعار فى الشيخ زايد

الاسعار دى غالية جدا. اذا كان هو فى الفيوم ب 25جنية الرول هيبقى فى التوفيقية فى حدود 20 جنية بالكتير

[mahmoud_afifi]

على فكره ابراهيم الي في شارع دمشق بقى غالي قوي وشغله وحش جدا.
اخر مره مركب عنده الفاميه طالع كله بخبخه وتراب تحت الفاميه وتحس انه عك في عك. مع ان اول مره عملت عنده في 2011 بعد الثوره كان شغله كويس وسعر معقول.

[the lawyer]

الفاميه أول درجة فيه مشكلة مع المرور

[fourseasons]

الفاميه أول درجة فيه مشكلة مع المرور

لو زجاج خلفى بس مبيدققوش اوى انا كنت مركبوا 3 سنين و محصلش حاجة الحمد لله و لسه شايله عشان كان عندى فحص. و ان شاء الله حركبوا تانى .امبارح روحت عزبة سعد اسكندرية عشان اركب سألت قالى الأتنين خلفى و الهوايات عاملين 50 ج لاكن عشان كنت مستعجل فكسلت بصراحة